ടാറ്റൂ ചെയ്തവര് സൂക്ഷിച്ചോ ! പണി വരുന്നുണ്ട്, ടാറ്റൂ മഷികള്ക്ക് നിരോധനമേര്പ്പെടുത്തി യൂറോപ്പ് : തീരുമാനത്തിനെതിരെ ടാറ്റൂ ആര്ട്ടിസ്റ്റുകള് രംഗത്ത്
ടാറ്റൂ ചെയ്തവര് സൂക്ഷിച്ചോ ! പണി വരുന്നുണ്ട്, ടാറ്റൂ മഷികള്ക്ക് നിരോധനമേര്പ്പെടുത്തി യൂറോപ്പ് : തീരുമാനത്തിനെതിരെ ടാറ്റൂ ആര്ട്ടിസ്റ്റുകള് രംഗത്ത്.
ക്യാന്സറിന് കാരണമാകുന്ന കളര് ടാറ്റൂ മഷികള്ക്ക് യൂറോപ്യന് യൂണിയന് നിരോധനമേര്പ്പെടുത്തി. ടാറ്റൂ മേക്കിംഗില് ഉപയോഗിക്കുന്ന നിറമുള്ള മഷികളും പെര്മനന്റ് മേക്ക് അപ്പ് നിര്മിക്കാന് ഉപയോഗിക്കുന്ന ഏകദേശം 4000 രാസവസ്തുക്കളുമാണ് നിരോധിച്ചിരിക്കുന്നത്.
ചര്മ്മത്തില് ഉപയോഗിക്കുന്ന ഇത്തരം രാസവസ്തുക്കള് ക്യാന്സര്, ജനിതകപരിവര്ത്തനം, അലര്ജി, ത്വക്ക് രോഗങ്ങള് തുടങ്ങിയവയ്ക്ക് കാരണമാകുമെന്ന് യൂറോപ്യന് കെമിക്കല് ഏജന്സി അറിയിച്ചു. ടാറ്റൂ നിരോധിക്കുകയല്ല മറിച്ച് ടാറ്റൂകളില് ഉപയോഗിക്കുന്ന നിറങ്ങള് സുരക്ഷിതമാക്കുകയാണ് ചെയ്യാനുദ്ദേശിക്കുന്നതെന്ന് യൂറോപ്യന് യൂണിയന് വ്യക്തമാക്കി. ദോഷകരമായ ഈ മഷികള്ക്ക് പകരം മറ്റ് മഷികള് ഉപയോഗിക്കുന്നതില് തടസമില്ലെന്നും ഉത്തരവില് പറയുന്നു.
എന്നാല് തീരുമാനത്തിനെതിരെ ടാറ്റൂ ആര്ട്ടിസ്റ്റുകള് രംഗത്തെത്തിയിട്ടുണ്ട്. ടാറ്റൂ അര്ബുദത്തിന് കാരണമാകുന്നുവെന്നതിന് ശാസ്ത്രീയമായ തെളിവുകളൊന്നും ഇതുവരെ ലഭിച്ചിട്ടില്ലെന്നും തീരുമാനം ഏകപക്ഷീയമാണെന്നും അവര് ആരോപിക്കുന്നു. അതേസമയം യൂറോപ്പില് നിലവില് ആകെ ജനസംഖ്യയുടെ 12 ശതമാനം പേരും ടാറ്റൂ ചെയ്തിട്ടുണ്ടെന്നാണ് കണക്കുകള് സൂചിപ്പിക്കുന്നത്. വരും വര്ഷങ്ങളില് ഇത് ഇരട്ടിയാകാനാണ് സാധ്യതയെന്നും യൂറോപ്യന് യൂണിയന് വിലയിരുത്തി. ഈ സാഹചര്യത്തില് പൊതുജനാരോഗ്യം കണക്കിലെടുത്താണ് പുതിയ തീരുമാനമെന്ന് അധികൃതര് അറിയിച്ചു.
കളര് ടാറ്റൂവിന് ഉപയോഗിക്കുന്ന പ്രൊഫഷണല് മഷികളില് ഇരുമ്പ് ഓക്സൈഡുകള്, ലോഹ ലവണങ്ങള് അല്ലെങ്കില് പ്ലാസ്റ്റിക്കുകള് എന്നിവയുടെ സംയോജനമുണ്ട്. അലുമിനിയം, ടൈറ്റാനിയം, മെര്ക്കുറി, ലെഡ്, നിക്കല്, സിങ്ക്, ചെമ്പ്, ഇരുമ്പ്, ബേരിയം തുടങ്ങിയ ലോഹങ്ങളും ഉപയോഗിച്ചിട്ടുണ്ട്.
സള്ഫര്, ആര്സെനിക്, ലിഥിയം, സെലിനിയം എന്നിവയാണ് നിറത്തിനായി ഉപയോഗിക്കുന്ന പ്രധാന രാസവസ്തുക്കള്. അടുത്തിടെ ചൈനീസ് ഫുട്ബോള് താരങ്ങള്ക്കിടയിലും ടാറ്റൂവിന് വിലക്ക് ഏര്പ്പെടുത്തിയിരുന്നു. ആരെങ്കിലും ഇത് ലംഘിച്ചാല് അവര്ക്ക് ആജീവനാന്ത വിലക്ക് ഏര്പ്പെടുത്തുമെന്നും ഉത്തരവില് പറയുന്നു. ഇതുവരെ ടാറ്റൂ പതിപിച്ച താരങ്ങള് അത് നീക്കം ചെയ്യണമെന്നും ചൈനീസ് ഭരണകൂടം അറിയിച്ചിരുന്നു. യുവതാരങ്ങള് ടാറ്റൂ ചെയ്യരുതെന്ന് കര്ശന നിര്ദേശവും നല്കിയിട്ടുണ്ട്.
"
https://www.facebook.com/Malayalivartha
