പാകിസ്ഥാന്‍ അധിനിവേശ-കശ്മീരിലെ ഗില്‍ഗിറ്റ്-ബാള്‍ട്ടിസ്ഥാനിലെ ചിലാസ് പ്രദേശത്ത് ബുദ്ധമത ശിലാ കൊത്തുപണികള്‍ നശിപ്പിച്ച നിലയില്‍. എ.ഡി 800-ലെ ശിലാ കൊത്തുപണികള്‍ പുരാവസ്‌തുശാസ്‌ത്രപരമായി പ്രാധാന്യമര്‍ഹിക്കുന്നവയാണ്. കൊത്തുപണികള്‍ക്ക് മുകളില്‍ മുദ്രാവാക്യങ്ങളും പാകിസ്ഥാന്‍ പതാകയും പെയിന്റ് ചെയ്ത് ചേര്‍ത്ത് വികൃതമാക്കിയതായി അവിടെ നിന്നുള്ള ദൃശ്യങ്ങള്‍ കാണിക്കുന്നു.

പാക്കിസ്ഥാന്‍ സൈന്യത്തിന്റെ പിന്തുണയുള്ള മൗലികവാദികളും അക്രമികളുമാണ് പുരാവസ്തുപരമായി വിലപ്പെട്ടതും പുരാതനവുമായ കൊത്തുപണികള്‍ നശിപ്പിച്ചത്.

ചൊവ്വാഴ്ച ഗില്‍ഗിത് ബാള്‍ട്ടിസ്ഥാനിലെ ചില നിവാസികള്‍ സോഷ്യല്‍ മീഡിയയില്‍ പോസ്റ്റ് ചെയ്ത ചിത്രങ്ങങ്ങളിലൂടെയാണ് സംഭവം പുറത്തുവന്നത്. നശിപ്പിച്ച കൊത്തുപണികള്‍ പ്രാദേശിക ബുദ്ധമത നിവാസികള്‍ കണ്ടെത്തിയതായും പെയിന്റ് പുതിയതായി ചെയ്തതാണെന്ന് വ്യക്തമായതായും റിപ്പോര്‍ട്ട് പറയുന്നു.

ഈ പുരാവസ്തു സ്ഥലം നശിപ്പിക്കുമെന്ന് കരുതുന്ന പാക്-ചൈന ഡയമര്‍ ഭാഷാ ഡാം പദ്ധതിയെതിരായ പ്രതിഷേധത്തിന് പ്രതികാരമായാണ് ഈ നശീകരണമെന്നും ഉറവിടങ്ങള്‍ പറയുന്നു.

2001 ല്‍ അഫ്ഗാനിസ്ഥാനിലെ ബാമിയന്‍ താഴ്‌വരയില്‍ താലിബാന്‍ ബുദ്ധ പ്രതിമകള്‍ തകര്‍ത്തിരുന്നു. 19 വര്‍ഷം മുന്നേ നടന്ന ആ സംഭവത്തെ അനുസ്മരിപ്പിക്കുന്നതാണ് പുതിയ സംഭവവികാസങ്ങള്‍.

ദേശീയപാത 28ല്‍ ഗോരഖ്പൂരില്‍ നിന്ന് 50 കിലോമീറ്റര്‍ കിഴക്ക് മാറി സ്ഥിതി ചെയ്യുന്ന സ്ഥലമാണ് ഖുഷിനഗര്‍. ഇവിടെയാണ് ലോകപ്രശസ്ത ബുദ്ധ തീര്‍ത്ഥാടന കേന്ദ്രമുള്ളത്. നിരവധി ബുദ്ധ ക്ഷേത്രങ്ങള്‍ നിലകൊള്ളുന്ന സ്ഥലം കൂടിയാണ്. അതുകൊണ്ടു തന്നെ ഏറെ പ്രാധാന്യമര്‍ഹിക്കുന്നു. ലോകത്തിന്റെ വിവിധ ഭാഗങ്ങളില്‍ നിന്ന് ഇവിടേക്ക് തീര്‍ത്ഥാടകര്‍ എത്തുന്നു. അന്താരാഷ്ട്ര ടൂറിസ്റ്റ് ഡെസ്റ്റിനേഷനായി നേരത്തെ തന്നെ മാറിയിരുന്നു. ആയിരക്കണക്കിന് ബുദ്ധമത വിശ്വാസികള്‍ എല്ലാ വര്‍ഷവും ഇവിടെ വന്നുപോകുന്നു.