ആ കാഴ്ച ഹൃദയഭേദകം ...റിയോ ഗ്രാന്‍ഡി നദിയില്‍ മുങ്ങിമരിച്ച പിതാവിന്റെയും രണ്ടു വയസുള്ള കുട്ടിയുടെയും ചിത്രം താന്‍ വെറുക്കുന്നതായും കുട്ടിയുടെ പിതാവ് മികച്ച ആളായിരുന്നെന്നും ട്രംപ്
അമേരിക്കയില്‍ അനധികൃതമായി പ്രവേശിക്കാനുള്ള ഉദ്യമത്തിനിടെ റിയോ ഗ്രാന്‍ഡി നദിയില്‍ മുങ്ങിമരിച്ച പിതാവിന്റെയും രണ്ടു വയസുള്ള കുട്ടിയുടെയും ചിത്രം താന്‍ വെറുക്കുന്നതായി യുഎസ് പ്രസിഡന്റ് ഡോണള്‍ഡ് ട്രംപ്. കുട്ടിയുടെ പിതാവ് അതിശയകരമായ വ്യക്തിത്വത്തിന് ഉടമയായിരുന്നെന്നും ട്രംപ് പറഞ്ഞു. ആ ചിത്രം കാണുന്നത് താന്‍ വെറുക്കുന്നു. കുട്ടിയുടെ പിതാവ് മികച്ച ആളായിരുന്നെന്നും ട്രംപ് കൂട്ടിച്ചേര്‍ത്തു. രണ്ടു മാസമായി മെക്‌സിക്കോയിലെ ക്യാമ്പില്‍ താമസിക്കുകയായിരുന്നു എല്‍സാല്‍വദോറുകാരനായ ഓസ്‌കര്‍ ആല്‍ബര്‍ട്ടോ മാര്‍ട്ടിനസ് റമീറസും കുടുംബ വും.
നിയമാനുസൃതമായി അമേരിക്കയില്‍ കടക്കാനുള്ള കാലതാമസം മൂലം നിരാശനായ റമീറസ് നദി കടന്ന് അക്കരയ്ക്കു പോകാന്‍ തീരുമാനിച്ചു. ഇരുപത്തിമൂന്നു മാസം മാത്രം പ്രായമുള്ള മകള്‍ വലേരിയയുമായി റമീറസ്(25) നദി നീന്തിക്കടന്നു. കുഞ്ഞിനെ കരയില്‍ നിര്‍ത്തിയശേഷം ഭാര്യ താനിയാ വനേസ അവലോസിനെ(21) കൂട്ടിക്കൊണ്ടുവരാനായി റമീറസ് വീണ്ടും നദിയിലേക്കിറങ്ങി. കരയില്‍ ഒറ്റയ്ക്കായ വലേരിയ പേടിച്ച് പിതാവിനു പിന്നാലെ നദിയിലേക്കു ചാടുകയായിരുന്നു. റമീറസ് പിന്നോട്ടു വന്ന് മകളെ കൈയിലെടുത്തെങ്കിലും രണ്ടുപേരും ഒഴുക്കില്‍പ്പെട്ടു. തിങ്കളാഴ്ച രാവിലെയാണ് ഇരുവരു ടെയും മൃതദേഹങ്ങള്‍ ടെക്‌സസിലെ ബ്രൗണ്‍സ് വില്ലിനു കുറുകെ മെക്‌സിക്കോയിലെ മടാമോറോസിനു സമീപം കണ്ടെത്തിയത്. ദാരിദ്യവും തൊഴിലില്ലായ്മയും മൂലം ആയിരങ്ങളാണ് സെന്‍ട്രല്‍ അമേരിക്കന്‍ രാജ്യങ്ങളായ എല്‍സാല്‍വദോര്‍, ഗ്വാട്ടിമാല തുടങ്ങിയ രാജ്യങ്ങളില്‍ നിന്ന് മെക്‌സിക്കോയിലെത്തി അനധികൃതമായി അമേരിക്കയില്‍ കുടിയേറാന്‍ ശ്രമിക്കുന്നത്.
"
https://www.facebook.com/Malayalivartha
