യുഎന്‍ മനുഷ്യാവകാശ കൗണ്‍സിലില്‍ കശ്മീര്‍ പ്രമേയം കൊണ്ടുവരാനുള്ള പാക്കിസ്ഥാന്റെ നീക്കത്തെ ലോകരാജ്യങ്ങള്‍ പിന്തുണച്ചില്ല. ഏറ്റവും കുറഞ്ഞത് 16 രാജ്യങ്ങളുടെ പിന്തുണയായിരുന്നു പ്രമേയം കൊണ്ടുവരാന്‍ വേണ്ടിയിരുന്നത്. ഇത് നേടിയെടുക്കാന്‍ പാക്കിസ്ഥാന് കഴിഞ്ഞില്ല. അന്‍പതിലധികം രാജ്യങ്ങള്‍ ഒപ്പമുണ്ടെന്നാണ് പാക് പ്രധാനമന്ത്രി ഇമ്രാന്‍ ഖാന്‍ അവകാശപ്പെട്ടിരുന്നത്. അതിനിടെ, പൂഞ്ചിലെ രണ്ടിടങ്ങളില്‍ പാക്കിസ്ഥാന്‍ വെടിനിര്‍ത്തല്‍ കരാര്‍ ലംഘിച്ചു. ഇന്ത്യ ശക്തമായി തിരിച്ചടിച്ചു. ജമ്മു കശ്മീരിലെ നിക്ഷേപ സംഗമം അടുത്ത വര്‍ഷത്തേയ്ക്ക് മാറ്റി. ഒക്ടോബര്‍ 12 മുതല്‍ 14 വരെയായിരുന്നു നേരത്തെ നിശ്ചയിച്ചിരുന്നത്.

ഇനി ഇന്ത്യയെ ഭയന്ന് വാലും ചുരുട്ടി ഇരിക്കുകയേ നിവര്‍ത്തിയുള്ളൂ എന്ന രീതിയിലേക്ക് പാകിസ്താന്‍ എത്തിനില്‍ക്കുകയാണ് ,പുല്‍വാമ, ഉറി പോലുള്ള ആക്രമണങ്ങള്‍ക്ക് ഇന്ത്യ എങ്ങനെ മറുപടി നല്‍കുമെന്നറിയാതെ ഭയത്തിലാണ് പാകിസ്ഥാനെന്ന് കരസേന മേധാവി ബിപിന്‍ റാവത്ത്. പാക്കിസ്ഥാനിലെ അസ്ഥിരമായ അവസ്ഥ ഇന്ത്യയെ സംബന്ധിച്ചെടുത്തോളം നല്ലതാണ്. ഇന്ത്യക്കെതിരായ ആക്രമണങ്ങള്‍ക്കുള്ള തിരിച്ചടിയെ കുറിച്ച് പാക്കിസ്ഥാന്‍ ഭയക്കുന്നുണ്ട്. അവരുടെ ആക്രമണങ്ങള്‍ ഇന്ത്യ കൊടുത്ത തിരിച്ചടികള് അത്തരത്തിലായിരുന്നു.

പുല്‍വാമ ആക്രമണത്തില്‍ 40 ജവാന്‍മാര്‍ കൊല്ലപ്പെട്ടതോടെയാണ് അത് വലിയ ആക്രമണമായി മാറിയത്. ബസില്‍ 40 പേര്‍ ഉണ്ടെന്ന കാര്യം ആക്രമണം നടത്തിയവര്‍ക്കും അറിയില്ലായിരുന്നു. സാധാരണ ഗതിയില്‍ അഞ്ചുപേരൊക്കെയാണ് ബസില്‍ ഉണ്ടാകാറുള്ളത്. അന്ന് ബസ് ഫുള്ളായത് ആക്രമണത്തിന്റെ ആഘാതം കൂട്ടി.

നേരത്തെ സേനയ്ക്ക് ബുള്ളറ്റുകളുടെ യും ഷെല്ലുകളുടെയും കുറവുണ്ടായിരുന്നു. എന്നാല്‍ ഇപ്പോള്‍ തുടര്‍ച്ചയാ പത്ത് ദിവസം യുദ്ധം ചെയ്യാനുള്ള ആയുധങ്ങളും ബുള്ളറ്റുകളും സേനയുടെ കയ്യിലുണ്ട്. ചൈനയുമയി അതിര്‍ത്തി പങ്കിടുന്ന നിയന്ത്രണ രേഖകളില്‍ എപ്പോഴും ഡിഫന്‍സീവ് ആയി നില്‍ക്കുന്ന സമീപനത്തില്‍ സൈന്യം മാറ്റം വരുത്തിയതായും അദ്ദേഹം ചൂണ്ടിക്കാട്ടി.

സേനയെ സുസജ്ജമായി വിന്യസിക്കുക എന്നതിലാണ് സേന ഊന്നല്‍ നല്‍കുന്നത്. എന്നാല്‍ ചൈനയുമായി നിയന്ത്രണരേഖയിലുണ്ടാകുന്ന ചെറിയ പ്രശ്‌നങ്ങള്‍ക്കപ്പുറം യുദ്ധമൊന്നും പ്രതീക്ഷിക്കേണ്ടതില്ലെന്നും അതിര്‍ത്തിയിലെ പ്രശ്‌നങ്ങള്‍ സാധാരണമാണെന്നും അദ്ദേഹം കൂട്ടിച്ചേര്‍ത്തു. കശ്മീരില്‍ കാര്യങ്ങളൊക്കെ സാധാരണഗതിയില്‍ നടക്കുന്നുണ്ടെന്നും മറിച്ചുള്ള പ്രചാരണങ്ങളൊക്കെ തെറ്റാണെന്നും ബിപിന്‍ റാവത്ത് പറഞ്ഞു.