ജപ്പാന് കടലില് അസാധാരണ പടനീക്കം; റഷ്യന് യുദ്ധക്കപ്പല് സാനിധ്യം പൊക്കി ജപ്പാന്; യുക്രൈന് ശേഷം ചൈനയുമായി സംയുക്ത യുദ്ധത്തിന് റഷ്യ; ജപ്പാനെ വളഞ്ഞ് ചൈനയും റഷ്യയും
ഉക്രെയ്നെതിരെ റഷ്യ വിജയ പ്രഖ്യാപനം നടത്താന് ഒരുങ്ങുകയാണ് ഇനി ദിവസങ്ങള് മാത്രമേ ഉള്ളൂ, വിക്ടറി ഡേയില് യുദ്ധം നിര്ത്തി റഷ്യ വിജയം പ്രഖ്യാപിക്കും. മുന്നിലുള്ളത് ഡോണ്ബാസ് മാത്രമാണ്. അതിനുവേണ്ടി എന്ത് കൈവിട്ട കളിയും കളിക്കും റഷ്യ. അതിനു ശേഷമുള്ള റഷ്യയുടെ ലക്ഷ്യം ജപ്പാനാണെന്നാണ് ലഭിക്കുന്ന സൂചന. ഇവിടെ ചൈനയെ കൂട്ടുപിടിച്ചാകും റഷ്യന് നീക്കങ്ങള്..
എന്തായാലും യുദ്ധ നഷ്ടങ്ങള്ക്കിടയിലും ക്രെംലിന് അവരുടെ നാവിക ശേഷി ചെത്തി മിനുക്കുകയാണെന്നാണ് റിപ്പോര്ട്ട്. വ്യാഴാഴ്ച, ജപ്പാന് ഡിഫന്സ് ഇന്റഗ്രേറ്റഡ് സ്റ്റാഫ് ആന്ഡ് സൂപ്പര്വിഷന് മന്ത്രാലയം പുറത്തുവിട്ടത് സുഷിമ കടലിടുക്കിലൂടെ കടന്നുപോകുന്ന റഷ്യന് ഡിസ്ട്രോയറുടെയും പൈപ്പ്ലൈന് സ്ഥാപിക്കുന്ന വാണിജ്യ കപ്പലുകളുകളുടെയും സാനിധ്യത്തെ കുറിച്ചുള്ള വിവരങ്ങളാണ്. ആശങ്കയുണ്ടാക്കുന്ന നീക്കങ്ങളാണത്. ക്യോഡോ ന്യൂസിന്റെ റിപ്പോര്ട്ട് അനുസരിച്ച്, ഡിസ്ട്രോയര് ഉള്പ്പെടെ 3 നാവിക കപ്പലുകള് റഷ്യന് സര്ക്കാര് ഉടമസ്ഥതയിലുള്ള എണ്ണവാതക കമ്പനിയായ ഗാസ്പ്രോമിന്റെ കപ്പലുകള്ക്കൊപ്പം കിഴക്കന് ചൈനാ കടലിന് വടക്ക് ജപ്പാന് കടലിലേക്ക് പോയി എന്നാണ്.
ചൊവ്വാഴ്ച രാവിലെ ഒമ്പത് മണിയോടെയാണ് മാരിടൈം സെല്ഫ് ഡിഫന്സ് ഫോഴ്സ് റഷ്യന് കപ്പലിനെ കണ്ടതായുള്ള വെളിപ്പെടുത്തല് വരുന്നത്. ജപ്പാനിലെ നാല് പ്രധാന ദ്വീപുകള്ക്കും ദക്ഷിണ കൊറിയയ്ക്കും ഇടയില് സ്ഥിതി ചെയ്യുന്ന ഡാന്ജോ ദ്വീപില് നിന്ന് ഏകദേശം 80 കിലോമീറ്റര് പടിഞ്ഞാറായിട്ടാണ് ഈ നീക്കം. എന്നിരുന്നാലും, 'റഷ്യന് സ്വകാര്യ കപ്പലുകള് യുദ്ധക്കപ്പലുകള്ക്കൊപ്പം സഞ്ചരിക്കുന്നത് അസ്വഭാവിക നടപടിയായിട്ടാണ് വിശേഷിപ്പിക്കപ്പെടുന്നത്.
