ഇന്ത്യയെ ചൊടിപ്പിച്ചാൽ ഒരിക്കലും അത് ശത്രു രാജ്യങ്ങൾക്ക് നല്ലതിനാവില്ല എന്ന കാര്യം പറയേണ്ടതില്ലല്ലോ? കാരണം കണക്കുകൾ ഒന്നും ബാക്കി വയ്ക്കുന്ന ശീലം നമ്മുടെ രാജ്യത്തിനില്ല. അത് അപ്പോഴപ്പോഴെ വീട്ടി തീർക്കാറുണ്ട്. അത്തരത്തിൽ ഒരു സംഭവവമാണ് നമ്മുടെ അതിർത്തി പ്രദേശത്ത് നിന്നും ഇപ്പോൾ കേൾക്കാനിടയായത്.

പുതുവർഷ പുലരിയിൽ ഗാൽവൻ താഴ്വരയിൽ അതിർത്തിയോട് ചേർന്ന് ചൈനീസ് സൈന്യം അവരുടെ ദേശീയ പതാക ഉയർത്തിയ ചിത്രങ്ങൾ കഴിഞ്ഞ ദിവസം ഏറെ വാർത്തകളിൽ ഇടം നേടിയിരുന്നു. ചൈനീസ് മാദ്ധ്യമത്തിലൂടെ പുറത്ത് വിട്ട വീഡിയോയിൽ ഒരിഞ്ച് ഭൂമി പോലും വിട്ടുകൊടുക്കില്ലെന്ന് വിശദമാക്കുന്ന പുതുവത്സര സന്ദേശമാണ് ചൈനീസ് സൈന്യം നൽകിയത്.

ഈ വീഡിയോ പുറത്ത് വന്നതിന് പിന്നാലെ ഗാൽവനിലെ ചൈനീസ് കടന്നു കയറ്റത്തെക്കുറിച്ച് ഇനിയെങ്കിലും പ്രധാനമന്ത്രി മൗനം വെടിയണമെന്ന് കോൺഗ്രസ് നേതാവ് രാഹുൽ ഗാന്ധി അടക്കമുള്ളവർ ആവശ്യപ്പെട്ട് രം​ഗത്ത് എത്തിയിരുന്നു. എന്നാൽ അതിന് മറുപടിയുമായി പുതുവർഷ ദിനത്തിൽ ഗാൽവൻ താഴ്വരയിൽ ത്രിവർണ പതാകയുമായി നിൽക്കുന്ന ഇന്ത്യൻ സൈനികരുടെ ചിത്രങ്ങളും പുറത്തു വന്നിരിക്കുകയാണ്.

ഗാല്‍വാന്‍ താഴ്‌വരയില്‍ ദേശീയപതാക ഉയര്‍ത്തി ഇന്ത്യന്‍ സൈന്യം തങ്ങളുടെ വ്യക്തമായ സന്ദേശം ചൈനയ്ക്ക് നൽകിയിരിക്കുന്നു. ചൈനീസ് പതാക അതിര്‍ത്തിയില്‍ ഉയര്‍ത്തിയെന്ന പ്രചാരണം ഒരു വെല്ലുവിളി ആയിട്ടാണ് കണ്ടത്. അതിനുശേഷമാണ് അതിര്‍ത്തിയില്‍ ത്രിവര്‍ണ്ണ പതാകയുമായി നില്‍ക്കുന്ന ഇന്ത്യന്‍ സൈന്യത്തിന്റെ ചിത്രങ്ങളാണ് പുറത്ത് വന്നത്.

വാസ്തവത്തില്‍, ചൈന വീഡിയോ ഷൂട്ട് ചെയ്ത സ്ഥലം അതിര്‍ത്തിയ്ക്ക് അപ്പുറത്താണെന്ന് റിപ്പോര്‍ട്ടുകള്‍ സൂചിപ്പിക്കുന്നുണ്ട്. ഒരിഞ്ചു ഭൂമി വിട്ടുകൊടുക്കില്ലെന്ന് ഉറപ്പിച്ച് ഇന്ത്യന്‍ അതിര്‍ത്തിയിലെ ഗാല്‍വന്‍ താഴ്വരയില്‍ 2022 ജനുവരി ഒന്നിന് ചൈന പതാക പറത്തിയിരിക്കുന്നുവെന്നാണ് ഗ്ലോബല്‍ ടൈംസ് ഇതു സംബന്ധിച്ച് ട്വീറ്റ് ചെയ്തത്. പീപ്പിള്‍സ് ലിബറേഷന്‍ ആര്‍മി ഇവിടെ നിന്നാണ് ചൈനീസ് ജനതക്ക് പുതുവല്‍സരാംശസകള്‍ നേരുന്നതെന്നാണ് ഗ്ലോബല്‍ ടൈംസ് പ്രശംസിക്കുന്നത്

2020 ജൂണിലെ ഏറ്റുമുട്ടലിന് ശേഷം ഇന്ത്യയുടെയും ചൈനയുടെയും സൈനികര്‍ തമ്മില്‍ ഇതുമായി ബന്ധപ്പെട്ട് കരാറില്‍ എത്തിയിരുന്നു. ഗാല്‍വന്‍ താഴ്‌വരയില്‍ ഇന്ത്യയുടെ സ്ഥാനം എത്രത്തോളം ശക്തമാണെന്ന് ഇന്ത്യന്‍ സൈന്യം നിരത്തിയ തെളിവുകളില്‍ നിന്ന് ഇന്ന് വ്യക്തമാണ്. ചൈന വീഡിയോ ചിത്രീകരിച്ചത് അവരുടെ ഭാഗത്താണ് എന്ന് വ്യക്തമാണ്. അതിനാല്‍, വീഡിയോ ബ്ലോക്ക് ചെയ്യുന്നത് പോലുള്ള ഒരു നടപടിയും ആവശ്യമില്ല, ഇലക്ട്രോണിക്‌സ് ആന്‍ഡ് ഇന്‍ഫര്‍മേഷന്‍ ടെക്‌നോളജി മന്ത്രാലയവും വ്യക്തമാക്കിയിരുന്നു.