ടെക്സാസിലെ മസ്‌കിന്റെ വീട്ടിലെ സന്ദർശനത്തെക്കുറിച്ചാണ് 'അമ്മ പറയുന്നത്. സ്‌പേസ് എക്സിന്റെ റോക്കറ്റ് സൈറ്റിന് സമീപത്തായിരുന്നു ഇത്, 'നിങ്ങൾക്ക് റോക്കറ്റ് സൈറ്റിന് സമീപം ഒരു ഫാൻസി വീട് ഉണ്ടാകില്ലെന്നാണ്.' ഗാരേജിൽ താമസിക്കുന്നതിനെ കുറിച്ച് മസ്‌കിന്റെ മാതാവിന്റെ വിശദീകരണം.

തന്റെ കോടീശ്വരനായ മകൻ ലോകത്തിലെ ഏറ്റവും ധനികനായ വ്യക്തിയാണെങ്കിലും, എലോണിന് സ്വത്തുക്കളിൽ "ഒട്ടും" താൽപ്പര്യമില്ലെന്ന് മേ വെളിപ്പെടുത്തി. വാസ്തവത്തിൽ, സ്‌പേസ് എക്‌സ് ആസ്ഥാനം സ്ഥിതി ചെയ്യുന്ന ടെക്‌സാസിലെ ടെക് മാഗ്നെറ്റിനെ സന്ദർശിക്കുമ്പോൾ അവൾക്ക് "ഗാരേജിൽ ഉറങ്ങണം" എന്ന് അവൾ പറഞ്ഞു.

"റോക്കറ്റ് സൈറ്റിന് സമീപം നിങ്ങൾക്ക് ഒരു ഫാൻസി ഹൗസ് ഉണ്ടാകില്ല," മായെ മാധ്യമങ്ങളോട് പറഞ്ഞു.ഈ വർഷം ആദ്യം, എലോൺ തന്നെ തനിക്ക് "സ്വന്തമായി ഒരു വീട് പോലുമില്ലെന്നും" "സുഹൃത്തുക്കളുടെ സ്ഥലങ്ങളിൽ" താമസിക്കുന്നതായും പ്രസ്താവിച്ചിരുന്നു. 2020-ൽ തന്റെ എല്ലാ സ്വത്തുക്കളും വിൽക്കാനുള്ള ഉദ്ദേശ്യം അദ്ദേഹം വെളിപ്പെടുത്തിയതിന് പിന്നാലെയാണിത്."ഞാൻ മിക്കവാറും എല്ലാ ഭൗതിക സ്വത്തുക്കളും വിൽക്കുകയാണ്. സ്വന്തമായി വീടില്ല," അദ്ദേഹം ട്വിറ്ററിൽ പറഞ്ഞു , "പണം ആവശ്യമില്ല, കൈവശം വയ്ക്കുന്നത് നിങ്ങളെ ഭാരപ്പെടുത്തുന്നു."അഭിമുഖത്തിൽ അമ്പത്തിയൊന്നുകാരനായ ലോക സമ്പന്നൻ എലോൺ മസ്‌കിനെ കുറിച്ച് കൂടുതൽ വിവരങ്ങൾ മാതാവ് വെളിപ്പെടുത്തി.

ചൊവ്വയിലേക്ക് പോകാൻ തനിക്ക് താൽപ്പര്യമില്ലെന്നും അവർ പറഞ്ഞു. ചൊവ്വ പര്യവേഷണം ഉൾപ്പടെയുള്ള കാര്യങ്ങൾക്കായി തന്റെ ജീവിതം സമർപ്പിച്ചിരിക്കുന്ന മസ്‌ക് അതിനായി തന്റെ ഭൗതിക ആസ്തികൾ മുഴുവൻ വിൽക്കുമെന്ന് അടുത്തിടെ പ്രഖ്യാപിച്ചിരുന്നു. തനിക്ക് സ്വന്തമായി വീടില്ലെന്ന 2020 മേയ് മാസത്തിലെ മസ്‌കിന്റെ ട്വീറ്റും ഏറെ വൈറലായിരുന്നു.257.3 ബില്യൺ ഡോളറിന്റെ ആസ്തിയുള്ള സ്‌പേസ് എക്സിന്റെ സ്ഥാപകനായ മസ്ക് വ്യത്യസ്തമായ ചിന്തകളാലും, പ്രവർത്തികളാലും വാർത്തകളിൽ ഇടം നേടാറുണ്ട്. എന്നാൽ തന്റെ മകൻ മൂന്ന് വയസുള്ളപ്പോൾ തന്നെ ബുദ്ധിമാനാണെന്ന് മനസിലാക്കിയതായി മാതാവ് അവകാശപ്പെടുന്നു. അതിനാൽ 'ജീനിയസ് ബോയ്' എന്ന പേര് അവന് ഞങ്ങൾ നൽകിയെന്നും അഭിമുഖത്തിൽ അവർ വ്യക്തമാക്കി.