ഒക്ടോബർ ഏഴിന് ഹമാസ് അഴിച്ച് വിട്ട, ആക്രമത്തിന് പിന്നാലെ ഇസ്രയേലിലും, ഗാസയിലുമായി നിരവധിപേർ ബന്ദികളാക്കപ്പെട്ടിരുന്നു. വെടി നിർത്തൽ കരാറിന്റെ ഭാഗമായി ഒരു വിഭാഗം ബന്ദികളുടെ മോചനം സാധ്യമായിരിക്കുകയാണ്. ഇപ്പോഴിതാ ഗാസയിലെ തടവറയിൽ കഴിഞ്ഞ ദിവസങ്ങളെക്കുറിച്ച് ബന്ദികളിൽ ചിലർ നടത്തിയ വെളിപ്പെടുത്തലുകളാണ് പുറത്ത് വരുന്നത്. കിടക്കകളായി, പ്ലാസ്റ്റിക് കസേരകളാണ് ഉപയോഗിച്ചിരുന്നത്. റൊട്ടിയും ചോറും അടങ്ങിയ ഭക്ഷണമാണ് ബന്ധികൾക്ക് നൽകിയത്. പ്രാഥമിക കൃത്യങ്ങൾക്കായി മണിക്കൂറുകളോളം കാത്തിരിക്കേണ്ടി വരുമെന്നും, ഏഴാഴ്ചത്തെ തടവിന് ശേഷം പുറത്ത് വന്ന ബന്ദികൾ പറയുന്നു.

1,200 പേരുടെ മരണത്തിനിടയാക്കിയ ഇസ്രായേൽ അതിർത്തി കടന്നുള്ള രക്തരൂക്ഷിതമായ ആക്രമണത്തിനിടെ ഹമാസ് തീവ്രവാദികൾ അവരെ ഗാസയിലേക്ക് വലിച്ചിഴച്ച് ഏകദേശം രണ്ട് മാസത്തിന് ശേഷം, മോചിപ്പിച്ചപ്പോൾ ബന്ദികളുടെ ആരോഗ്യനില തൃപ്തികരമാണെന്നാണ് ഇസ്രായേൽ ആശുപത്രികളിൽ നിന്ന് പുറത്ത് വരുന്ന റിപ്പോർട്ട്. അവരുടെ അടിമത്തത്തിന്റെ അവസ്ഥയെക്കുറിച്ചുള്ള വിവരങ്ങൾ പുറത്ത് വരുന്നതിൽ കർശന നിയന്ത്രണം ഏർപ്പെടുത്തിയിട്ടുണ്ട്. എങ്കിലും മോചിപ്പിച്ച ബന്ദികളുടെ കുടുംബാംഗങ്ങൾ അവരുടെ പ്രിയപ്പെട്ടവരുടെ അനുഭവങ്ങളെക്കുറിച്ചുള്ള വിശദാംശങ്ങൾ പങ്കിട്ടതിൽ നിന്നാണ് തടവറയിലെ വിവരങ്ങളും പുറത്ത് വരുന്നത്.

ഒരു റിസപ്ഷൻ ഏരിയ പോലെ തോന്നിക്കുന്ന ഒരു മുറിയിൽ ഒരുമിച്ച് കസേരകൾ ഇട്ടാണ് ബന്ദികൾ ഉറങ്ങിയത്. ഒരു ചിലന്തിവല പോലെ" ഗാസയുടെ കീഴിൽ നീണ്ടുകിടക്കുന്ന തുരങ്കങ്ങളിലാണ് പാർപ്പിച്ചത്. ബന്ദികളാക്കിയവർ "ഖുർആനിൽ വിശ്വസിക്കുന്ന ആളുകളാണെന്നും തങ്ങളെ ഉപദ്രവിക്കില്ലെന്നും പറഞ്ഞതായി മോചിപ്പിക്കപ്പെട്ട ഒരു ബന്ദി പറയുന്നു.

ബന്ദികളാക്കിയവർക്ക് മരുന്നുകൾ ഉൾപ്പെടെയുള്ള വൈദ്യസഹായം ലഭിച്ചിരുന്നു. കാവൽക്കാർ തങ്ങളെ പാർപ്പിച്ച ഇടം വൃത്തിയായി സൂക്ഷിച്ചിരുന്നു. ബന്ദികൾക്ക് ഒരു ദിവസം ചീസ്, കുക്കുമ്പർ, പിറ്റ എന്നിവ നൽകിയിരുന്നു, ഹമാസ് സംഘവും ഇത് തന്നെയാണ് കഴിച്ചതെന്ന് ബന്ദികൾ പറയുന്നു.

ആഴ്ചകളോളം ഇരുട്ടിലായിരുന്നതിനാൽ പലർക്കും സൂര്യപ്രകാശമേറ്റപ്പോൾ ബുദ്ധിമുട്ട് അനുഭവപ്പെട്ടതായി പറഞ്ഞു. ബന്ദിയാക്കപ്പെട്ടവരുടെ മാനസിക ആഘാതത്തെക്കുറിച്ച് ഡോക്ടർമാർ മുന്നറിയിപ്പ് നൽകിയിട്ടുണ്ട്. മോചിതരായവർക്ക് കൗൺസിലിംഗും മറ്റ് പിന്തുണയും ഇസ്രായേൽ ലഭ്യമാക്കിയിട്ടുണ്ട്.

എന്നാൽ മോചിപ്പിക്കപ്പെട്ട ഭൂരിഭാഗം ബന്ദികളും നല്ല ശാരീരികാവസ്ഥയിലാണെന്നും സാധാരണഗതിയിൽ നടക്കാനും സംസാരിക്കാനും പ്രാപ്തരാണെന്നും ഡോക്ടർമാർ സാക്ഷ്യപ്പെടുത്തുന്നു.