ഫാഷനോട് നോ പറഞ്ഞ് താലിബാന്: സ്ത്രീകള് ബുര്ഖയും ഹിജാബും നിര്ബന്ധമായും ധരിച്ചിരിക്കണം, അഫ്ഗാനിലെ ടെക്സ്റ്റൈല് മേഖലയില് കണ്ണ് വെച്ച് ചൈന, വിപണി സ്വന്തം അധീനതയിലാക്കാന് ശ്രമം
അഫ്ഗാനിസ്ഥാനില് താലിബാന് അധിനിവേശത്തിന് പിന്നാലെ പുതിയ സര്ക്കാരിന് എല്ലാ വിവിധ പിന്തുണയും നല്കുമെന്ന് അറിയിച്ച് ആദ്യം രംഗത്തെത്തിയത് ചൈനയും പാകിസ്ഥാനുമായിരുന്നു. ഇരുവരും രഹസ്യമായി താലിബാനെ
സഹായിച്ച് പോന്നിരുന്നതായി റിപ്പോര്ട്ടുകള് വരുന്നതിനിടെയാണ് പരസ്യ പിന്തുണ നല്കുന്നതും. താലിബാനെ പിന്തുണയ്ക്കുന്നതിലൂടെ ചൈന ലക്ഷ്യം വെയ്ക്കുന്നത് അഫ്ഗാനിലെ വസ്ത്ര വിപണി ആണ്. വിപണി സ്വന്തം അധീനതയിലാക്കാനുള്ള ശ്രമങ്ങളാണ് ചൈന നടത്തുന്നത്.
അഫ്ഗാനിലെ ഫാഷന് മേഖല തകര്ച്ചയിലേക്ക് കൂപ്പു കുത്തുകയാണ്. ഫാഷനോട് നോ പറയുകയാണ് താലിബാന്. സല്വാര് കമീസാണ് പുരുഷന്മാര്ക്ക് താലിബാന് കല്പിച്ചു നല്കിയ ഡ്രസ് കോഡ്. സ്ത്രീകള് ബുര്ഖയും ഹിജാബും നിര്ബന്ധമായും ധരിച്ചിരിക്കണം. അഫ്ഗാനില് താമസിക്കുന്ന വിദേശികളും ഇത് പാലിച്ചിരിക്കണമെന്നാണ് താലിബാന് കല്പ്പന.
താലിബാന്റെ അധിനിവേശം സാമ്പത്തിക ലാഭത്തിനായി ഉപയോഗിക്കാനാണ് ചൈന പദ്ധതി ഇടുന്നത്. അഫ്ഗാനിലെ വസ്ത്ര വ്യാപാര മേഖലയില് 2006 മുതല് തന്നെ ചൈന തങ്ങളുടെ സ്വാധീനം അറിയിച്ച് തുടങ്ങിയിരുന്നു. അഫ്ഗാനിലെ പരമ്പരാഗത വസ്ത്രങ്ങളിലൊന്നായ ബുര്ഖയായിരുന്നു ചൈന അന്ന് വിപണിയില് എത്തിച്ചത്.
കോട്ടണ് തുണിയില് നെയ്തെടുത്ത ബുര്ഖകള് മാത്രം കണ്ടിരുന്ന അഫ്ഗാനികള്ക്ക് ചൈനയുടെ നൈലോണ് ബുര്ഖകളോട് വലിയ മതിപ്പൊന്നും ഉണ്ടായിരുന്നില്ല. വില കുറവായിരുന്നിട്ട് കൂടി ആരും വാങ്ങാതിരുന്നത് അന്ന് വല്ലപ്പോഴും മാത്രം ധരിക്കുന്ന വസ്ത്രമായിരുന്നു ബുര്ഖ എന്നത് കൊണ്ടായിരിക്കുന്നു.
എന്നാല് 15 വര്ഷങ്ങള്ക്കിപ്പുറം അഫ്ഗാനില് താലിബാന് വീണ്ടും അധികാരത്തില് വരുമ്പോള് സ്ത്രീകള്ക്ക് പുറത്തിറങ്ങാന് ബുര്ഖയും ഹിജാബും ഉള്പ്പെടെയുള്ള വസ്ത്രങ്ങള് നിര്ബന്ധമാക്കിയതോടെ തങ്ങളുടെ വസ്ത്ര വിപണി ലാഭം കൊയ്യുമെന്ന കണക്കുകൂട്ടലിലാണ് ചൈന.
ഇനി മുതല് ചൈനീസ് ബുര്ഖകള്ക്ക് ആവശ്യക്കാര് കൂടുമെന്നും ദിനംപ്രതി ഉപയോഗിക്കേണ്ട വസ്ത്രമായതിനാല് വിലക്കുറവ് ഉള്ള നൈലോണ് ബുര്ഖകള് വാങ്ങാന് മാര്ക്കറ്റില് തിരക്കായിരിക്കുമെന്നാണ് ചൈന പ്രതീക്ഷിക്കുന്നത്. താലിബാന് ചൈന രഹസ്യമായി പണം നല്കുന്നുണ്ടെന്ന വാദം ശക്തമായിരിക്കെ അഫ്ഗാന് വിപണിയിലെ ഈ ചൈനീസ് അധിനിവേശം തടയാന് താലിബാന് മുതിര്ന്നേക്കില്ല.
https://www.facebook.com/Malayalivartha
