മരണത്തില്‍നിന്നാണ് ടോണി കോവാന്‍ എന്ന അത്ഭുത മനുഷ്യന്‍ ഉയിര്‍ത്തെഴുന്നേറ്റത്. കഴുത്തില്‍നിന്ന് തല മുറിഞ്ഞു തൂങ്ങുകയും ഹൃദയംനിലയ്ക്കുകയും ചെയ്തിട്ടും ജീവിതത്തിലേക്ക് തിരിച്ചുവന്നയാളെ അത്ഭുത മനുഷ്യന്‍ എന്നല്ലാതെ എന്താണ് വിളിക്കുക?
കാറപടകത്തിലാണ് ടോണിക്ക് മാരകമായി പരിക്കേറ്റത്. നട്ടെല്ലില്‍നിന്ന് തല വേര്‍പെട്ട് തൂങ്ങുന്ന അവസ്ഥയിലായിരുന്നു അയാള്‍. ഹൃദയവും നിലച്ചു. അപകടമുണ്ടായ ഉടന്‍ സ്ഥലത്തെത്തിയ രക്ഷാപ്രവര്‍ത്തകര്‍ക്ക് റോഡില്‍വച്ചുതന്നെ ഇയാള്‍ക്ക് വേണ്ട ചികിത്സ നല്‍കേണ്ടിവന്നു. പൊലീസ് എസ്‌കോര്‍ട്ടോടെ റോഡ് ഗതാഗതം പോലും സ്തംഭിപ്പിച്ച് ആശുപത്രിയിലേക്ക് മാറ്റുകയായിരുന്നു.
ന്യൂകാസിലില്‍വച്ച് കഴിഞ്ഞ സെപ്റ്റംബര്‍ ഒമ്പതിനാണ് ടോണി അപകടത്തില്‍പ്പെട്ടത്. ബമ്പില്‍തട്ടി നിയന്ത്രണം നഷ്ടമായ കാര്‍ മറിയുകയും സമീപത്തെ ടെലിഫോണ്‍ പോസ്റ്റില്‍ ഇടിക്കുകയുമായിരുന്നു. ഹൃദയം നിലച്ചതോടെ കൃത്രിമമായി ഹൃദയമിടിപ്പ് വീണ്ടെടുത്തശേഷമാണ് രക്ഷാപ്രവര്‍ത്തകര്‍ ടോണിയെ ന്യൂകാസില്‍ റോയല്‍ വിക്ടോറിയ ആശുപത്രിയിലെത്തിച്ചത്.
കഴുത്തിലേറ്റ മാരകമായ മുറിവ് തല മുറിഞ്ഞുതൂങ്ങുന്ന നിലയിലാക്കിയിരുന്നു. തല നട്ടെല്ലില്‍നിന്ന് പൂര്‍ണമായി വേര്‍പെട്ട നിലയിലായിരുന്നു. ഇത്തരം അപകടങ്ങളില്‍പ്പെട്ടവര്‍ ജീവിക്കാനുള്ള സാധ്യത ഇല്ലെന്നാണ് ഡോക്ടര്‍മാര്‍ പറയുന്നത്. സ്‌കാനിങ്ങില്‍ ടോണിയുടെ തലച്ചോര്‍ പ്രവര്ത്തിക്കുന്നില്ലെന്ന് കണ്ടതിനെത്തുടര്‍ന്ന് വെന്റിലേറ്റര്‍ പ്രവര്‍ത്തനം നിര്‍ത്താന്‍ പോലും ഡോക്ടര്‍മാര്‍ തീരുമാനിച്ചു.
ഭാര്യ കാരനും അമ്മ പെപ്‌സിയും മറ്റ് കുടുംബാംഗങ്ങളും അന്ത്യയാത്ര ചൊല്ലിയശേഷമാണ് ടോണി കണ്ണു തുറന്നത്. ജീവിതത്തിലേക്ക് തിരിച്ചുവരാനുള്ള ടോണിയുടെ അവസാന ശ്രമമായിരുന്നു അത്. കോശങ്ങളും പേശികളും മാത്രമായിരുന്നു ടോണിയുടെ തലയെ ശരീരത്തോട് ചേര്‍ത്ത് നിര്‍ത്തിയിരുന്നത്. ഇന്ത്യന്‍ വംശജനായ ന്യൂറോ സര്‍ജന്‍ അനന്ത് കുമാറാണ് ടോണിയുടെ തലയെ നട്ടെല്ലുമായി കൂട്ടിച്ചേര്‍ക്കുന്ന ശ്രമകരമായ ശസ്ത്രക്രിയ നടത്തിയത്. ലോഹത്തിന്റെ പ്ലേറ്റുകളും ബോള്‍ട്ടുകളുമുപയോഗിച്ചാണ് ചികിത്സ നടത്തിയത്.
കണ്ണുകള്‍ ചലിപ്പിക്കാനും ഏതാനും വാക്കുകള്‍ ഉച്ചരിക്കാനും ടോണിക്കിപ്പോള്‍ സാധിക്കും. ഒരുഇലക്ടോണിക് ബോര്‍ഡിന്റെ സഹായത്തോടെയാണ് ആശയവിനിമയം നടത്തുന്നത്. വീല്‍ച്ചെയറിലാണ് ജീവിതം.ഉടന്‍ തന്നെ വീട്ടിലേക്ക് മടങ്ങി ഭാര്യ കാരനും അമ്മ പെപ്‌സിക്കുമൊപ്പം മുമ്പത്തെപ്പോലെ സന്തോഷകരമായ ജീവിതം തുടങ്ങണമെന്ന ആഗ്രഹത്തിലാണ് ടോണി

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha