ചൈനയെ വിറപ്പിച്ച വാജ്പേയി, ഇമ്രാനെ കണ്ടു പഠിക്കെന്ന് തരൂര്...ഇന്ത്യ പാക്കിസ്ഥാനെ പപ്പടമാക്കി
ഇമ്രാന് ഖാന്റെ റഷ്യന് സന്ദര്ശനത്തെ രൂക്ഷമായി വിമര്ശിച്ച് നിരവധി പേര് രംഗത്ത് വരികയാണ്. ഇതില് ഏറ്റവും കൂടുതല് ചര്ച്ചയായത് ശശി തരൂര് എം.പിയുടെ കുറിപ്പാണ്. അടിസ്ഥാന സൗകര്യ വികസനത്തിനും വാതകപൈപ്പ് ലൈന് പദ്ധതിയിലും സഹായം ചോദിച്ച് പാകിസ്ഥാന് പ്രധാനമന്ത്രി ഇമ്രാന് ഖാന് റഷ്യയിലുണ്ട്. ഇതിനിടെ യുക്രെയിനില് ആക്രമണം റഷ്യ ആരംഭിക്കുകയും ചെയ്തു. ഇമ്രാന് എത്തിയപ്പോള് സ്വീകരിക്കാന് പ്രസിഡന്റോ പ്രധാനമന്ത്രിയോ എത്തിയില്ല. ഡെപ്യൂട്ടി വിദേശകാര്യ മന്ത്രിയും സംഘവുമാണ് സ്വീകരിച്ചത്. ഇത് സത്യത്തില് പാകിസ്ഥാന് വലിയ നാണക്കേടാണ്.
എന്നിട്ടും സന്ദര്ശനം തുടരുകതന്നെയാണ് ഇമ്രാന്. റഷ്യ ആക്രമണം നടത്തുന്ന ഈ സാഹചര്യത്തിലും സാമ്പത്തിക സഹായം ചോദിച്ച് ചെല്ലാതെ അല്പമെങ്കിലും ആത്മാഭിമാനം ബാക്കിയുണ്ടെങ്കില് തിരികെ പോകണമെന്ന് ഇമ്രാന് ഖാനെ വിമര്ശിക്കുകയാണ് ശശി തരൂര് എം.പി. ഇക്കാര്യത്തില് 1979ല് അന്ന് വിദേശകാര്യ മന്ത്രിയായിരുന്ന എ,.ബി വാജ്പേയ് സ്വീകരിച്ച മാര്ഗം പിന്തുടരണമെന്ന് തരൂര് ഇമ്രാനെ ഉപദേശിക്കുന്നു. വിയറ്റ്നാമിനെ ചൈന ആക്രമിക്കുന്ന സാഹചര്യം അന്നുണ്ടായപ്പോള് ഔദ്യോഗിക സന്ദര്ശനം നടത്തുകയായിരുന്ന വാജ്പേയ് അത് റദ്ദാക്കി മടങ്ങിയെത്തി. സമൂഹമാദ്ധ്യമങ്ങളിലൂടെയാണ് തരൂര് വിമര്ശനം ഉന്നയിച്ചത്. ശശി തരൂരിന്റെ ഫേസ്ബുക്ക് പോസ്റ്റ് പൂര്ണരൂപം ചുവടെ:1979ല് അന്നത്തെ ഇന്ത്യന് വിദേശകാര്യ മന്ത്രി എ ബി വാജ്പേയി ചൈന സന്ദര്ശനം നടത്തികൊണ്ടിരുന്ന സമയത്താണ് ചൈന വിയറ്റ്നാമിനെ ആക്രമിച്ചത്. ഉടനെ തന്നെ അദ്ദേഹം സന്ദര്ശനം നിര്ത്തി ഇന്ത്യയിലേക്ക് മടങ്ങി.
ഇതൊരു മാതൃകയാക്കി എടുത്ത് ഇപ്പോള് റഷ്യന് സന്ദര്ശനം നടത്തിക്കൊണ്ടിരിക്കുന്ന പാക്ക് പ്രധാനമന്ത്രി ഇമ്രാന് ഖാന് ഒരല്പം ആത്മാഭിമാനം ബാക്കിയുണ്ടെങ്കില് സന്ദര്ശനം മതിയാക്കി മടങ്ങിപ്പോകേണ്ടതാണ്. അല്ലെങ്കില് ഈ അധാര്മികമായ കടന്നുകയറ്റത്തിന് അദ്ദേഹവും ഭാഗഭാക്കാവുകയാണ് പറയേണ്ടി വരും. ചൈനയക്കമുള്ള രാജ്യങ്ങളില് നിന്ന് കടംവാങ്ങി നട്ടം തിരിഞ്ഞിരിക്കുന്ന പാക്കിസ്ഥാന് സാമ്പത്തികമായി വലിയ പ്രതിസന്ധിയിലൂടെ കടന്ന് പോകുമ്പോഴാണ് റഷ്യയെ തേടിയെത്തിയത്. അവിടെയും വലിയ തിരിച്ചടിയാണ് പാക്കിസ്ഥാന് നേരിടേണ്ടി വന്നത്.
https://www.facebook.com/Malayalivartha
