ഉത്തരകൊറിയന്‍ ഏകാതിപധി കിം ജോങ് ഉന്നിന്റെ ആരോഗ്യ സ്ഥിതി സംബന്ധിച്ച് യുഎസ് പുറത്തുവിട്ടത് മസ്തിഷ്‌ക മരണം സംഭവിച്ചു എന്ന തരത്തിലുള്ള റിപ്പോര്‍ട്ടുകളാണ് എന്നാല്‍ അത്തരത്തിലുള്ള അഭ്യൂഹങ്ങള്‍ക്ക് വിരാമമിട്ടുകൊണ്ട് ഉത്തര കൊറിയന്‍ ഏകാധിപതി കിം ജോങ് ഉന്‍ ഭരണ കാര്യങ്ങളില്‍ സജീവമാകുന്നു എന്ന വാര്‍ത്ത പുറത്തുവരുമ്പോള്‍. ആശങ്കകളും വര്‍ദ്ധിക്കുകയാണ്.

ആരോഗ്യവാനായി തിരിച്ചെത്തിയ കിം രാജ്യത്തെ ഉന്നത സൈനിക ഉദ്യോഗസ്തരുടെ യോഗം വിളിച്ച കിം അണ്വായുധങ്ങളുടെ സുരക്ഷ സംബന്ധിച്ച കാര്യങ്ങള്‍ ചര്‍ച്ച ചെയ്തതായാണ് വിവരം. ഉത്തര കൊറിയയുടെ ഔദ്യോഗിക വാര്‍ത്താ ഏജന്‍സിയായ കെസിഎന്‍എ ആണ് ഇക്കാര്യം റിപ്പോര്‍ട്ട് ചെയ്തത്.

മാത്രമല്ല രാജ്യത്തെ തന്ത്ര പ്രധാന മേഖലകളില്‍ വിവിധ സൈനിക വിഭാഗങ്ങള്‍ സജ്ജരായിരിക്കാന്‍ കിം നിര്‍ദേശം നല്‍കിയതായും റിപ്പോര്‍ട്ട് ഉണ്ട്. ആരോഗ്യ നില മോശമായ കിം മരിച്ചു എന്നുവരെ അഭ്യുഹങ്ങള്‍ പ്രചരിച്ചിരുന്നു. എന്നാല്‍ പിന്നീട് ഒരു രാസവള ഫാക്ടറിയുടെ ഉത്ഘാടന ചടങ്ങില്‍ പങ്കെടുത്തുകൊണ്ട് കിം അഭ്യുഹങ്ങള്‍ക്ക് വിരാമമിട്ടു, വീണ്ടും മൂന്നാഴ്ചയോളം കിമ്മിനെ കുറിച്ചുള്ള യാതൊരു വിവരവും ഇല്ലായിരുന്നു. ഇപ്പോള്‍ രാജ്യത്തെ ഔദ്യോഗിക വാര്‍ത്താ ഏജന്‍സി തന്നെ കിം പങ്കെടുത്ത യോഗത്തെ കുറിച്ചുള്ള വാര്‍ത്ത പുറത്ത് വിട്ടിരിക്കുകയാണ്. രാജ്യത്തിന്റെ ആണവായുധ ശേഖരം വര്‍ധിപ്പിക്കുന്ന നടപടികളുമായി മുന്നോട്ട് പോകണം, അതോടൊപ്പം തന്ത്ര പ്രധാന സൈനിക സംഘങ്ങളും തയ്യാറായിരിക്കണം, എന്നൊക്കെയാണ് കിം ആഹ്വാനം ചെയ്തിരിക്കുന്നത്.