ഞെട്ടിക്കുന്ന സംഭവ വികാസങ്ങളാണ് ഇപ്പോള്‍ റഷ്യയില്‍ സംഭവിച്ചുകൊണ്ടിരിക്കുന്നത്, അപ്രതീക്ഷിതമായ യുക്രൈന്‍ തിരിച്ചടിയാണോ അതോ മറ്റെന്തെങ്കിലും സംഭവവികാസങ്ങളാണോ നടന്നത് എന്നതില്‍ ഇതുവരെ സ്ഥിരീകരണം വന്നിട്ടില്ല. പക്ഷേ. റഷ്യന്‍ പ്രതിരോധ മന്ത്രാലയ കെട്ടിടം അപ്രതീക്ഷിതമായി അഗ്നിക്കിരയായി. ദൃശ്യങ്ങളില്‍ പ്രതിരോധ മന്ത്രാലയത്തില്‍ നിന്ന് ഭയപ്പെടുത്തുന്ന രീതിയില്‍ പുക ഉയരുന്നത് കാണാം. റഷ്യയിലെ ത്വെറില്‍ സ്ഥിതി ചെയ്യുന്ന കെട്ടിടത്തില്‍ നിന്നാണ് വലിയ രീതിയില്‍ കറുത്ത പുക ഉയരുന്നത് വ്യക്തമായിരിക്കുന്നത്.. കെട്ടിടത്തിന്റെ രണ്ടും മൂന്നും നിലകളിലെ ജനാലകളില്‍ തീ ആളി പടരുന്നതും കാണാം.

കെട്ടിടത്തില്‍ നിന്ന് ആളുകളെ രക്ഷപെടുത്തിയതായും എല്ലാവരെയും സ്ഥലത്ത് നിന്ന് ഒഴിപ്പിച്ചതായും പ്രാഥമിക റിപ്പോര്‍ട്ടുകളുണ്ട്. സംഭവത്തിന് ശേഷം 30 പേരില്‍ കൂടുതലാളുകള്‍ വൈദ്യസഹായത്തിനായി എത്തിയതായി തൊട്ടടുത്ത ആശുപത്രി അധികൃതരും അറിയിച്ചു.

പ്രതിരോധ മന്ത്രാലയത്തിന്റെ NII2 കെട്ടിടത്തിലാണ് തീ പടര്‍ന്നത്, ഇവിടെയാണ് എയര്‍, എയ്‌റോസ്‌പേസ് സംബന്ധിച്ച തീരുമാനങ്ങള്‍ കൈക്കൊള്ളുന്നത്. വ്യോമ പ്രതിരോധത്തിനും ബഹിരാകാശ പ്രതിരോധത്തിനുമുള്ള ആയുധങ്ങളുടെ സിദ്ധാന്തങ്ങള്‍ വികസിപ്പിക്കുന്നതിനുള്ള ഉത്തരവാദിത്തമുള്ള ശാസ്ത്ര കേന്ദ്രത്തിനാണ്. ഇത്തരത്തില്‍ അപ്രതീക്ഷിതമായി തീ പിടിച്ചിരിക്കുന്നത് അതും അപകടകരമാം വിധം. യുക്രൈനിലുള്ള വ്യോമാക്രമണങ്ങള്‍ പ്ലാന്‍ ചെയ്ത് നടപ്പിലാക്കുന്ന ഇവിടെ നടന്ന തീപിടിത്തത്തില്‍ യുക്രൈന്റെ പങ്കാണ് ഇപ്പോള്‍ പരിശോധനാ വിധേയമാകുന്നത്

നിലവില്‍ തീപിടിത്തത്തിന്റെ കാരണം ഇതുവരെ റഷ്യയ്ക്ക് കണ്ടെത്താനായിട്ടില്ല. രക്ഷാപ്രവര്‍ത്തനങ്ങള്‍ ഇപ്പോള്‍ നടന്നുകൊണ്ടിരിക്കുകയാണ്. കൂടുതല്‍ വിശദാംശങ്ങള്‍ പുറത്തു വരുന്നതേ ഉള്ളൂ..

പുടിന്റെ ഭീഷണി വന്നതിന് പിന്നാലെയാണ് ഈ സംഭവം എന്നുള്ളതും ശ്രദ്ധേയമാണ്. അതായത് 'ബാഹ്യ ഭീഷണികളില്‍ നിന്ന് റഷ്യയുടെ സുരക്ഷ ഉറപ്പാക്കുമെന്ന് പ്രസിഡന്റ് വ്‌ളാഡിമിര്‍ പുടിന്‍ പറഞ്ഞ് സര്‍മാറ്റ് സൂപ്പര്‍ ഹെവി ഭൂഖണ്ഡാന്തര ബാലിസ്റ്റിക് മിസൈലിന്റെ വിജയകരമായ പരീക്ഷണ വിക്ഷേപണവും നടത്തി റഷ്യ തല ഉയര്‍ത്തി നില്‍ക്കുമ്പോഴാണ് ഈ സംഭവം.

ഉക്രെയ്‌നിലെ അധിനിവേശത്തിനും ആക്രമണത്തിനും ഇടയിലാണ്, കഴിഞ്ഞ ദിവസം പുടിന്‍ തന്റെ പുതിയ ആയുധപ്പുരയുടെ ശക്തി ലോകത്തിന് പരിചയപ്പെടുത്തിയത്, റഷ്യയെ 'ഭീഷണിപ്പെടുത്താന്‍' ശ്രമിക്കുന്നവര്‍ക്ക് വീണ്ടും വീണ്ടും 'ചിന്തിയ്ക്കാനുള്ള സാഹചര്യമാണ് ഉണ്ടായിരിക്കുന്നത് എന്ന് വ്യക്തമാക്കി 24 മണിക്കൂര്‍ കഴിയും മുമ്പാണ് ആക്രമണങ്ങളുടെ ബുദ്ധി കേന്ദ്രത്തില്‍ തന്നെ തീയിട്ടിരിക്കുന്നത്.