ചങ്കിനെ തൊട്ട് കളി വേണ്ട റഷ്യയിലിരുന്ന് ഇന്ത്യയില്‍ ചാവേറാക്രമണത്തിന് പദ്ധതിയിട്ട ഭീകരനെ തൂക്കി റഷ്യ
തീവ്രവാദത്തിനും ഭീകരതയ്ക്കും എതിരെ എന്നും അതിശക്തമായി നിലകൊള്ളുന്ന രാജ്യങ്ങളാണ് ഇന്ത്യയും റഷ്യയും ഇസ്രയേലും. എന്തു പ്രതിസന്ധിയുണ്ടായാലും ഈ രാജ്യങ്ങള്‍ ഒറ്റക്കെട്ടാണ്. റഷ്യ യുക്രൈന്‍ യുദ്ധ വേളയിലും പരസ്യമായി റഷ്യയ്ക്ക് പിന്തുണ പ്രഖ്യാപിച്ചില്ലെങ്കിലും റഷ്യയോടൊപ്പം തന്നെ ഉണ്ടായിരുന്നു ഇന്ത്യ.
ഇപ്പോഴിതാ ഇന്ത്യയില്‍ ചാവേറാക്രമണത്തിന പദ്ധതിയിട്ട ഐഎസ് ഭീകരനെ തൂക്കിയെടുത്തിരിക്കുകയാണ് റഷ്യ, ഏറെ ചര്‍ച്ചയായ പ്രവാചകവിരുദ്ധ പരാമര്‍ശത്തിന്റെപേരില്‍ ഇന്ത്യന്‍ രാഷ്ട്രീയത്തിലെ പ്രമുഖരിലൊരാളെ വധിക്കാന്‍ പദ്ധതിയിട്ടിരുന്ന ആളാണ് ഈ ഇസ്ലാമിക് സ്റ്റേറ്റ് ചാവേറാണ് ഇപ്പോള്‍ പിടിയിലായിരിക്കുന്നത്. ചാവേര്‍ റഷ്യയില്‍ അറസ്റ്റിലായ വാര്‍ത്ത വന്നുവെങ്കിലും കൂടുതല്‍ വിവരങ്ങള്‍ പുറത്തുവന്നിട്ടില്ല.
മധ്യേഷ്യന്‍ രാജ്യങ്ങളിലൊന്നിലെ പൗരനാണ് അറസ്റ്റിലായതെന്ന് റഷ്യയുടെ രഹസ്യാന്വേഷണ ഏജന്‍സിയായ ഫെഡറല്‍ സെക്യൂരിറ്റി സര്‍വീസില്‍ നിന്ന് ലഭിക്കുന്ന വിവരം. മറ്റു വിവരങ്ങള്‍ പുറത്തുവിട്ടില്ല.
തുര്‍ക്കിയില്‍ കഴിയുമ്പോള്‍ ഇക്കൊല്ലം ഏപ്രിലിനും ജൂണിനുമിടയിലാണ് ഇയാള്‍ ഐ.എസില്‍ ചേര്‍ന്നത്. ടെലിഗ്രാം സന്ദേശങ്ങളും ഐ.എസ്. പ്രതിനിധികളുമായി തുര്‍ക്കി തലസ്ഥാനമായ ഈസ്താംബുളില്‍ നടത്തിയ കൂടിക്കാഴ്ചകളുമാണ് ഇയാളെ ഭീകരപ്രവര്‍ത്തനത്തിലേക്ക് ആകര്‍ഷിച്ചതെന്ന് റഷ്യന്‍ ഫെഡറല്‍ സെക്യൂരിറ്റി സര്‍വീസസിന്റെ സെന്റര്‍ ഫോര്‍ പബ്ലിക് റിലേഷന്‍സ് (സി.പി.ആര്‍.) പറഞ്ഞു. ഐ.എസ്. തലവനോട് കൂറു പ്രഖ്യാപിക്കുന്നെന്ന് പ്രതിജ്ഞയെടുപ്പിച്ചശേഷം കൃത്യനിര്‍വഹണത്തിനായി ഇന്ത്യയിലേക്ക് അയക്കുകയായിരുന്നു. ചാവേറാക്രമണത്തിനുള്ള പരിശീലനം കഴിഞ്ഞ് റഷ്യവഴി ഇന്ത്യയിലേക്കുവരാന്‍ തയ്യാറെടുക്കുന്നതിനിടെയാണ് ഇയാള്‍ പിടിയിലായത്.
പ്രവാചകവിരുദ്ധപരാമര്‍ശത്തിന്റെപേരില്‍ ഇന്ത്യയുടെ ഭരണരംഗത്തെ ഒരംഗത്തെ വധിക്കാനായിരുന്നു യാത്രയെന്ന് ചോദ്യം ചെയ്യലില്‍ ഇയാള്‍ സമ്മതിച്ചതായി സി.പി.ആര്‍. പറഞ്ഞു. സി.പി.ആര്‍. പുറത്തുവിട്ട ചോദ്യംചെയ്യല്‍ വീഡിയോയില്‍ ഇക്കാര്യങ്ങള്‍ ഇയാള്‍ പറയുന്നുണ്ട്. പ്രവാചകനെക്കുറിച്ച് വിവാദ പരാമര്‍ശം നടത്തിയതിന് ബി.ജെ.പി. വക്താവ് നൂപുര്‍ ശര്‍മയെയും പാര്‍ട്ടി ഡല്‍ഹിഘടകം മാധ്യമ വിഭാഗത്തിന്റെ ചുമതലയുണ്ടായിരുന്ന നവീന്‍ കുമാര്‍ ജിന്‍ഡലിനെയും ജൂണില്‍ പാര്‍ട്ടി പുറത്താക്കിയിരുന്നു.
https://www.facebook.com/Malayalivartha
