ഇന്ത്യയുടെ നയതന്ത്രം ലോക രാജ്യങ്ങളെ എല്ലാം അത്ഭുതപ്പെടുത്തിയിട്ടുള്ളൊരു കാര്യമാണ്. ഇന്ത്യ എപ്പോഴും മുഖവിലയ്‌ക്കെടുക്കുന്നത് സ്വന്തം രാജ്യത്തിന്റെ നേട്ടവും മുന്നോട്ടുള്ള കുതിപ്പും മാത്രമാണ്. ശത്രുക്കള്‍ എത്ര തവണ ഇത് ആവര്‍ത്തിച്ചിട്ടുള്ളതാണ്. ബീജിങ് ഒളിംബിക്‌സിന്റെ സമയത്ത് അമേരിക്കന്‍ അനുകൂല നിലപാടെടുക്കും എന്നു കരുതിയ ചൈനയുടെ കണ്ണുതള്ളിച്ച രാജ്യമാണിന്ത്യ. ഏറ്റവും ഒടുവിലത്തെ ഉദാഹരണം പറയുകയാണെങ്കില്‍ റഷ്യ യുക്രൈന്‍ യുദ്ധത്തിലെ ഇന്ത്യയുടെ നിലപാട്. പാകിസ്ഥാന്‍ ഇന്ത്യയുടെ ഈ നയതന്ത്രത്തില്‍ വാ പൊളിച്ച് നില്‍ക്കുകയാണ്. ഇന്ത്യ റഷ്യന്‍ അനുകൂല നിലപാടാണ് എടുക്കുന്നത് എന്ന് ലോകം ചിന്തിച്ചു തുടങ്ങിയപ്പോഴാണ് കഴിഞ്ഞ ദിവസം ചരിത്രത്തിലാദ്യമായി ഇന്ത്യ റഷ്യയ്ക്ക് അനുകൂല നിലപാട് എടുത്തത്. ഇതോടെ ലോക രാജ്യങ്ങള്‍ മുഴുവന്‍ ഇന്ത്യന്‍ നിലപാടില്‍ കണ്ണുതള്ളി നില്‍ക്കുകയാണ്.

ചരുക്കത്തില്‍ പറഞ്ഞാല്‍ ഇന്ത്യ ഏറെ ദീര്‍ഘ വീക്ഷണത്തോടെ മുന്നോട്ട് പോകുന്നൊരു രാജ്യമാണ് മുന്നോട്ടുള്ള പ്രയാണം മാത്രമാണ് നമ്മുടെ രാജ്യത്തിന്റെ ലക്ഷ്യം. അതിന് വിലങ്ങുതടിയായി ഇപ്പോള്‍ നിലകൊള്ളുന്നത് ചൈന മാത്രമാണ്. ആ വിലങ്ങുതടി വെട്ടിമാറ്റാന്‍ ഒരു പക്ഷേ ഇന്ത്യ മുതിര്‍ന്നേക്കും. പ്രതിരോധം മാത്രം കൈമുതലാക്കിയ ഇന്ത്യ അവശ്യ ഘട്ടത്തിലൊക്കെ ശത്രുക്കളുടെ പത്തി താഴ്ത്തുന്ന തരത്തിലുള്ള തിരിച്ചടി നല്‍കാറുണ്ട്. ബലാക്കോട്ടില്‍ പാകിസ്ഥാനും ഗല്‍വാനില്‍ ചൈനയും ആ ചൂട് അറിഞ്ഞതാണ്.

എന്നാല്‍ ഇന്ത്യയെ പോലെ തന്നെ ചൈനയുടെ പതനംമാത്രം മുന്നില്‍ കാണുന്നൊരു രാജ്യമാണ് അമേരിക്ക. ഈ സാഹചര്യത്തില്‍ ഇന്ത്യയെ പങ്കാളിയാക്കുന്നതിനെ കുറിച്ച് വാചാലരാകുകയാണ് അമേരിക്ക. യുഎസ് നാവികസേന മേധാവി മൈക്കിള്‍ ഗില്‍ഡേ ചൈനയെ തീര്‍ക്കാനുള്ള പദ്ധതിയില്‍ ഇന്ത്യയുടെ പങ്കാളിത്തത്തെ കുറിച്ച് വെളിപ്പെടുത്തിയിരിക്കുന്നത്.

