വടക്കന്‍ ഗാസയില്‍ നില്‍ക്കാന്‍ പറ്റാതെ തെക്കോട്ട് വെച്ചുപിടിക്കുകയാണ് ഹമാസ്. ഐഡിഎഫ് പോരാട്ടം കടുപ്പിച്ചതോടെ നാലുപാടും ചിതറി ഓടേണ്ട ഗതികേടില്‍ ഹമാസ് എത്തിക്കഴിഞ്ഞു. ഇതോടെ ബന്ദികളെ മോചിപ്പിക്കൊ വെടിനിര്‍ത്താല്‍ പ്രഖ്യാപിക്കാന്‍ പറയൂ. ഖത്തറിന് മുന്നില്‍ ഹമാസിന്‍രെ രോദനം. വെടിനിര്‍ത്തല്‍ പ്രഖ്യാപിക്കുന്ന ഗ്യാപ്പില്‍ അടുത്ത ചതിയ്ക്ക് കോപ്പുകൂട്ടാനുള്ള പ്ലാനെന്ന് തിരിച്ചറിഞ്ഞ് ഹമാസ് വാഗ്ദാനം തള്ളി ഇസ്രയേല്‍. വെടിനിര്‍ത്തല്‍ ഹമാസിനു ഗുണകരമാകുമെന്നാണ് ഇസ്രയേല്‍ കരുതുന്നത്. അഞ്ചുദിവസം നിര്‍ത്തിവെച്ചാല്‍ ബന്ദികളില്‍ 70 സ്ത്രീകളെയും കുട്ടികളെയും വിട്ടയക്കാമെന്നാണ് ഹമാസിന്റെ സായുധസംഘമായ അല്‍ ഖസം ബ്രിഗേഡ്‌സ് ഖത്തറിനെ അറിയിച്ചത്.

ബന്ദികളാക്കപ്പെട്ട കുട്ടികളെ ഇരുരാജ്യങ്ങളും തമ്മില്‍ കൈമാറാനുള്ള തീരുമാനം ഇസ്രയേലും ഹമാസും പരി?ഗണിക്കുന്നതായും റിപ്പോര്‍ട്ടുകളുണ്ട്. ഇസ്രയേലില്‍ തടവിലാക്കപ്പെട്ട പലസ്തീനിയന്‍ കുട്ടികളെയും ഗാസയില്‍ തടവിലാക്കപ്പെട്ട ഇസ്രയേലി കുട്ടികളെയും തമ്മില്‍ കൈമാറാനായിരുന്നു നിര്‍ദേശം. ചര്‍ച്ചകള്‍ പുരോഗമിക്കുകയാണെന്നും അന്തിമതീരുമാനം ധാരണയായിട്ടില്ലെന്നും ഇസ്രയേല്‍ മാധ്യമങ്ങള്‍റിപ്പോര്‍ട്ട് ചെയ്തിരുന്നു. യു.എസിന്റെ ആവശ്യപ്രകാരം ഖത്തറിന്റെ മധ്യസ്ഥതയിലാണ് ബന്ദിമോചന ചര്‍ച്ചകള്‍ നടക്കുന്നത്. അഞ്ചുദിവസം ആക്രമണം പൂര്‍ണമായി നിര്‍ത്തിവെക്കണമെന്നും ഗാസയില്‍ എല്ലായിടത്തും അവശ്യവസ്തുക്കള്‍ എത്തിക്കാന്‍ അനുവദിക്കണമെന്നുമാണ് അല്‍ കസം ബ്രിഗേഡ്‌സിന്റെ ആവശ്യം. എന്നാല്‍ പിന്നീട് ഇത് ഹമാസിന്റെ ചതിയാണെന്ന് ഇസ്രയേല്‍ പറഞ്ഞു. കരാറില്‍ നിന്ന് ഇസ്രയേല്‍ ഒഴിഞ്ഞുമാറുകയാണെന്ന് ഹമാസ് ആരോപിച്ചു. 240 ഇസ്രയേല്‍കാരെയാണ് ഹമാസ് ഗാസയില്‍ ബന്ദികളാക്കിയിരിക്കുന്നത്.

