ഉക്രെയ്‌നിനെതിരായ പുട്ടിന്റെ ആക്രമണം റഷ്യയെ സാമ്പത്തികമായും തന്ത്രപരമായും തകര്‍ക്കും. ഞങ്ങള്‍ അത് ഉറപ്പാക്കും. പുടിന്‍ അന്താരാഷ്ട്ര വേദിയില്‍ ഒരു പരിഹാസിയാകും.. സ്വാതന്ത്ര്യം, ജനാധിപത്യം, മാനുഷികത. ഭയത്തേക്കാളും അടിച്ചമര്‍ത്തലിനേക്കാളും ശക്തിയുള്ള ശക്തികളാണിവ. അക്രമത്തിലൂടെയും ഭീഷണിയിലൂടെയും ആളുകളുടെ ഹൃദയങ്ങളില്‍ നിന്നും അവരുടെ പ്രതീക്ഷകളില്‍ നിന്നും മായ്ച്ചുകളയാന്‍ കഴിയില്ല. ബൈഡന്റെ ഈ വാക്കുകള്‍ പല രാജ്യങ്ങളും നേതാക്കളും ഏറ്റെടുക്കുകയാണ്.

അതേസമയം  റഷ്യ-യുക്രെയ്ന്‍ യുദ്ധത്തില്‍ നിലപാട് വ്യക്തമാക്കി ഇന്ത്യയും രംഗത്ത് വന്നു. യുക്രെയ്ന്‍ പ്രതിസന്ധിയില്‍ രാജ്യതാല്‍പ്പര്യം സംരക്ഷിക്കുന്ന നിലപാടാണ് ഇന്ത്യയുടേയത്. ഒരു രാജ്യവും ധാര്‍മികത ഉപദേശിക്കേണ്ടതില്ല. റഷ്യയുമായി സൈനിക കരാറുകളുണ്ടെന്നും സര്‍ക്കാര്‍ വൃത്തങ്ങള്‍ സൂചിപ്പിക്കുന്നു. യുദ്ധം അവസാനിപ്പിക്കണമെന്ന് പ്രധാനമന്ത്രി നരേന്ദ്രമോദി പുടിനോട് ആവശ്യപ്പെട്ടു. മറ്റൊരു നേതാവും ഇക്കാര്യം പുടിനോട് നേരിട്ട് പറഞ്ഞിട്ടില്ലെന്നും കേന്ദ്രസര്‍ക്കാര്‍ വ്യക്തമാക്കി. അതേസമയം യുക്രെയ്‌നിലെ രക്ഷാപ്രവര്‍ത്തനവും ഇന്ത്യ ഊര്‍ജ്ജിതമാക്കിയിട്ടുണ്ട്. ഒഴിപ്പിക്കേണ്ട ഇന്ത്യക്കാരുടെ രജിസ്‌ട്രേഷന്‍ ആരംഭിച്ചു. നാല് രാജ്യങ്ങള്‍ വഴിയാണ് ഒഴിപ്പിക്കല്‍ നടപടികള്‍ തീരുമാനിച്ചിട്ടുള്ളത്. ഇതിനായി വിപുലമായ പദ്ധതിയാണ് തയ്യാറാക്കിയിരിക്കുന്നത്.

ഇന്ത്യയിലെ ഉദ്യോഗസ്ഥസംഘം യുക്രെയ്ന്‍ അതിര്‍ത്തികളില്‍ എത്തിയിട്ടുണ്ട്. യുക്രെയ്ന്‍ തലസ്ഥാനമായ കീവ് വളയാനാണ് ഇപ്പോള്‍ റഷ്യയുടെ ശ്രമം. ഇന്ന് രാവിലെ മുതല്‍ ഇവിടെ സ്‌ഫോടനപരമ്പരകള്‍ നടക്കുന്നുവെന്ന റിപ്പോര്‍ട്ടാണ് പുറത്ത് വരുന്നത്. സപ്പോരിജിയയിലും ഒഡേസയിലും വ്യോമാക്രമണം നടക്കുന്നതായി അന്താരാഷ്ട്ര മാദ്ധ്യമങ്ങള്‍ റിപ്പോര്‍ട്ട് ചെയ്തു. മേഖലയില്‍ നിന്ന് വലിയ തോതില്‍ ജനങ്ങള്‍ പലായനം ചെയ്തു കൊണ്ടിരിക്കുകയാണ്. റഷ്യന്‍ അധിനിവേശം അഭയാര്‍ത്ഥി പ്രവാഹത്തിന് കാരണമായേക്കുമെന്നാണ് വിലയിരുത്തല്‍. യൂറോപ്പ് ഉള്‍പ്പെടെയുള്ള രാജ്യങ്ങള്‍ അഭയാര്‍ത്ഥികളെ സ്വീകരിക്കാന്‍ ആവശ്യമായ നടപടികള്‍ സ്വീകരിച്ച് തുടങ്ങിയിട്ടുണ്ട്.  അമേരിക്കയുടെ പ്രധാന പ്രതിരോധ പങ്കാളികളില്‍ ഒന്നായ ഇന്ത്യ. ഈ വിഷയത്തില്‍ യുണൈറ്റഡ് സ്റ്റേറ്റ്‌സുമായി  പൂര്‍ണ്ണമായും സമന്വയത്തിലാണോ എന്ന ചോദ്യത്തിന്  ഞങ്ങള്‍  ഇന്ത്യയുമായി കൂടിയാലോചനയിലാണ് എന്നായിരുന്നു ബൈഡന്റെ മറുപടി.