ചൈനയെ മുഖ്യ ശത്രുവായി പ്രഖ്യാപിച്ചതോടെ അതിര്‍ത്തിയിലെ അടിസ്ഥാന വികസനവും ആയുധ വിന്യാസവും ഇന്ത്യ കൂടുതല്‍ കാര്യക്ഷമാക്കുകയാണ്. ആയുധങ്ങളുടെ കാര്യത്തില്‍ സൈന്യത്തിന് സ്വതന്ത്രമായി തീരുമാമെടുക്കുന്നതിനും. മേയ്ക്ക് ഇന്‍ ഇന്ത്യ പദ്ധതി വഴി അടുയന്തര ആയുധങ്ങള്‍ വാങ്ങനുമുള്ള അധികാരം കേന്ദ്രം നല്‍കിയതും സൈന്യത്തിന് കാര്യങ്ങള്‍ എളുപ്പമാക്കുന്നു. മാത്രമല്ല ഈ നീക്കങ്ങള്‍ ഇന്ത്യയുടെ ആയുധബലം കൂടുതല്‍ കാര്യക്ഷമമാക്കാനും ഉപകരിക്കും.

ഇതിനേക്കാളൊക്കെ പ്രധാനപ്പെട്ട കാര്യമാണ് അതിര്‍ത്തിയിലെ അടിസ്ഥാന വികസനം. ഇതിന്റെ ഭാഗമായി ചൈനീസ് അതിര്‍ത്തിയിലെ സുരക്ഷാ സംവിധാനങ്ങളോടൊപ്പം ആക്രമണ സ്വഭാവമുള്ള ഡ്രോണുകളും ഇന്ത്യ വിന്യസിക്കാനൊരുങ്ങുന്നുണ്ട്. ശത്രുവിന്റെ നീക്കങ്ങളും അവരുടെ നിര്‍മിതികളും പ്രതിരോധ സംവിധാനങ്ങളുമൊക്കെ നേരത്തേ മനസ്സിലാക്കി അടിസ്ഥാന വികസനം കാര്യക്ഷമമാക്കാനാണ് ഇന്ത്യ ശ്രമിക്കുന്നത്. സുരക്ഷ, സമാധാന പരിപാലനം എന്നിവയ്ക്ക് പുറമേ അടിസ്ഥാന സൗകര്യ വികസനവും സൈന്യം നടപ്പിലാക്കുന്നത് ഇത്തരം കാര്യങ്ങള്‍ കൂടി വിലയിരുത്തിയ ശേഷമാകും.

നിയന്ത്രണരേഖയില്‍ അടിസ്ഥാന സൗകര്യങ്ങള്‍ വികസിപ്പിക്കുന്നത് വഴി വനമേഖലകളിലുമുള്ള ഒളിത്താവളങ്ങള്‍ കണ്ടെത്താന്‍ സഹായകമാകും. റോഡുകളുടെയും പാലങ്ങളുടെയും നിര്‍മ്മാണം എന്നിവയാകും ആദ്യഘട്ടത്തില്‍ നടത്തുക. സാറ്റ്‌ലൈറ്റ് വഴി വിവരങ്ങള്‍ അറിയാനുള്ള സംവിധാനവും സജ്ജമാക്കും സൈന്യം ഇതിനോടൊപ്പം സജ്ജമാക്കുന്നുണ്ട്.

നിയന്ത്രണ മേഖലയിലെ കാലാവസ്ഥ വെല്ലുവിളിയാണെന്നും മഴയ്ക്ക് ശേഷം പ്രദേശങ്ങള്‍ കൂടുതല്‍ വഴുവഴുപ്പുള്ളതായി മാറുമെന്നും സൈനികനായ ജിതേന്ദ്ര സിംഗ് പറഞ്ഞു. പ്രതികൂല സാഹചര്യങ്ങളിലും സൈന്യം പട്രോളിംഗ് നടത്തുന്നുണ്ട്. ചൈനയ്ക്ക് ഉചിതമായ മറുപടി നല്‍കാന്‍ ഇന്ത്യന്‍ സൈന്യം തയ്യാറാണെന്നും അദ്ദേഹം കൂട്ടിച്ചേര്‍ത്തു.കിഴക്കന്‍ ലഡാക്കില്‍ 2020 ഏപ്രിലില്‍ നടന്ന ഏറ്റുമുട്ടലിന്റെ പശ്ചാത്തലത്തിലാണ് കൂടുതല്‍ സുരക്ഷ ഉറപ്പാക്കുന്നതെന്ന് സൈന്യം പറഞ്ഞു.