വെടിനിര്‍ത്തല്‍ പ്രഖ്യാപിക്കുന്നതോടെ ഹമാസിന് വീണ്ടും തയ്യാറെടുപ്പിനുള്ള സമയം കിട്ടും. ഗാസയിലേക്ക് അവശ്യവസ്തുക്കള്‍ എത്തിക്കാനെന്ന പേരില്‍ ആയുധങ്ങള്‍ ഒഴുകും. ടണലുകള്‍ വീണ്ടും സജീവമാകും. കൂടാതെ ബ്ദികളെ മറ്റ് സ്ഥലങ്ങളിലേക്കും മാറ്റിയേക്കാം. ഹിസ്ബുള്ള ഇറാന്‍ സഖ്യങ്ങളുമായ് ചേര്‍ന് അടുത്ത ആക്രമണ രീതി പ്ലാന്‍ ചെയ്യാനുള്‍പ്പെടെയുള്ള സമയം കിട്ടും. ഇതിന് വേണ്ടിയാണ് അഞ്ച് ദീവസത്തെ സമയം ചോദിക്കുന്നത്. എന്നാല്‍ അതിന് തയ്യാറല്ലെന്ന് നെതന്യാഹുവിന്റെ മറുപടി. ഞങ്ങള്‍ ബന്ദികളെ മോചിപ്പിക്കാന്‍ എത്തിക്കഴിഞ്ഞു. ബന്ദികളെ ഒളിപ്പിച്ചിരിക്കുന്ന സ്ഥലവും കണ്ടെത്തിക്കഴിഞ്ഞുവെന്ന് ഐഡിഎഫ് പ്രഖ്യാപിച്ചത്.

ബന്ദികളെ ഒളിപ്പിച്ചിരുന്ന ഒരു ടണല്‍ ഐഡിഎഫ് കണ്ടെത്തിയിരുന്നു. ടണലുകളില്‍ വൈദ്യുതി ലഭ്യമാക്കാന്‍ സോളാര്‍ പാനലുകള്‍ ഉപയോഗിച്ചിരുന്നു. സ്‌ഫോടക വസ്തുക്കള്‍ പൊട്ടിത്തെറിച്ചലും സുരക്ഷാ കവചമായി ഭൂനിരപ്പില്‍ നിന്ന് 20 മീറ്റര്‍ താഴെയുള്ള ബുള്ളറ്റ് പ്രൂഫ്, വാതിലുകള്‍ കണ്ടെത്തിയതായും ഹഗാരി കൂട്ടിച്ചേര്‍ത്തു. തുരങ്കം ആര്‍ക്കും കണ്ടെത്താനാകാത്ത വിധം മൂടിവെച്ചിരിക്കുകയാണെന്നും യുഎന്‍ കെട്ടിടത്തിനും സ്‌കൂളിനും സമീപമാണ് ആശുപത്രി സ്ഥിതി ചെയ്യുന്നതെന്നും ഇസ്രായേല്‍ സേന അറിയിച്ചു. സൈനിക വക്താവ് ആശുപത്രിയുടെ ബേസ്‌മെന്റിലേക്ക് പ്രവേശിച്ച് ഒരു മുറിയില്‍ നിന്ന് ഹമാസിന്റെ 'ഓപ്പറേഷണല്‍ ഗിയറുകള്‍' കണ്ടെത്തിയതായി അവകാശപ്പെട്ടു, അതില്‍ കലാഷ്‌നിക്കോവ് റൈഫിളുകള്‍, റോക്കറ്റ് പ്രൊപ്പല്‍ഡ് ഗ്രനേഡുകള്‍, സ്‌ഫോടനാത്മക ബോഡി വെസ്റ്റുകള്‍, ഹാന്‍ഡ് ഗ്രനേഡുകള്‍ എന്നിവ കണ്ടെത്തി. ഹമാസ് തീവ്രവാദികള്‍ ഇസ്രായേലില്‍ നിന്ന് ബന്ദികളെ കൊണ്ടുവന്ന് ഈ ബേസ്‌മെന്റില്‍ പാര്‍പ്പിച്ചിരുന്നുവെന്നും അദ്ദേഹം അവകാശപ്പെട്ടു. സ്ത്രീകളുടെ വസ്ത്രങ്ങള്‍, കുട്ടികളുടെ ഡയപ്പറുകള്‍, ഫീഡിംഗ് ബോട്ടിലുകള്‍, ബേസ്‌മെന്റിലെ കസേരയില്‍ കെട്ടിയ കയറുകള്‍ എന്നിവ ചൂണ്ടി ബന്ദികളെ പാര്‍പ്പിച്ചിരുന്നതിന്റെ സൂചനകളാണ് ഇതെന്ന് പറയുന്നു. ടോയ്‌ലറ്റുകള്‍, ഷവറുകള്‍, ഒരു ചെറിയ അടുക്കള തുടങ്ങിയ അടിസ്ഥാന സൗകര്യങ്ങളും ഇവിടെ കണ്ടെത്തി.