കാബൂളില്‍ കുട്ടികള്‍ സ്കൂളിലെത്തി തുടങ്ങി; ആണ്‍കുട്ടികളെയും പെണ്‍കുട്ടികളെയും വേര്‍തിരിച്ചാവും പഠിപ്പിക്കുക
അമേരിക്കന്‍ –- നാറ്റോ സൈനിക പിന്മാറ്റത്തിനിടെയും കാബൂളില്‍ ചൊവ്വാഴ്ച കുട്ടികള്‍ സ്കൂളുകളിലെത്തി. നാലു ദിവസം മുമ്പാണ് കുട്ടികളോട് സ്കൂളിലെത്താന്‍ താലിബാന്‍ അറിയിച്ചത്. അതേസമയം ആണ്‍കുട്ടികളെയും പെണ്‍കുട്ടികളെയും വേര്‍തിരിച്ചാവും പഠിപ്പിക്കുകയെന്ന് താലിബാന്‍ അറിയിച്ചു. ചെറിയ ക്ലാസുകള്‍ ഒഴികെ മിക്ക സ്കൂളുകളിലും നിലവില്‍ പഠനം അങ്ങനെയാണെന്നും താലിബാന്‍ പറഞ്ഞു.
അതേസമയം, വിവാഹാഘോഷത്തില്‍ സംഗീതം. താലിബാന്‍ നിയന്ത്രണത്തിലും കാബൂളിലെ ആഡംബര വിവാഹ ഹാളില്‍ സംഗീത വിരുന്നും ആഘോഷവും. രണ്ടാഴ്ച മുമ്പ് കാബൂള്‍ താലിബാന്‍ പിടിച്ചെടുത്തതിനു ശേഷം ഏഴ് വിവാഹം ഹാളില്‍ നടന്നതായി മാനേജര്‍ ഷദാബ് അസിമി പറഞ്ഞു.
1996–-2001 വരെയുള്ള താലിബാന്‍ ഭരണത്തില്‍ ഇസ്ലാമിക ഭക്തി ഗാനങ്ങളൊഴികെയുള്ള സംഗീതം നിരോധിച്ചിരുന്നു. തത്സമയം പാടുന്നത് നിരോധിച്ചിരുന്നില്ലെന്നും അസിമി പറഞ്ഞു. എന്നാല്‍, ഗായകര്‍ ആരും ഭയംമൂലം പാടാന്‍ തയ്യാറായിരുന്നില്ല.
പരിപാടിക്കിടെ താലിബാന്‍കാര്‍ പല തവണ പരിശോധനയ്ക്കെത്തി. സുരക്ഷ ആവശ്യമുണ്ടോയെന്ന് അന്വേഷിച്ചു. മുമ്പ് ഉണ്ടായിരുന്ന സര്‍ക്കാരിലെ ഉദ്യോഗസ്ഥര്‍ പണം ആവശ്യപ്പെട്ടിരുന്നു.
അവരുടെ സുഹൃത്തുക്കളുടെ പരിപാടികള്‍ നിര്‍ബന്ധിച്ച്‌ ഹാളില്‍ നടത്തിയിരുന്നതായും അസിമി പറഞ്ഞു. താലിബാന്‍ നിയന്ത്രണത്തിലാകുന്നതിന് മുമ്പും അഫ്ഗാനില്‍ വിവാഹാഘോഷം സ്ത്രീകള്‍ക്കും പുരുഷന്മാര്‍ക്കും വ്യത്യസ്തയിടങ്ങളിലായിരുന്നു.
https://www.facebook.com/Malayalivartha
