അഫ്ഗാനില്‍ലെ അക്രമണം ഇന്ത്യയ്ക്കുള്ള മുന്നറിയിപ്പെന്ന് ഐഎസ് ചാവേറാക്രമണം ഉടനെന്ന്
അഫ്ഖാന്‍ തലസ്ഥാനമായ കാബൂളിലെ ഗുരുദ്വാരയില്‍ നടന്ന ഭീകരാക്രമണം ബിജെപി നേതാക്കള്‍ നടത്തിയ പ്രവാചകവിരുദ്ധ പരാമര്‍ശത്തിനുള്ള മറുപടിയാണെന്ന് ഐ.എസ്. തങ്ങളുടെ ആശയപ്രചാരണത്തിനായുള്ള വെബ്‌സൈറ്റിലൂടെയാണ് ഭീകര സംഘടന ഇക്കാര്യം അറിയിച്ചത്. പ്രവാചക പരാമര്‍ശം നടത്തിയവരെ പിന്തുണയ്ക്കുന്ന ഹിന്ദുക്കളേയും സിഖ് വിഭാഗക്കാരേയും ലക്ഷ്യമിട്ടായിരുന്നു അക്രമണമെന്ന് ഐഎസ് വിശദീകരിക്കുന്നു. കാര്‍ത്തെ പര്‍വാന്‍ ഗുരുദ്വാരയിലേക്ക് സംഘാംഗങ്ങളില്‍ ഒരാള്‍ നുഴഞ്ഞുകയറുകയും വെടിയുതിര്‍ക്കുകയുമായിരുന്നു.
അക്രമത്തില്‍ അഞ്ച് ഭീകരര്‍ ഉള്‍പ്പെടെ എട്ടുപേരാണ് കൊല്ലപ്പെട്ടത്. 12 പേര്‍ക്ക് പരിക്കേല്‍ക്കുകയും ചെയ്തിരുന്നു. ഉള്ളില്‍ കടന്ന ഭീകരരെ സ്‌ഫോടനത്തിന് ശേഷം സൈന്യം വധിക്കുകയായിരുന്നു. അഫ്ഖാനിസ്താനില്‍ ഇന്ത്യന്‍ പ്രതിനിധി സന്ദര്‍ശിക്കുന്ന വേളയിലായിരുന്നു അക്രമണം. ബിജെപി ദേശീയവക്താവ് നൂപുര്‍ ശര്‍മയും പാര്‍ട്ടിയുടെ ഡല്‍ഹി ഘടകത്തിന്റെ മാധ്യമവിഭാഗം മേധാവി നവീന്‍ ജിന്‍ഡാലും നടത്തിയ പരാമര്‍ശങ്ങളാണ് വിവാദത്തിനിടയാക്കിയത്. ഇതിനെതിരേ പ്രതിഷേധവുമായി മുസ്ലിം രാജ്യങ്ങളടക്കം വിവിധ രാഷ്ട്രങ്ങള്‍ പ്രതിഷേധം അറിയിച്ചിരുന്നു. സംഭവത്തില്‍ പ്രതിഷേധിച്ച് ഇന്ത്യയില്‍ ചാവേര്‍ ആക്രമണം നടത്തുമെന്ന് ഭീകര സംഘടനയായ അല്‍ ഖായിദ ഭീഷണി മുഴക്കിയിരുന്നു.
അതേസമയം ജമ്മുകശ്മീര്‍ മേഖലയില്‍ വീണ്ടും ഭീകരവേട്ട. കുപ് വാരയില്‍ സൈന്യം ഒരു ഭീകരനെ ഏറ്റുമുട്ടലില്‍ വധിച്ചു. കുപ്‌വാര ജില്ലയിലെ ലോലാബ് മേഖലയിലാണ് ലഷ്‌ക്കര്‍ ഭീകരന്‍ കൊല്ലപ്പെട്ടത്. കഴിഞ്ഞ ദിവസം പിടിയിലായ ഷൗക്കത്ത് അഹമ്മദ് ഷെയ്ഖില്‍ നിന്നാണ് മേഖലയില്‍ തമ്പടിച്ചിരിക്കുന്ന ഭീകരനെക്കുറിച്ചുള്ള വിവരം സൈന്യത്തിന് ലഭിച്ചത്.ഇന്ന് ഉച്ചയ്ക്കാണ് രഹസ്യവിവരങ്ങളുടെ അടിസ്ഥാനത്തില്‍ ഭീകരന്‍ ഒളിച്ചിരുന്ന പ്രദേശം പോലീസും സുരക്ഷാ സൈന്യവും വളഞ്ഞത്. കുപ് വാരയിലെ പോലീസ് സേനാംഗങ്ങളും സൈന്യത്തിലെ 28 രാഷ്ട്രീയ റൈഫിള്‍സ് അംഗങ്ങളുമാണ് റെയ്ഡ് നടത്തിയത്. പാകിസ്താ നിലെ ഭീകരകേന്ദ്രങ്ങളുമായി സ്ഥിരം ബന്ധപ്പെടുന്ന ലഷ്‌ക്കര്‍ ഭീകരനാണ് അതിര്‍ത്തി കടന്ന് കുപ് വാര മേഖലയില്‍ ഒളിവില്‍ കഴിഞ്ഞിരുന്നതെന്ന് കശ്മീര്‍ പോലീസ് മേധാവി അറിയിച്ചു.
കുപ്‌വാര മേഖലയില്‍ ഒരു ദിവസം മുമ്പാണ് സൈന്യം അത്യുഗ്രശേഷിയുള്ള സ്‌ഫോടകവ സ്തുക്കള്‍ കണ്ടെത്തി നിര്‍വീര്യമാക്കിയത്. ഹന്ദ്വാരബാരാമുള്ള റോഡില്‍ വടക്കന്‍ കശ്മീര്‍ ജില്ലയായ കുപ് വാരയിലെ ലാന്‍ഗേറ്റ് മേഖലയിലെ ഗാനാപോരയിലാണ് സ്‌ഫോടക വസ്തുക്കള്‍ കണ്ടെത്തിയത്.
https://www.facebook.com/Malayalivartha
