ബിബിസിയിലെ വാഹന സംബന്ധിയായ ജനപ്രിയ പരിപാടി ടോപ് ഗിയറിന്റെ അവതാരകനായി ജെറിമി ക്ലാര്‍ക്‌സണ്‍ ഇനിയെത്തില്ലെന്നു കഴിഞ്ഞ ബുധനാഴ്ചയാണ് ഹാള്‍ അറിയിപ്പു നല്‍കിയത്. മണിക്കൂറുകള്‍ക്കകം ഹാളിന് വധഭീഷണിയുമെത്തി. ബ്രിട്ടനു പുറത്തുനിന്നാണു സന്ദേശം അയച്ചതെന്നാണു സൂചന. ഹാളിനും ഭാര്യ സിന്തിയയ്ക്കും ഇരുപത്തിനാലു മണിക്കൂറും സുരക്ഷ ഏര്‍പ്പെടുത്തിയിട്ടുണ്ട്.

ഇരുനൂറിലേറെ രാജ്യങ്ങളില്‍ സംപ്രേഷണം ചെയ്യുന്ന ബിബിസി ടോപ് ഗിയര്‍ പരിപാടിയുടെ അവതാരകനായ 54-കാരനായ ജെറിമി ക്ലാര്‍ക്‌സണ്‍-ന്റെ വാര്‍ഷിക പ്രതിഫലം 10 ലക്ഷം പൗണ്ട് ആണ്. പരിപാടിയിലൂടെ ബിബിസി ഒരു വര്‍ഷം കൊയ്യുന്നത് 7.4 കോടി ഡോളര്‍ ആണ് .വെട്ടിത്തുറന്ന് അഭിപ്രായം പറയുന്ന ക്ലാര്‍ക്‌സണ്‍ വിമര്‍ശകരുടെ നോട്ടപ്പുള്ളിയാണെങ്കിലും പ്രേക്ഷകര്‍ക്ക് പ്രിയങ്കരനാണ്.

ടോപ് ഗിയര്‍ പരിപാടിയുടെ പ്രൊഡ്യൂസറോടു കയര്‍ത്തു സംസാരിച്ചതും കയ്യേറ്റം ചെയ്തതുമാണു ജെറിമി ക്ലാര്‍ക്‌സന്റെ പണി തെറിപ്പിച്ചത്. പകല്‍ മുഴുവന്‍ നീണ്ട ഷൂട്ടിങ്ങിനുശേഷം ക്ലാര്‍ക്‌സന്‍ ആവശ്യപ്പെട്ട ഭക്ഷണം എത്തിയില്ല. തുടര്‍ന്ന്, പ്രൊഡ്യൂസര്‍ ഒയിസിന്‍ ടൈമണിനോടു ക്ലാര്‍ക്‌സന്‍ ചൂടായി. ഏറെനേരം നീണ്ട വാക്കേറ്റത്തിനുശേഷം നല്ലൊരിടിയും കൊടുത്തു. പരാതിയൊന്നുമില്ലെന്നാണു പ്രൊഡ്യൂസറുടെ നിലപാടെങ്കിലും ക്ലാര്‍ക്‌സന്റെ ആരാധകര്‍ ഇദ്ദേഹത്തെ വെറുതെവിടുന്ന മട്ടില്ല. ടൈമണിന്റെ മരണമടുത്തെന്നും മറ്റും പറഞ്ഞ് ട്വിറ്റര്‍ \'പ്രതികാരങ്ങളുടെ പ്രവാഹമാണിപ്പോള്‍.

ബിബിസി ചരിത്രത്തില്‍ ഇപ്പോഴത്തേതുപോലെ ഗൗരവമുള്ള മറ്റൊരു ഭീഷണിയുണ്ടായതു പത്തുവര്‍ഷം മുന്‍പാണ്. ക്രിസ്തുവിനെ മോശമായി ചിത്രീകരിക്കുന്ന ഒരു ഓപ്പറ സംപ്രേഷണം ചെയ്തതിനു ബിബിസി 2 കണ്‍ട്രോളര്‍ റോളി കീറ്റിങ്ങിനെ വധിക്കുമെന്നായിരുന്നു അന്നു ഭീഷണി. തുടര്‍ന്ന് അദ്ദേഹം ഒളിവില്‍ പോയി. 1999ല്‍ ബിബിസി ന്യൂസ് ചീഫ് എക്‌സിക്യൂട്ടിവ് ആയിരിക്കുമ്പോഴും ടോണി ഹാളിനു വധഭീഷണി ലഭിച്ചിരുന്നു. അന്ന് അദ്ദേഹം ഒളിവില്‍ പോയിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക