പാകിസ്ഥാനിൽ നിന്നും വരുന്ന നഷ്ടത്തിന്റെ കണക്കുകൾ ഞെട്ടിക്കുന്നു. 2016- 17 വര്‍ഷത്തില്‍ 46 വിമാനങ്ങള്‍ യാത്രക്കാരില്ലാതെ പറത്തി വമ്പൻ സാമ്പത്തിക നഷ്ട്ടം ഉണ്ടാക്കിയിരിക്കുകയാണ് പാകിസ്ഥാൻ. പാകിസ്ഥാന്‍ അന്താരാഷ്ട്ര വിമാന കമ്പനിയായ (പിഐഎ) ആണ് ഇസ്ലാമാബാദ് എയര്‍പോര്‍ട്ടില്‍ നിന്നും 2016- 17 വര്‍ഷത്തില്‍ 46 വിമാനങ്ങള്‍ യാത്രക്കാരില്ലാതെ പറത്തിയത്. 180 മില്ല്യണ്‍ നഷ്ടം സംഭവിച്ചതായി വിവരങ്ങൾ പുറത്ത് വരുന്നു. ഹജ്, ഉമ്ര ഭാഗങ്ങളിലേക്ക് പോകാനായി ഇറക്കിയ 36 അധിക വിമാനങ്ങളും യാത്രക്കാരില്ലാതെയാണ് പറത്തിയിരിക്കുന്നത്.എന്നാൽ ഇക്കാര്യത്തെ കുറിച്ച് ഭരണകൂടത്തെ അറിയിച്ചിട്ടും അന്വേഷണം ആരംഭിച്ചിട്ടില്ല എന്നത് ശ്രദ്ധേയം. ഔദ്യോഗിക രേഖകളില്‍ പാക് വിമാനകമ്പനി വന്‍ വീഴ്ച വരുത്തിയെന്ന് പുറത്ത് വരുന്ന വിവരങ്ങളിൽ എടുത്ത് പറയുന്നു. പ്രവര്‍ത്തന ചെലവ് കുറയ്ക്കാന്‍ പിഐഎ കഴിഞ്ഞ മാസം 1,000 അധിക ജോലിക്കാരെ പിരിച്ചു വിട്ടിരുന്നതായി റിപ്പോര്‍ട്ടുകള്‍ സൂചിപ്പിക്കുന്നു. എന്നാൽ അൽപം ഒന്നു ശ്രദ്ധിച്ചിരുന്നെങ്കിൽ നഷ്ട്ടങ്ങൾ നികത്താൻ രാജ്യത്തിന് കഴിയുമായിരുന്നു. ഈ കാര്യത്തിൽ പാക് അധികൃതർ എടുത്തിരിക്കുന്ന മനോഭാവവും ചിന്തിക്കേണ്ടിയിരിക്കുന്നു. ഈ തെറ്റ് അധികൃതരോട് അറിയിച്ചെങ്കിലും വേണ്ടുന്ന നടപടി സ്വീകരിക്കാതെ അവർ പിന്മാറുന്ന കാഴ്ച്ചയാണ് കാണാൻ കഴിയുന്നത്. ഭരണകൂടത്തിന്റെ അലക്ഷ്യ മനോഭാവവും ഇതിൽ നിന്നും വ്യക്തം.

പാക്കിസ്ഥാൻ ഇന്റർനാഷണൽ എയർലൈൻസ് ആയിരത്തോളം ജീവനക്കാരുടെ തൊഴിലിൽ നിന്നും പിരിച്ചു വിട്ടിരുന്നു. പ്രവർത്തനച്ചെലവ് കുറയ്ക്കുന്നതിനായിട്ടായിരുന്നു ഈ നടപടി. പണമിടപാടുള്ള ദേശീയ വിമാനക്കമ്പനിയുടെ വരുമാനം വർദ്ധിപ്പിക്കുന്നതിനും മറ്റ് നടപടികൾ സ്വീകരിച്ചിട്ടുണ്ടെന്നും വിവരം വന്നിരുന്നു. പണമിടപാടുള്ള പി‌ഐ‌എ വലിയ സാമ്പത്തിക നഷ്ടത്തിലാണ്. വർഷങ്ങളായി, 18,000 പ്ലസ് ജീവനക്കാരും 32 വിമാനങ്ങളുള്ള ഒരു വിമാനക്കമ്പനിയുമാണെങ്കിലും നഷ്ട്ടങ്ങളുടെ വക്കിലാണ് ഈ വിമാന കമ്പനി. ചെലവ് ലാഭിക്കാൻ വേണ്ടി ആയിരത്തോളം ജീവനക്കാരെ പിരിച്ചുവിട്ട നടപടി സ്വീകരിച്ച ഇവർ നഷ്ടത്തിൽ ഓടിയ വിമാനങ്ങളുടെ കാര്യത്തിൽ മൗനം പാലിക്കുന്ന അവസ്ഥയാണ്. ആൾക്കാരില്ലാതെ വിമാനം യാത്ര നടന്നപ്പോൾ ഉണ്ടായ വലിയ സാമ്പത്തിക പ്രതിസന്ധിക്ക് സാക്ഷ്യം വഹിച്ചിരിക്കുകയാണ് പാക്.