ഖത്തറില്‍ സുഖജീവിതം നയിച്ച് ഹമാസ് തലവന്മാര്‍. ഇവരുടെ മക്കളെ വ്യാജപേരുകളില്‍ ഇന്റര്‍നാഷണല്‍ സ്‌കൂളുകളില്‍ വരെ ചേര്‍ത്ത് പഠിപ്പിക്കുന്നു. പക്ഷെ ഇങ്ങ് ഗാസയിലേക്ക് വന്നാല്‍ കൊല്ലാനും ചാകാനും കുറേ പടയാളികളും ചത്തൊടുങ്ങാന്‍ ഗാസയിലെ സാധാരണ ജനങ്ങളും. ഗാസ ഞങ്ങള്‍ ഭരിക്കുമെന്ന് ഇസ്രയേലിനേയും അമേരിക്കയേയും വെല്ലുവിളിച്ച് കൊണ്ട് ഹമാസ് തലവന്‍ രംഗത്ത് വന്നിരുന്നു. കാരം ഗാസ ഹമാസ് നേതാക്കള്‍ക്ക് തുറുപ്പ് ചീട്ടാണ് അത് കൈവിട്ട് പോയാല്‍ ഭീകരവാദം വളര്‍ത്താനും പലസ്തീന്റെ പേര് പറഞ്ഞ് ലോകരാജ്യങ്ങളില്‍ നിന്ന് പണംതട്ടാനും കഴിയില്ല. പലസ്തീന്റെ മോചനമാണ് ഹമാസ് ലക്ഷ്യമിടുന്നതെങ്കില്‍ എന്തിന് പലസ്തീനികളെ മുന്നിലിട്ട് കൊടുത്തുകൊണ്ട് രക്തരൂക്ഷിതമായ യുദ്ധം ഹമാസ് നടത്തണം. ഹമാസ് സ്ഥാപക നേതാക്കളിലൊരാളായ ഷേക് ഹസന്‍ യൂസഫിന്റെ മകന്‍ മൊസാബ് ഹസന്‍ യൂസഫ് പറഞ്ഞത് ഗാസയുടെ ശാപം ഹമാസ് ആണ്. അവരെ വേരോടെ അഴിക്കണമെന്ന്.

ഗാസയിലെ ജനം യുദ്ധക്കെടുതിയില്‍ വിറങ്ങലിക്കുന്നു സര്‍വ്വതും നഷ്ടപ്പെട്ട് ഉറ്റവരെ നഷ്ടപ്പെട്ട് സാധാരണ ജനം നിലവിളിക്കുമ്പോള്‍ ഖത്തറിലിരുന്ന് ഈ ജനതയെ വെച്ച് വിലപേശുകയാണ് ഹമാസ് തലവന്മാര്‍. ഗാസയില്‍ ഖത്തര്‍ പണിത ആശുപത്രിയ്ക്ക് താഴെ ഹമാസ് തുരങ്കമുണ്ടെന്ന് ഐഡിഎഫ് വ്യക്തമാക്കിയപ്പോള്‍ വെലല്ുവിളിച്ചുകൊണ്ടാണ് ഖത്തര്‍ ഭരണകൂടം രംഗത്ത് വന്നത്. എന്തിനാണ് ഖത്തറിന് ഇത്ര പൊള്ളുന്നത്. എന്തിനാണ് ഖത്തര്‍ ഹമാസ് തലവന്മാര്‍ക്ക് അഭയം നല്‍കുന്നത്. ഖത്തറില്‍ സുഖജീവിതമാണ് നേതാക്കളും കുടുംബവും നയിക്കുന്നത്. ഹമാസിന്റെ ഉന്നത നേതാക്കള്‍ കോടിക്കണക്കിന് ഡോളര്‍ ആസ്തിയുള്ളവരാണ്. ഹമാസ് പൊളിറ്റിക്കല്‍ ബ്യൂറോയുടെ ഡെപ്യൂട്ടി ചെയര്‍മാന്‍ അബു മര്‍സൂക്കിന്റെ ആസ്തി 3 ബില്യണ്‍ ഡോളറും, മുതിര്‍ന്ന നേതാക്കളായ ഖാലിദ് മഷാലിന്റെയും, ഇസ്മായില്‍ ഹനിയുടെയും ആസ്തി 4 ബില്യണ്‍ ഡോളറുമാണെന്നാണ്. ഇതെല്ലാം അവര്‍ ഗസ്സക്കാരുടെ മൃതദേഹങ്ങള്‍ വെച്ച് അന്താരാഷ്ട്ര മുസ്ലിം സമുഹത്തില്‍ നിന്ന് സംഭാവനകളിലുടെ ആര്‍ജിച്ചതാണ്. ഗസ്സക്കുവേണ്ടി കൊടുക്കുന്ന പണം പോകുന്നത്, നേതാക്കളുടെ പോക്കറ്റിലേക്കാണ്.

