ലൂഡോ കളിച്ച് പരിചയപ്പെട്ടു; അതും 12 ദിവസത്തെ പരിചയം, പാക് കാമുകനെ തേടി വിവാഹിതയും ഒരു കുഞ്ഞിന്റെ അമ്മയുമായ യുവതി വാഗാ അതിർത്തിയിൽ ! പിന്നീട് സംഭവിച്ചത്...
പ്രണയത്തിന് വേണ്ടി എന്തും ചെയ്യാൻ തയ്യാറായിട്ടുള്ളവർ നമ്മുക്ക് ചുറ്റിലുമുണ്ട്. ഇപ്പോഴിത അതിർത്തി കടന്ന് കാമുകനെ കാണാൻ പോയ യുവതി പിടിയിലായിരിക്കുകയാണ്. രാജസ്ഥാനിൽ നിന്നുള്ള വിവാഹിതയായ 25കാരിയാണ് ഇന്ത്യ-പാക് അതിർത്തിയിൽ നിന്നു പിടിയിലായത്. രാജസ്ഥാനിൽ നിന്ന് അമൃത്സറിലെത്തിയ യുവതി വാഗ അതിർത്തി വഴി പാക്കിസ്ഥാനിലേക്ക് കടക്കാൻ ശ്രമം നടത്തുകയായിരുന്നു.
എന്നാൽ ആശ്ചര്യപ്പെടുത്തുന്ന കാര്യമെന്താണെന്നു വച്ചാൽ യുവതിയുടെ കൈവശം യാത്രാ രേഖകൾ ഒന്നും ഉണ്ടായിരുന്നില്ല എന്നതാണ്. അതു മാത്രമല്ല കാണാൻ പോകുന്ന പാക് പൗരനെ കുറിച്ചുള്ള വ്യക്തമായ വിവരങ്ങളും ഉണ്ടായിരുന്നില്ല.
യുവതിയോട് ചോദിച്ച് മനസിലാക്കിയതിന്റെ അടിസ്ഥാനത്തിൽ പൊലീസ് ബന്ധുക്കളെ വിവരം അറിയിക്കുകയായിരുന്നു. യുവതിയുടെ കൈയ്യിൽ കുറച്ച് ആഭരണങ്ങളും പണവും ഉണ്ടായിരുന്നതായി അന്വേഷണ ചുമതലയുള്ള ഉദ്യോഗസ്ഥൻ അമർജിത് സിങ് പറഞ്ഞു. യുപിയിലെ മഹാരാജ്ഗഞ്ജിലാണ് യുവതി താമസിക്കുന്നത്ക്ഷേ. പക്ഷേ രാജസ്ഥാനിലുള്ള ബന്ധുക്കളുടെ വിവരങ്ങളാണ് യുവതി ഞങ്ങൾക്കു നൽകിയത്. അവരിൽ നിന്നും സംശയാസ്പദമായി ഒന്നും തന്നെ ലഭിച്ചില്ല. പക്ഷേ മാനസികമായി താളംതെറ്റിയ നിലയിലാണ് യുവതിയെ കണ്ടത്. കുടുംബ പ്രശ്നങ്ങളുണ്ടെന്നാണ് തോന്നുന്നത്- അമർജിത്ത് സിങ് വ്യക്തമാക്കി.
രണ്ടര വയസുകാരന്റെ അമ്മ കൂടിയായ യുവതി ഓൺലൈന് ഗെയിമായ ലൂഡോയിലൂടെയാണ് യുവാവിനെ പരിചയപ്പെട്ടത്. 10–12 ദിവസത്തെ പരിചയം മാത്രമാണ് ഇരുവരും തമ്മിലുള്ളത്. ലുഡോ ഗെയിമിലൂടെ പരിചയപ്പെട്ടതിനു ശേഷം വാട്സാപ്പിലൂടെ ഫെയ്സ്ബുക്കിലൂടെയും ഇയാൾ യുവതിയുമായി ബന്ധപ്പെട്ടിരുന്നു. തുടർന്ന് ഇയാൾ പാക്കിസ്ഥാനിലേക്ക് വരാൻ ആവശ്യപ്പെട്ടതായും യുവതി വ്യക്തമാക്കി.
ഞാൻ എങ്ങനെ പാക്കിസ്ഥാനിൽ എത്തും എന്ന് അയാളോട് ചോദിച്ചിരുന്നു. അപ്പോൾ അയാളാണ് അട്ടാരി-വാഗ അതിർത്തി വഴി വരാൻ പറഞ്ഞത്– യുവതി പൊലീസിനോട് പറഞ്ഞു.
https://www.facebook.com/Malayalivartha