വൊളോഡിമിര് സെലെന്സ്കി പതിവ് തേപ്പുമായി ഇറങ്ങിയ ബൈഡനെ 'പഞ്ഞിക്കിട്ട' ജനസേവകന്
യു.എസ് പ്രസിഡന്റ് ജോ ബൈഡന്, യു.കെ പ്രധാനമന്ത്രി ബോറിസ് ജോണ്സണ്, കനേഡിയന് പ്രധാനമന്ത്രി ജസ്റ്റിന് ട്രൂഡോ മെക്സിക്കന് പ്രസിഡന്റ് ഒബ്രഡോറാണ്. ഇറ്റാലിയന് പ്രധാനമന്ത്രി മരിയോ ഡ്രാഗിയും ജപ്പാന് പ്രധാനമന്ത്രി ഫ്യൂമിയോ കിഷിദയും ജര്മന് ചാന്സലര് ഒലാഫ് ഷോള്സ് ഓസ്ട്രേലിയന് പ്രധാനമന്ത്രി സ്കോട്ട് മോറിസണ്, ദക്ഷിണ കൊറിയന് പ്രസിഡന്റ് മൂണ് ജെ-ഇന് ഇവരൊന്നുമല്ല ഇപ്പോള് വാര്ത്താതാരം. വൊളോഡിമിര് സെലെന്സ്കി എന്ന 49 കാരന്. യുക്രെയ്ന് പ്രസിഡന്റ് ആണ് ന്യൂസ് മേക്കര്.
'ഞാന് രാഷ്ട്രീയക്കാരനല്ല, പരിചയക്കുറവുണ്ട്, പക്ഷേ ജനങ്ങളെ വഞ്ചിക്കില്ലെ'ന്ന് സെലെന്സ്കി ആണയിടുന്നു. അതുകൊണ്ടുതന്നെ പുടിന്റെ സൈനിക രാഷ്ട്രീയ തന്ത്രങ്ങള്ക്കു മുന്നില് പഴയ ഹാസ്യ നടന് നിസ്സഹായനായിത്തീര്ന്നത് ലോകത്ത് ചിലര്ക്കെങ്കിലും വേദനയാകുന്നു. ജനസേവകന് എന്ന ടിവി പരമ്പരയിലൂടെയാണ് വൊളോഡിമിര് സെലെന്സ്കി യുക്രെയ്നില് പ്രശസ്തനായത്. ആ പരമ്പരയില് പ്രസിഡന്റായി തിരഞ്ഞെടുക്കപ്പെടുന്ന സത്യസന്ധനായ ഒരു സ്കൂള് അധ്യാപകന്റെ വേഷമാണു സെലെന്സ്കി അവതരിപ്പിച്ചത്. അഴിമതിക്കാരെ തകര്ത്തെറിയുന്ന നേതാവിന്റെ പ്രതിഛായ പകര്ന്ന തരംഗത്തില് 2019 ല് നടന്ന തിരഞ്ഞെടുപ്പില് വന്ഭൂരിപക്ഷത്തോടെ അദ്ദേഹം രാജ്യത്തിന്റെ പ്രസിഡന്റായി. മറ്റ് രാഷ്ട്രീയ പശ്ചാത്തലമൊന്നുമില്ലാത്ത സെലന്സ്കി അതിനു മുന്പ് ഹാസ്യനടനെന്ന നിലയിലായിരുന്നു അറിയപ്പെട്ടിരുന്നത്.
3 വര്ഷം മുന്പ് അധികാരമേറുമ്പോള് കിഴക്കന് യുക്രെയ്നിനിലെ പ്രശ്നം പരിഹരിക്കുമെന്ന് അദ്ദേഹം വാഗ്ദാനം നല്കി. റഷ്യയുമായി ഒത്തുതീര്പ്പു നടപടികള്ക്കു മുതിരുകയും ചെയ്തു. എന്നാല്, ഇപ്പോള് കിഴക്കന് മേഖലയിലെ പ്രശ്നത്തിന്റെ പേരില് അധികാരം നഷ്ടമാകുകയും രാജ്യത്തെ ജനാധിപത്യ വ്യവസ്ഥിതിക്കു തന്നെ അന്ത്യമാകുകയും ചെയ്തേക്കാവുന്ന ഒരു വിഷമസന്ധിയിലാണ് അദ്ദേഹം.
നാറ്റോയില് അംഗത്വം നേടാനായി കഴിഞ്ഞ 2 വര്ഷത്തിനിടെ സെലെന്സ്കി നടത്തിയ ശ്രമങ്ങള് വിജയിച്ചില്ല. ആ നീക്കമാണ് പുടിനെ രോഷാകുലനാക്കിയത്. പാശ്ചാത്യ രാജ്യങ്ങളുടെ അതിഥിയായി യുഎസ് ഉള്പ്പെടെ വിവിധ രാജ്യങ്ങള് സന്ദര്ശിച്ച വേളയില് അദ്ദേഹം നടത്തിയ പ്രഖ്യാപനങ്ങള് സ്ഥിതി കൂടുതല് വഷളാക്കി. തിങ്കളാഴ്ച പുടിന് പറഞ്ഞത്, യുക്രെയ്ന് ഒരു രാജ്യമേ അല്ലെന്നാണ്. പ്രതിസന്ധിഘട്ടത്തിലും സമചിത്തതയോടെ നില്ക്കുന്ന പ്രസിഡന്റിനെ പാശ്ചാത്യരാജ്യങ്ങള് പ്രശംസിക്കുന്നുണ്ട്. രണ്ടുമാസത്തിലേറെയായി അതിര്ത്തി വളഞ്ഞ് ഒന്നരലക്ഷത്തോളം റഷ്യന് സൈന്യം നിലകൊണ്ടപ്പോഴും അദ്ദേഹം ജനങ്ങളോടു പരിഭ്രാന്തി പാടില്ലെന്നാണു പറഞ്ഞത്. എന്തായാലും ഒരു ജനതയും ലോകവും മുള്മുനയില് നില്ക്കുമ്പോള് സെലന്സ്കി ഉത്തരം നല്കുമോ എന്നതാണ് ഇനി കാണേണ്ടത്.
https://www.facebook.com/Malayalivartha