ലോകവ്യാപകമായി ഗസ്സയുടെ പേര് പറഞ്ഞ് പണപ്പിരിവ് നടത്തുന്നു. ഇതിലൂടെ അറബ് രാജ്യങ്ങളില്‍ നിന്നും വന്‍ നേട്ടം ുണ്ടാക്കുന്നു. കൂടാതെ ലോകരാജ്യങ്ങളെല്ലാം ഗസ്സയെ സഹായിക്കുന്നുണ്ട്. ഇതെല്ലാം ചെല്ലുന്നതോ ഹമാസ് നേതാക്കളുടെ പക്കലേക്ക്. തുരങ്കം വഴി ഗസ്സയിലേക്ക് നിത്യോപയോഗ സാധനങ്ങളും മരുന്നും മാത്രമല്ല ആയുധങ്ങളും മയക്കുമരുന്ന് കടത്തും വരെ നടക്കുന്നു. ഒരു കള്ളക്കടത്തുശൃംഖല പോലെ ഹമാസിന്റെ തുരങ്കവ്യാപാരം ശക്തി പ്രാപിച്ചു. ചരക്കുകള്‍ക്കുപുറമെ, ഇറാന്‍, സിറിയ എന്നിവിടങ്ങളില്‍ നിന്ന് റോക്കറ്റുകള്‍ ഉള്‍പ്പെടെയുള്ള ആയുധങ്ങളും തുരങ്കങ്ങള്‍ വഴിയെത്തി. ഈ കടത്തുന്ന സാധനങ്ങള്‍ക്ക് ചുമത്തിയ വന്‍ നികുതിയും ഹമാസിന് നല്ല വരുമാനമാണ്. ഭൂഗര്‍ഭ തുരങ്കങ്ങളുടെ ഖത്തര്‍ വഴി കൊണ്ടുവരുന്ന എല്ലാ കള്ളക്കടത്ത് സാധനങ്ങള്‍ക്കും 20 ശതമാനം നികുതിയാണ്. ചില സമയത്ത് നിരക്ക് അതിലും കൂട്ടും. ഇതുവഴി കോടികളാണ് ഹമാസിന് കിട്ടുന്നത്. ഈ നികുതി ഭാരവും കിടക്കുന്നത് ഗസ്സയിലെ സാധാരക്കാരായ ജനങ്ങളുടെ തലയിലാണ്.

ഗസ്സയില്‍ അടിസ്ഥാന വികസനം കൊണ്ടുവന്നില്ലെങ്കിലും ചാവേറുകളുടെ കുടുംബത്തിന് പെന്‍ഷന്‍ കൊടുത്ത്, ഭീകരവാദത്തെ എപ്പോഴും പ്രോത്സാഹിപ്പിച്ച് നിര്‍ത്താന്‍ ഹമാസ് ശ്രമിക്കുന്നുണ്ട്. ഹമാസില്‍ മൂന്ന് വര്‍ഷം വരെ സേവനമനുഷ്ഠിക്കുന്നവര്‍ക്ക് പ്രതിമാസം 400 ഡോളര്‍ മുതല്‍ പെന്‍ഷനുണ്ട്. 30 വയസ്സ് വരെ സേവനമനുഷ്ഠിക്കുന്നവര്‍ക്ക് പ്രതിമാസം 3,400 വരെ ഡോളര്‍ വരെയും. ചവേറായി പൊട്ടിത്തെറിച്ചവരുടെ കുടുംബത്തിനും വലിയ തുക പെന്‍ഷന്‍ കൊടുക്കുന്നൂണ്ട്. 60 ശതമാനം ഫലസ്തീനികള്‍ പ്രതിമാസം 60 ഡോളര്‍ എന്ന അന്താരാഷ്ട്ര ദാരിദ്ര്യരേഖയ്ക്ക് കീഴിലാണ് ജീവിക്കുന്നത് എന്നോര്‍ക്കണം. അതിനാല്‍ തന്നെ ചാവേറാവുന്നതുമൂലം വ്യക്തിക്ക് മതസ്വര്‍ഗം കിട്ടുമെന്ന ആശ്വാസത്തിന് ഒപ്പം, കുടുംബത്തിന് ജീവിക്കാനുള്ള വരുമാനവും കിട്ടും.

