മകന്റെ മുറിയിലുണ്ടായിരുന്ന വന്‍ പോണ്‍ വീഡിയോ ശേഖരവും അശ്ലീല മാസികകളും സെക്‌സ് ടോയ്‌സും നശിപ്പിച്ചെന്ന പരാതിയില്‍ രക്ഷിതാക്കള്‍ 22 ലക്ഷം രൂപ പിഴയൊടുക്കണമെന്ന് അമേരിക്കയിലെ കോടതി വിധിച്ചു. 43കാരനായ ഡേവിഡ് എന്നയാള്‍ മാതാപിതാക്കള്‍ക്കെതിരെ നല്‍കിയ പരാതിയിലാണ് മിഷിഗണ്‍ കോടതിയുടെ വിധി. മാതാപിതാക്കള്‍ക്കെതിരെ പരാതി നല്‍കി രണ്ടര വര്‍ഷം പിന്നിടുമ്പോഴാണ് കോടതി ഇക്കാര്യത്തില്‍ വിധി പുറപ്പെടുവിച്ചത്. ഏറെ മൂല്യമുള്ള വീഡിയോശേഖരമാണ് നശിപ്പിക്കപ്പെട്ടതെന്നാണ് ഡേവിഡ് പറയുന്നത്. അധികമാര്‍ക്കും ലഭിക്കാത്ത 20 വര്‍ഷം പഴക്കമുള്ള അശ്ലീലചിത്രങ്ങള്‍ വരെ ശേഖരത്തിലുണ്ടായിരുന്നുവെന്നും ഇദ്ദേഹം അന്ന് കോടതിയില്‍ വ്യക്തമാക്കിയിരുന്നു.

വിവാഹമോചനത്തിനുശേഷം ഏകദേശം 10 മാസത്തോളം ഡേവിഡ് മാതാപിതാക്കളോടൊപ്പം താമസിച്ചിരുന്നു. പിന്നീട് അദ്ദേഹം ഇന്‍ഡ്യാനയിലെ മുന്‍സിയിലേക്ക് മാറി. യുവാവ് പുറത്തുപോയ സമയത്താണ് മാതാപിതാക്കള്‍ വീട്ടിലെത്തി മുറിയില്‍ സൂക്ഷിച്ചിരുന്ന പോണ്‍ വീഡിയോ ശേഖരം നശിപ്പിച്ചത്. ഇതേത്തുടര്‍ന്നാണ് ഇയാള്‍ മാതാപിതാക്കള്‍ക്കെതിരെ പരാതി നല്‍കിയത്. 70 ലക്ഷം നഷ്ടപരിഹാരം ആവശ്യപ്പെട്ടാണ് ഇയാള്‍ പരാതി നല്‍കിയത്. തന്റെ കൈവശമുണ്ടായിരുന്ന 12 പെട്ടിയോളം വരുന്ന അശ്ലീലചിത്രശേഖരം നശിപ്പിച്ചതിനാണ് 2019 ഏപ്രിലില്‍ യുവാവ് പരാതി നല്‍കിയത്.
ഇക്കാര്യം പിന്നീട് മാതാപിതാക്കള്‍ തന്നെ അറിയിച്ചുവെന്നും ഡേവിഡ് പരാതിയില്‍ പറയുന്നു. 28,940.72 ഡോളര്‍ വിലമതിക്കുന്ന അശ്ലീലചിത്രശേഖരമാണ് നശിപ്പിക്കപ്പെട്ടതെന്ന് പരാതിയില്‍ പറയുന്നു. പരാതിയെ തുടര്‍ന്ന് ഡേവിഡിന്റെ മാതാപിതാക്കള്‍ക്കെതിരെ കേസെടുക്കാന്‍ പ്രോസിക്യൂട്ടര്‍ തീരുമാനിച്ചു. വീട്ടിലുണ്ടായ നഷ്ടത്തിന് 86,822.16(70 ലക്ഷം രൂപ) ഡോളര്‍ നഷ്ടപരിഹാരം വേണമെന്നാണ് ഡേവിഡ് അന്ന് ആവശ്യപ്പെട്ടത്.
എന്നാല്‍ ലൈംഗിക അരാജകത്വത്തിന് അടിമയാണ് ഡേവിഡെന്നും, മകനെ ജീവിതത്തിലേക്ക് തിരിച്ചുകൊണ്ടുവരാനാണ് ഇത് ചെയ്തതെന്നുമാണ് അയാളുടെ മാതാപിതാക്കള്‍ കോടതിയില്‍ വാദിച്ചത്. 20 പെട്ടിയോളം അശ്ലീലചിത്രശേഖരവും രണ്ടു പെട്ടി സെക്‌സ് ടോയ്‌സുമാണ് നശിപ്പിച്ചതെന്നും ഇവര്‍ ഇമെയിലിലൂടെ വ്യക്തമാക്കിയിരുന്നു. മകന്റെ മുറിയില്‍ ഒരു കിലോ കൊക്കൈയ്ന്‍ കണ്ടെത്തിയാല്‍ ഒരു അച്ഛന്‍ എന്തു ചെയ്യുമോ അതുതന്നെയാണ് താനും ചെയ്തതെന്ന് ഡേവിഡിന്റെ പിതാവ് പറയുന്നു.