അ​മേ​രി​ക്ക​യി​ലെ വാ​ഷിം​ഗ്ട​ണ്‍ ഡി​സി​യി​ലുള്ള ഇ​ന്ത്യ​ൻ എം​ബ​സി​ക്ക് പു​റ​ത്ത് ഉണ്ടായിരുന്ന മ​ഹാ​ത്മാ ഗാ​ന്ധി​യു​ടെ പ്ര​തി​മ ത​ക​ർ​ത്ത നി​ല​യി​ൽ കാണപ്പെട്ടു.. . ആ​ഫ്രി​ക്ക​ൻ-​അ​മേ​രി​ക്ക​ൻ വം​ശ​ജ​ൻ ജോ​ർ​ജ് ഫ്ളോ​യി​ഡി​ന്‍റെ കൊ​ല​പാ​ത​ക​ത്തെ തു​ട​ർ​ന്നു അ​മേ​രി​ക്ക​യി​ൽ ന​ട​ക്കു​ന്ന പ്ര​തി​ഷേ​ധ​ത്തി​ൽ പ​ങ്കെ​ടു​ത്ത അ​ജ്ഞാ​ത​രാ​ണ് പ്ര​തി​മ ത​ക​ർ​ത്ത​ത് എന്നാണ് റിപ്പോർട്ടുകൾ . സം​ഭ​വ​ത്തി​ൽ യു​എ​സ് പോ​ലീ​സ് അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്.

മെയ് 25-നാണ് മിനിയാപൊളിസില്‍ വെളുത്ത വര്‍ഗക്കാരനായ പോലീസ് ഓഫീസര്‍ ഡെറെക് ചൗവിന്‍ ഫ്ലോയിഡിന്‍റെ കഴുത്തില്‍ കാല്‍മുട്ട് അമര്‍ത്തി കൊലപ്പെടുത്തിയത്. വെളുത്ത നിറമുള്ള പോലീസ് ഓഫീസര്‍ ഒമ്പത് മിനിറ്റോളം ഫ്ലോയിഡിന്‍റെ കഴുത്തില്‍ കാല്‍മുട്ട് അമര്‍ത്തുന്ന ദൃശ്യം സമൂഹമാധ്യമങ്ങളില്‍ പ്രചരിച്ചതോടെയാണ് പ്രതിഷേധം ആളിക്കത്തിയത്.

മിനിയാപൊളിസില്‍ തുടങ്ങിയ പ്രക്ഷോഭം അമേരിക്കയിലെങ്ങും കത്തിപ്പടരുകയായിരുന്നു. രാജ്യത്തെ 140 ഓളം നഗരങ്ങളാണ് കലാപകലുഷിതമായത്. ഫ്ലോയിഡിന്‍റെ അവസാന വാക്കുകളായ എനിക്ക് ശ്വാസം മുട്ടുന്നു (ഐ കാണ്ട് ബ്രീത്) എന്നതാണ് പ്രതിഷേധത്തിന്‍റെ വാചകമായി മാറിയത്.

വെ​ള്ള​ക്കാ​ര​നാ​യ പോ​ലീ​സു​കാ​ര​ന്‍റെ ക്രൂ​ര​ത​യാ​ൽ കൊ​ല്ല​പ്പെ​ട്ട ക​റു​ത്ത​വം​ശ​ജ​നു നീ​തി ആ​വ​ശ്യ​പ്പെ​ട്ട് തു​ട​ർ​ച്ച​യാ​യ എ​ട്ടാം ദി​വ​സ​വും രാ​ജ്യ​ത്തു​ട​നീ​ളം ജ​നം തെ​രു​വി​ലി​റ​ങ്ങി. ക​ഴി​ഞ്ഞ​ദി​വ​സം ത​ല​സ്ഥാ​ന​മാ​യ വാ​ഷിം​ഗ്ട​ൺ ഡി​സി, ന്യൂ​യോ​ർ​ക്ക്, ലോ​സ് ആ​ഞ്ച​ല​സ്, ഷി​ക്കാ​ഗോ തു​ട​ങ്ങി​യ​വ അ​ട​ക്കം 75-ല​ധി​കം ന​ഗ​ര​ങ്ങ​ളി​ൽ പ്ര​ക​ട​ന​ങ്ങ​ളു​ണ്ടാ​യി. 40-ഓ​ളം ന​ഗ​ര​ങ്ങ​ളി​ൽ ഏ​ർ​പ്പെ​ടു​ത്തി​യ ക​ർ​ഫ്യൂ ജ​നം വ​ക​വ​ച്ചി​ല്ല. അ​ക്ര​മ​പ്ര​വ​ർ​ത്ത​ന​ങ്ങ​ൾ വ്യാ​പ​ക​മാ​യി റി​പ്പോ​ർ​ട്ട് ചെ​യ്യ​പ്പെ​ടു​ന്നു. ന്യൂ​യോ​ർ​ക്കി​ൽ വ​ൻ​കി​ട ബ്രാ​ൻ​ഡു​ക​ളു​ടെ ക​ട​ക​ൾ കൊ​ള്ള​യ​ടി​ക്ക​പ്പെ​ട്ടു