ജപ്പാനില് കനത്ത മഞ്ഞു വീഴ്ച..... രൂക്ഷമായ ഗതാഗത കുരുക്കില് കുടുങ്ങിയത് ആയിരത്തിലേറെ യാത്രക്കാര്... ദേശീയ പാതയുടെ മധ്യത്തിലായി ഒരു കാര് മഞ്ഞില് ഇടിച്ചുനിന്നു, ശ്വസന പ്രശ്നങ്ങളെ തുടര്ന്ന് ചില യാത്രക്കാരെ ആശുപത്രിയിലേക്ക് മാറ്റി, ഗതാഗതകുരുക്ക് തീര്ക്കാന് ഊര്ജ്ജിത ശ്രമങ്ങള് നടക്കുന്നു
ജപ്പാനില് കനത്ത മഞ്ഞു വീഴ്ച..... രൂക്ഷമായ ഗതാഗത കുരുക്കില് കുടുങ്ങിയത് ആയിരത്തിലേറെ യാത്രക്കാര്... ജപ്പാനിലെ കനെറ്റ്സു എക്സ്പ്രസ് ഹൈവേയിലുണ്ടായ രൂക്ഷമായ ഗതാഗതക്കുരുക്കിലാണ് വ്യാഴാഴ്ച രാത്രി ആയിരത്തിലധികം യാത്രക്കാര് കുടുങ്ങിയത്.
കനത്ത മഞ്ഞുവീഴ്ചയ്ക്കിടെ 15 കിലോമീറ്ററോളം നീളത്തിലുള്ള ഗതാഗതക്കുരുക്കില് ഭക്ഷണമോ വെള്ളമോ ഇല്ലാതെയാണ് ആയിരത്തിലധികം പേര് മണിക്കൂറുകളോളം തങ്ങളുടെ വാഹനങ്ങളില് ചെലവഴിച്ചത്. ടോക്യോയേയും നിഗാറ്റ പ്രവിശ്യയേയും ബന്ധിപ്പിക്കുന്ന കനെറ്റ്സു എക്സ്പ്രസ് ഹൈവേയില് ബുധനാഴ്ച മുതലാണ് ഗതാഗതകുരുക്ക് അനുഭവപ്പെട്ടത്.
ദേശീയ പാതയുടെ മധ്യത്തിലായി ഒരു കാര് മഞ്ഞില് ഇടിച്ചുനിന്നതാണ് ഭീമന് ഗതാഗതക്കുരുക്കിലേക്ക് നയിച്ചത്. റോഡില് വാഹനങ്ങളുടെ നീണ്ടനിര അനുഭവപ്പെട്ടതോടെ കൂടുതല് ഗതാഗത തടസം ഒഴിവാക്കാന് അധികൃതര് ദേശീയപാതയിലേക്കുള്ള പ്രവേശനം തടഞ്ഞിരുന്നു. വ്യാഴാഴ്ച രാത്രിയോടെയാണ് ഗതാഗതക്കുരുക്ക് രൂക്ഷമായതെന്നും ഏകദേശം 15 കിലോമീറ്ററോളം ദൂരത്തില് വാഹനങ്ങള് കുടുങ്ങിക്കിടന്നുവെന്നും ദേശീയപാത ഓപ്പറേറ്റര്മാരായ നിപ്പോണ് എക്സ്പ്രസ്വേ കമ്പനി അറിയിച്ചു.
ഒട്ടുമിക്ക വാഹനങ്ങളും 40 മണിക്കൂറിലേറെ നിശ്ചലമായി റോഡില് കിടന്നു. ഗതാഗതക്കുരുക്ക് തീര്ക്കാന് ഊര്ജിത ശ്രമങ്ങളാണ് നടക്കുന്നത്. വെള്ളിയാഴ്ച ഉച്ചയ്ക്കും ആയിരത്തോളം വാഹനങ്ങള് റോഡില് കുടുങ്ങിക്കിടക്കുന്നുണ്ട്. വാഹനങ്ങളില് കുടുങ്ങിയവര്ക്ക് ബ്രെഡ്, ബിസ്കറ്റ്, മധുര പലഹാരങ്ങള്, 600 കുപ്പി വെള്ളം എന്നിവ അടിയന്തര സഹായമായി എത്തിച്ച് നല്കിയിരുന്നു.
എന്നാല് കനത്ത മഞ്ഞുവീഴ്ചക്കിടയില് മണിക്കൂറുകളോളം ചെലഴിക്കാന് ഇവ പര്യാപ്തമല്ലായിരുന്നു. ശ്വസന പ്രശ്നങ്ങളെ തുടര്ന്ന് ചില യാത്രക്കാരെ ആശുപത്രിയിലേക്ക് മാറ്റുകയും ചെയ്തിരുന്നു. സേവനങ്ങള് പുനസ്ഥാപിക്കാനും ദുരിതബാധിതരെ സഹായിക്കാനും ഉദ്യോഗസ്ഥര് ഒരുമിച്ച് പ്രവര്ത്തിക്കണമെന്നും പ്രധാനമന്ത്രി നിര്ദേശം നല്കി.
https://www.facebook.com/Malayalivartha