ഗാസയിലെ ആശുപത്രിയിൽ ഹമാസ് പ്രവർത്തിക്കുന്ന തുരങ്കം കണ്ടെത്തിയതായി അവകാശപ്പെട്ട്, ഇസ്രായേൽ സുരക്ഷാ സേന. ഗാസ മുനമ്പിലെ ഗ്രൗണ്ട് ഓപ്പറേഷനുകൾക്കിടയിൽ മെഡിക്കൽ സൗകര്യങ്ങൾ പ്രവർത്തന രഹിതമായതായി റിപ്പോർട്ടുകൾ സൂചിപ്പിക്കുന്നു. ഹമാസിന്റെ നാവിക പ്രവർത്തനങ്ങൾക്ക് നേതൃത്വം നൽകിയ ഹമാസ് പ്രവർത്തകന്റെ വീടിന് സമീപമാണ് ഈ തുരങ്കമെന്നും സൈനിക വക്താവ് പറഞ്ഞു. റാൻറിസി ആശുപത്രിയുടെ 183 മീറ്റർ അകലെയാണ് ഈ തുരങ്കമെന്ന് റിയർ അഡ്മിറൽ ഡാനിയൽ ഹഗാരി പറഞ്ഞു. ഡാനിയൽ ഹഗാരി ഹമാസിന്റെ ഭൂഗർഭ തീവ്രവാദ തുരങ്കങ്ങളിലൊന്നിലൂടെ നടന്ന്, ഗാസയിലെ റാന്റിസി ആശുപത്രിയിലൂടെ പുറത്ത് കടക്കുന്ന ദൃശ്യങ്ങളും പങ്കുവച്ചു.

ഈ തുരങ്കങ്ങൾക്കുള്ളിൽ, ഹമാസ് ഭീകരർ അവരുടെ ഇഷ്ടത്തിന് വിരുദ്ധമായി പ്രവർത്തിക്കുകയും, ഇസ്രായേലി ബന്ദികളെ പാർപ്പിക്കുകയും ചെയ്യുന്നതായി ഇസ്രായേൽ സുരക്ഷാ സേന എക്‌സിൽ പ്രസ്താവിച്ചു. ടണലുകളിൽ വൈദ്യുതി ലഭ്യമാക്കാൻ സോളാർ പാനലുകൾ ഉപയോഗിച്ചിരുന്നു. സ്‌ഫോടക വസ്തുക്കൾ പൊട്ടിത്തെറിച്ചലും സുരക്ഷാ കവചമായി ഭൂനിരപ്പിൽ നിന്ന് 20 മീറ്റർ താഴെയുള്ള ബുള്ളറ്റ് പ്രൂഫ്, വാതിലുകൾ കണ്ടെത്തിയതായും ഹഗാരി കൂട്ടിച്ചേർത്തു.

തുരങ്കം ആർക്കും കണ്ടെത്താനാകാത്ത വിധം മൂടിവെച്ചിരിക്കുകയാണെന്നും യുഎൻ കെട്ടിടത്തിനും സ്‌കൂളിനും സമീപമാണ് ആശുപത്രി സ്ഥിതി ചെയ്യുന്നതെന്നും ഇസ്രായേൽ സേന അറിയിച്ചു. സൈനിക വക്താവ് ആശുപത്രിയുടെ ബേസ്‌മെന്റിലേക്ക് പ്രവേശിച്ച് ഒരു മുറിയിൽ നിന്ന് ഹമാസിന്റെ "ഓപ്പറേഷണൽ ഗിയറുകൾ" കണ്ടെത്തിയതായി അവകാശപ്പെട്ടു, അതിൽ കലാഷ്‌നിക്കോവ് റൈഫിളുകൾ, റോക്കറ്റ് പ്രൊപ്പൽഡ് ഗ്രനേഡുകൾ (ആർ‌പി‌ജികൾ), സ്‌ഫോടനാത്മക ബോഡി വെസ്റ്റുകൾ, ഹാൻഡ് ഗ്രനേഡുകൾ എന്നിവ കണ്ടെത്തി.

ഹമാസ് തീവ്രവാദികൾ ഇസ്രായേലിൽ നിന്ന് ബന്ദികളെ കൊണ്ടുവന്ന് ഈ ബേസ്‌മെന്റിൽ പാർപ്പിച്ചിരുന്നുവെന്നും അദ്ദേഹം അവകാശപ്പെട്ടു. സ്ത്രീകളുടെ വസ്ത്രങ്ങൾ, കുട്ടികളുടെ ഡയപ്പറുകൾ, ഫീഡിംഗ് ബോട്ടിലുകൾ, ബേസ്‌മെന്റിലെ കസേരയിൽ കെട്ടിയ കയറുകൾ എന്നിവ ചൂണ്ടി ബന്ദികളെ പാർപ്പിച്ചിരുന്നതിന്റെ സൂചനകളാണ് ഇതെന്ന് പറയുന്നു. ടോയ്‌ലറ്റുകൾ, ഷവറുകൾ, ഒരു ചെറിയ അടുക്കള തുടങ്ങിയ അടിസ്ഥാന സൗകര്യങ്ങളും ഇവിടെ കണ്ടെത്തി.

ഒക്ടോബർ 7 ന് ഇസ്രായേലിൽ ഹമാസ് തീവ്രവാദികൾ ആക്രമണങ്ങൾ നടത്തിയതിന് ശേഷം, ഇസ്രായേൽ യുദ്ധം പ്രഖ്യാപിക്കുകയായിരുന്നു. 2007 മുതൽ ഗാസ ഭരിക്കുന്ന ഹമാസിനെ തുരത്താനും, 240 ഓളം ഇസ്രായേൽ ബന്ദികളെ മോചിപ്പിക്കുകയും ചെയ്യുക എന്ന ലക്ഷ്യത്തോടെയാണ് ഇസ്രായേൽ പ്രത്യാക്രമണം ആരംഭിക്കുകയും ചെയ്തത്.