ജനാധിപത്യ ഈജിപ്തിന്റെ പ്രഥമ പ്രസിഡന്റും മുസ്ലിം ബ്രദര്ഹുഡ് നേതാവുമായിരുന്ന മുഹമ്മദ് മുര്സി കോടതിയില് കുഴഞ്ഞ് വീണ് മരിച്ചു, ജഡ്ജിക്കുമുമ്പാകെ 20 മിനിറ്റ് സംസാരിച്ച മുര്സി ക്ഷീണിതനായി കുഴഞ്ഞു വീഴുകയായിരുന്നു
ജനാധിപത്യ ഈജിപ്തിന്റെ പ്രഥമ പ്രസിഡന്റും മുസ്ലിം ബ്രദര്ഹുഡ് നേതാവുമായിരുന്ന മുഹമ്മദ് മുര്സി(67) കോടതിയില് കുഴഞ്ഞ് വീണ് അന്തരിച്ചു. കേസുകളുടെ ഭാഗമായി കോടതിയില് ഹാജരായ അദ്ദേഹം വിചാരണക്കിടെ കുഴഞ്ഞുവീഴുകയും തുടര്ന്ന് അന്ത്യം സംഭവിക്കുകയുമായിരുന്നുവെന്ന് ദേശീയ ടെലിവിഷന് അറിയിച്ചു. ജഡ്ജിക്കുമുമ്പാകെ 20 മിനിറ്റ് സംസാരിച്ച മുര്സി ക്ഷീണിതനായി കുഴഞ്ഞു വീഴുകയായിരുന്നു. കടുത്ത പ്രമേഹവും കരള് രോഗവും ബാധിച്ച മുര്സിക്ക് അന്താരാഷ്ട്ര മര്യാദ അനുസരിച്ചുള്ള പരിഗണനകളൊന്നും ജയിലില് ലഭ്യമല്ലെന്നും ഇത് അദ്ദേഹത്തിന്റെ ജീവന് അപകടപ്പെടുത്തുമെന്നും നേരത്തേ കുടുംബം പരാതിപ്പെട്ടിരുന്നു.
2011ല് അറബ് വസന്തത്തിനു പിന്നാലെ ഈജിപ്തില് ജനാധിപത്യപരമായി തെരഞ്ഞെടുക്കപ്പെട്ട ആദ്യ പ്രസിഡന്റായിരുന്നു മുര്സി. ഹുസ്നി മുബാറക്കിന്റെ 30 വര്ഷത്തെ ഏകാധിപത്യഭരണത്തിനും മുര്സിയുടെ അധികാരാരോഹണം വിരാമമിട്ടു. 2013 ജൂലൈയില് രാജ്യത്ത് വന് ജനകീയ പ്രക്ഷോഭം അരങ്ങേറി. തുടര്ന്നുണ്ടായ പട്ടാള അട്ടിമറിയില് മുര്സിയെ അധികാരഭ്രഷ്ടനാക്കി പ്രതിരോധമന്ത്രിയായിരുന്ന അബ്ദുല് ഫത്താഹ് അല്സീസി ഭരണം പിടിച്ചു.നാലു വര്ഷത്തേക്ക് അധികാരത്തിലേറിയ മുര്സിയെ ഒരു വര്ഷത്തിനു ശേഷം പുറത്താക്കിയ സീസി ഭരണകൂടം പിന്നീട് പ്രതികാരനടപടികളിലേക്ക് തിരിഞ്ഞു.
ഹമാസുമായി ചേര്ന്ന് ഈജിപ്തിലെ പ്രക്ഷോഭകാരികള്ക്കെതിരെ ഗൂഢാലോചന നടത്തിയ കേസിലാണ് തിങ്കളാഴ്ച മുര്സിയെ കോടതിയില് ഹാജരാക്കിയത്. 2012ല് പ്രസിഡന്റിന്റെ കൊട്ടാരത്തിനു പുറത്തു നടന്ന പ്രക്ഷോഭത്തില് പങ്കെടുത്തവരെ പീഡിപ്പിച്ചുവെന്ന കേസില് മുര്സിയെ 20 വര്ഷത്തെ തടവിനു ശിക്ഷിച്ചിരുന്നു. ഖത്തറിന് ഔദ്യോഗികരഹസ്യം കൈമാറിയെന്ന കേസില് 2016ല് 25 വര്ഷത്തേക്കും പിന്നീട് ജുഡീഷ്യറിയെ അപമാനിച്ചെന്ന കേസില് മൂന്നു വര്ഷത്തേക്കും ശിക്ഷിച്ചിരുന്നു. കഴിഞ്ഞ മൂന്നു വര്ഷമായി ദക്ഷിണ കൈറോയിലെ കുപ്രസിദ്ധമായ തോറ ജയിലില് ഏകാന്തതടവിലായിരുന്നു മുര്സി.
https://www.facebook.com/Malayalivartha