ഹമാസിന്റൈ തലവന്മാരെ തകര്‍ത്തിട്ട് കാര്യമില്ല. കാരണം ഒരു നേതാവ് പോയാല്‍ വേറൊരുത്തന്‍ വരും. ഇതിനെ വേരോടെ അഴിക്കുകയാണ് വേണ്ടത്. അതിന് ഇസ്രയേലും അമേരിക്കയും തങ്ങളാല്‍ കഴിയുന്നതെല്ലാം ചെയ്യുന്നുണ്ട്. പക്ഷേ വിജയിക്കുന്നില്ല. ഖത്തര്‍, ഇറാന്‍, തുര്‍ക്കി എന്നീ രാജ്യങ്ങളുടെ വന്‍ പിന്തുണ ഹമാസിനുണ്ട്. ഹമാസുമായി ബന്ധമുള്ള അത്തരം നിരവധി അക്കൗണ്ടുകള്‍ മൂന്ന് വര്‍ഷം മുമ്പ് പിടിച്ചെടുത്തിരുന്നു. ക്രിപ്‌റ്റോകറന്‍സി ഗ്രൂപ്പിന്റെ ഉപയോഗത്തെക്കുറിച്ച് യുഎസ് ജസ്റ്റിസ് ഡിപ്പാര്‍ട്ട്‌മെന്റ് നടത്തിയ അന്വേഷണത്തിലും ഹമാസിന്റെ പങ്ക് തെളിഞ്ഞിരുന്നു. ഇത് കഴിഞ്ഞ മാസം സിഎന്‍എന്‍ റിപ്പോര്‍ട്ട് ചെയ്തിട്ടുണ്ട്. ലോകം ഇന്ന് ഹമാസിനെ ഭീകരര്‍ എന്ന് വിളിക്കുമ്പോഴും അറബ് രാഷ്ട്രങ്ങള്‍ അവരെ പോരാളികളെന്നാണ് വിശേഷിപ്പിക്കുന്നത്. സ്ത്രീകളെ അതിക്രൂരമായ് ബലാസ്തഗം ചെയ്ത് കൊലപ്പെടുത്തി അവരുടെ ശരീരം നഗ്‌നമാക്കി റോഡിലൂടെ വലിച്ചിഴച്ച് കൊണ്ട് ഇസ്രയേലിനെ വെല്ലുവിളിക്കുന്ന ഹമാസ് എങ്ങനെ പോരാളികളാകും. ഗാസയ്ക്ക് വേണ്ടി അവിടുത്തെ സാധാരണ ജനതയ്ക്ക് വേണ്ടി എന്താണ് ഹമാസ് ചെയ്യുന്നത്. ഹമാസിന്റെ തലവന്മാരും അവരുടെ കുടുംബവും ഒരുപോറല്‍ പോലും ഏല്‍ക്കാതെ ഖത്തറില്‍ സേഫായിരിക്കുന്നു. അവിടിരുന്ന് കൊണ്ട് തലവന്മാര്‍ യുദ്ധത്തിന് ആഹ്വാനം ചെയ്യും. അമുകൂലികള്‍ ഇവിടെ ചാവേറുകളാകും. അതാണ് കാലാകാലങ്ങളായ് നടന്നുകൊണ്ടിരിക്കുന്നത്.