തായ്വാന്‍ അതിര്‍ത്തിയിലെ ചൈനയുടെ അഭ്യാസ പ്രകടനങ്ങള്‍ അതിരു വിടുന്ന സാഹചര്യമാണ് കഴിഞ്ഞ ദിവസങ്ങളില്‍ അരങ്ങേറിയത്. നിലവില്‍ അഭ്യാസ പ്രകടനങ്ങളെല്ലാം ചൈന അവസാനിപ്പിച്ചു എങ്കിലും. തായ്വാനെതിരെയുള്ള സൈനീക വിന്യാസം ചൈന ഇപ്പോഴും തുടരുകയാണ്. എപ്പോള്‍ വേണമെങ്കിലും അത് യുദ്ധത്തിലേയ്ക്ക് വഴുതി വീഴാം. അതിനാല്‍ തന്നെ മേഘലയെ നിരീക്ഷിക്കാനും ചൈനയുടെ ആയുധങ്ങളെ കുറിച്ച് പഠിക്കാനുമായി ഒരു ഇന്റലിജന്‍സ് സംവിധാനം തുറന്നിരിക്കുകയാണ് അമേരിക്ക. എല്ലാ തരത്തിലും ചൈനയെ വരിഞ്ഞു പൂട്ടുക എന്ന ദൗത്യത്തിന് അമേരിക്ക സഖ്യ രാജ്യങ്ങളുടെ കൂടി പിന്തുണ തേടുന്നുണ്ട്. ചൈനയ്ക്ക് എതിരെ നിലകൊള്ളുന്ന രാജ്യങ്ങളെ എല്ലാം അണിനിരത്തിയാണ് ഈ ഒരു ഇന്റലിജന്‍സ് സംവിധാനം അമേരിക്ക രൂപപ്പെടുത്തിയിരിക്കുന്നത്. ഇത് തായ്വാന് നല്‍കുന്ന ആത്മവിശ്വാസം ചെറുതൊന്നുമല്ല.

അതേസമയം തന്നെ ഈ ഒരു ഇന്റലിജന്‍സ് സംവിധാനം കൊണ്ട് പ്രത്യേകം ഒരു ഉപയോഗവും ഇല്ലെന്നാണ് അമേരിക്കയിലെ തന്നെ ചില സൈനീക വിദഗ്ദര്‍ പറയുന്നത്. കാരണം അമേരിക്ക ഈ യുദ്ധത്തിന്റെ മുന്നണിയില്‍ ഉണ്ടാകും എന്നുള്ളതുകൊണ്ടു തന്നെ ചൈന വളരെ തന്ത്ര പരമായ നീക്കങ്ങള്‍ തന്നെയാകും നടത്തുക. അവര്‍ നിലവില്‍ തായ്വാനെതിരെ വിന്യസിക്കുന്ന ആയുധങ്ങളെ കുറിച്ചെല്ലാം അമേരിക്കയ്ക്ക് അറിവുള്ളതാണ്. ബാലിസ്റ്റിക് മിസൈലുകളടക്കം അണിനിരത്തിയുള്ള അഭ്യാസ പ്രകടനത്തില്‍ വലിയ ഞെട്ടലൊന്നും അമേരിക്കന്‍ ഇന്റലിജന്‍സ് കേന്ദ്രങ്ങള്‍ രേഖപ്പെടുത്തുന്നില്ല. കാരണം അവരുടെ പക്കല്‍ ഇതിനേക്കാള്‍ അത്യാധുനീക സംവിധാനങ്ങളോടു കൂടിയ ആയുധങ്ങളുണ്ട് എന്നാണ് ഇവര്‍ കണക്കു കൂട്ടുന്നത് അങ്ങനെയാണെങ്കില്‍. ഈ അഭ്യാസ പ്രകടനങ്ങള്‍ ചൈനയുടെ തലക്കെട്ടുകളില്‍ ഇടം നേടാനുള്ള കുതന്ത്രം മാത്രമാണെന്ന വിലയിരുത്തലാണ് യുഎസ് ഉദ്യോഗസ്ഥര്‍ പറയുന്നത്.

അതേസമയം തായ്വാന്‍ വളരെ കരുതലോടുകൂടിയാണ് നീങ്ങുന്നത്. അവര്‍ ചൈന തങ്ങളെ ആക്രമിക്കും എന്ന് ഭയപ്പെടുന്നുണ്ട്. പലരും ഇത് ചൈനയുടെ സ്റ്റാറ്റര്‍ജി മാത്രമാണ് എന്ന് പറയുമ്പോഴും ഇപ്പോഴില്ലെങ്കില്‍ പിന്നെ എപ്പോള്‍ എന്ന ചൈനീസ് നയം കാര്യങ്ങളെ യുദ്ധത്തിലേയ്ക്ക് എത്തിക്കും എന്നാണ് അവര്‍ ഭയപ്പെടുന്നത്. എന്തായാലും അമേരിക്ക തായ്വാന് സര്‍വ്വ പിന്തുണയുമായി രംഗത്തുണ്ട്. ചൈനയുടെ ഓരോ നീക്കങ്ങളും വളരെ കൃത്യമായി തായ്വാന്‍ അധികൃതര്‍ക്ക് അമേരിക്കന്‍ ഇന്റലിജന്‍സ് സംവിധാനങ്ങള്‍ കൈമാറുന്നുണ്ട്. എന്നാല്‍ എങ്ങനെയൊക്കെ യുദ്ധ രഹസ്യങ്ങള്‍ ഗോപ്യമായി വയ്ക്കാമോ അതെല്ലാം ചൈനയും എതിര്‍ ചേരിയില്‍ പയറ്റുന്നുണ്ട്.

അതേസമയം യുദ്ധമുണ്ടായാല്‍ വളരെ വേഗത്തില്‍ ഇടപെടാനായി വിമാനവാഹിനി കപ്പലുകളടക്കം നാല് യുദ്ധക്കപ്പലുകളാണ് അമേരിക്ക തായ്‌വാന് കിഴക്ക് ഫിലിപ്പീന്‍സ് കടലിന് ചുറ്റും വിന്യസിച്ചിരിക്കുന്നത്. മാത്രമല്ല ഈ ദൗത്യത്തില്‍ അമേരിക്കയുടേതുള്‍പ്പെടെ ജപ്പാന്റെയും തായ്വാന്റെയും അന്തര്‍വാഹിനികളും പങ്കാളികളാകുന്നുണ്ട്.