ഭാവിയില്‍ യുഎസിന്റെ നിര്‍ണായക പങ്കാളിയായി ഇന്ത്യ മാറുമെന്നും ചൈനയെ നേരിടുന്നതില്‍ പ്രധാന പങ്കുവഹിക്കുമെന്നുമാണ് യുഎസ് നാവികസേന മേധാവി മൈക്കിള്‍ ഗില്‍ഡേ വ്യക്തമാക്കുന്നത്. വാഷിങ്ടനിലെ ഹെറിറ്റേജ് ഫൗണ്ടേഷന്‍ സംഘടിപ്പിച്ച സെമിനാറില്‍ പങ്കെടുത്ത് സംസാരിക്കുകയായിരുന്നു അദ്ദേഹം. 'ദക്ഷിണ ചൈന കടലിടുക്കിലേക്കും തയ്‌വാനിലേക്കും മാത്രമല്ല ഇന്ത്യയിലേക്കും ഒരു കണ്ണെറിയേണ്ട സ്ഥിതിയിലാണ് ചൈന.

മറ്റേതൊരു രാജ്യത്തേക്കാളും ഇന്ത്യയിലേക്കു പോകാനാണ് ഞാന്‍ കൂടുതല്‍ സമയം ചെലവഴിക്കുന്നത്. കാരണം ഭാവിയില്‍ യുഎസിന്റെ തന്ത്രപ്രധാന പങ്കാളിയായി ഞാന്‍ കാണുന്നത് ഇന്ത്യയെയാണ്.'– അദ്ദേഹം പറഞ്ഞു. ഇന്ത്യന്‍ മഹാസമുദ്രത്തിലെ യുദ്ധസമാന മേഖല യുഎസിന് വളരെ പ്രധാനപ്പെട്ടതാണെന്നും അദ്ദേഹം പറഞ്ഞു. ഇന്ത്യയും ചൈനയും തമ്മില്‍ ഇപ്പോള്‍ അവിടെ അതിര്‍ത്തി സംബന്ധമായ പ്രശ്‌നം നടക്കുന്നുണ്ടെന്നും ഒക്ടോബറിലെ അഞ്ചു ദിവസത്തെ ഇന്ത്യ സന്ദര്‍ശനം ചൂണ്ടിക്കാട്ടി അദ്ദേഹം പറഞ്ഞു.

ഇന്ത്യയും ചൈനയും തമ്മിലുള്ള അതിര്‍ത്തി സംഘര്‍ഷം ചൈനയ്ക്ക് ഇരട്ടിപ്രഹരം നല്‍കുമെന്നാണ് യുഎസ് വിദഗ്ധരുടെ നിരീക്ഷണം. തയ്‌വാനിലെ പ്രാദേശിക യുദ്ധത്തില്‍ ഇന്ത്യയ്ക്ക് നേരിട്ട് സംഭാവനകള്‍ നല്‍കാനായില്ലെങ്കിലും ചൈനയുടെ ശ്രദ്ധ തങ്ങളുടെ അതിര്‍ത്തിയിലേക്കു തിരിക്കാന്‍ ഇന്ത്യയ്ക്ക് ആകുമെന്നാണ് മുന്‍ പെന്റഗണ്‍ ഉദ്യോഗസ്ഥനായ എല്‍ബ്രിഡ്ജ് കോലി ജപ്പാനില്‍ നടന്ന ക്വാഡ് യോഗത്തില്‍ ഒരു മാധ്യമത്തോടു പറഞ്ഞത്. ദക്ഷിണേഷ്യയിലെ കഴിയാവുന്നത്ര വന്‍ ശക്തിയായി ഇന്ത്യ മാറണമെന്നാണ് ജപ്പാനും യുഎസും ആഗ്രഹിക്കുന്നത്. എങ്കിലേ ചൈനയുടെ ശ്രദ്ധ ഇന്ത്യയിലേക്കു തിരിക്കാനാകൂ. അതുവഴി ചൈനയ്ക്ക് രണ്ടാമതൊരു പ്രധാന വെല്ലുവിളിയും അഭിമുഖീകരിക്കേണ്ടി വരുമെന്നും അദ്ദേഹം പറഞ്ഞിരുന്നു.