അതേസമയം തന്നെ ചൈനയും വന് പ്രകോപനമാണ് സൃഷ്ടിക്കുന്നത്. ജപ്പാനിലെ കഗോഷിമ പ്രിഫെക്ചറിന് സമീപമുള്ള തെക്കുപടിഞ്ഞാറന് അമാനിഒഷിമയിലെ വെള്ളത്തിലൂടെ ചൈനീസ് നാവികസേനയുടെ രഹസ്യാന്വേഷണ കപ്പലിന്റെ സാന്നിധ്യം ജപ്പാന് കണ്ടെത്തി. കപ്പലുകള് കിഴക്കന് ചൈനാ കടലിലൂടെ പസഫിക് സമുദ്രത്തിലേക്ക് നീങ്ങിയതായാണ് കണ്ടെത്തിയത്.
യുദ്ധാനന്തരം റഷ്യയും ചൈനയും തമ്മിലുള്ള ഏകോപിത നാവിക പ്രവര്ത്തനങ്ങള് വര്ധിച്ചതായി വ്യക്തമാക്കിയ ജാപ്പനീസ് പ്രതിരോധ മന്ത്രാലയം ജാപ്പനീസ് ദ്വീപസമൂഹത്തിന് ചുറ്റുമുള്ള റഷ്യന്, ചൈനീസ് കപ്പലുകളുടെ സാനിധ്യത്തില് അതീവ ജാഗ്രത പുലര്ത്തുന്നതായാണ് അറിയിച്ചത്. ഇത് ഒരു യുദ്ധത്തിലേയ് മാറാന് അധികം സമയം വേണ്ടി വരില്ലെന്നാണ് യുദ്ധ വിദഗ്ദരുടെ വിലയിരുത്തല്.
മാത്രമല്ല ഉക്രെയ്ന് അധിനിവേശത്തിന് തൊട്ടുമുമ്പ് റഷ്യയിലെ സൈനിക അഭ്യാസങ്ങള് വര്ദ്ധിച്ചിരുന്നു എന്നതും ശ്രദ്ധേയമാണ്. ഫെബ്രുവരി 15 ന്, മോസ്കോ ഒഖോത്സ്ക് കടലിലും ജപ്പാന് കടലിലും ഭയാനകമായ സൈനിക പ്രവര്ത്തനങ്ങള് നടത്തിയിരുന്നു, യുദ്ധത്തിനുമുമ്പുള്ള നീക്കമായാണ് ഇതിനെ വിലയിരുത്തുന്നത്.
മാത്രമല്ല മാര്ച്ചിന്റെ തുടക്കത്തില്, റഷ്യന് നാവിക കപ്പലുകള് ടാങ്കുകളും മിസൈലുകളും വഹിച്ചുകൊണ്ട് ജാപ്പനീസ് സമുദ്രത്തിന് സമീപം കാണപ്പെട്ടു, ഇത് മോസ്കോയുടെ യുദ്ധ പ്രകോപനമായുയം ശക്തിപ്രകടനമായും വിലയിരുത്തപ്പെടുന്നു. ചൈനീസ് കപ്പലുകളും മേഖലയിലെ നാവിക പ്രവര്ത്തനങ്ങളിലെ റഷ്യന് മുന്നേറ്റവും തമ്മിലുള്ള ചില ഏകോപനവും വിശകലന വിദഗ്ധര് വളരെ ആശങ്കയോടെയാണ് വീക്ഷിക്കുന്നത്. മാര്ച്ച് 16 ന്, ജപ്പാന് പ്രതിരോധ മന്ത്രാലയം റഷ്യയുടെ നാല് നാവിക കപ്പലുകള് സുഗരു കടലിടുക്കിന് സമീപം കണ്ടെത്തി. കപ്പലുകള് പസഫിക്കില് നിന്ന് പടിഞ്ഞാറോട്ട് ജപ്പാന് കടലിലേക്കാണ് നീങ്ങിയത്. നേരത്തെ മാര്ച്ച് 14 ന്, രാത്രി 8 മണിയോടെ അമോറി പ്രിഫെക്ചറിലെ കേപ് ഷിറിയയില് നിന്ന് 70 കിലോമീറ്റര് കിഴക്ക്വടക്കുകിഴക്കായി മറ്റൊരു റഷ്യന് ആയുധ വാഹക കപ്പലും തിരിച്ചറിഞ്ഞിരുന്നു. തൊട്ടടുത്ത ദിവസം രാവിലെ 9 മണിയോടെ ഇതേ പ്രദേശത്ത് മറ്റ് രണ്ട് യുദ്ധക്കപ്പലും കണ്ടെത്തി. ഇത് റഷ്യയുടെ ചൈനീസ് കപ്പലുകള് തമ്മിലുള്ള ഏകോപനത്തിന്റെയും സംയുക്ത പരിശീലനത്തിന്റെയും ഭാഗമാണെന്നാണ് കരുതപ്പെടുന്നത്.
https://www.facebook.com/Malayalivartha