പാകിസ്ഥാൻ തെഹ്‌രീകെ ഇൻസാഫ് (പിടിഐ) മുൻ പാർലമെൻ്ററി അഫയേഴ്‌സ് (എംപിഎ) അംഗം ചൗധരി മുഹമ്മദ് അദ്‌നാനെ റാവൽപിണ്ടിയിൽ അജ്ഞാതരായ അക്രമികൾ വെടിവച്ചുകൊന്നതായി റിപ്പോർട്ട്.സിറ്റി പോലീസ് ഓഫീസറുടെ (സിപിഒ) ഓഫീസിന് മുന്നിലുള്ള സിവിൽ ലൈൻസ് ഏരിയയിലാണ് സംഭവം നടന്നതെന്ന് റാവൽപിണ്ടി പോലീസിൽ നിന്നുള്ള വക്താവിൻ്റെ പ്രസ്താവനയിൽ പറയുന്നു.

പിപി-19, എൻഎ-57 മണ്ഡലങ്ങളിൽ നിന്ന് മുഹമ്മദ് അദ്‌നാൻ സ്വതന്ത്ര സ്ഥാനാർത്ഥിയായി ഇക്കുറി തിരഞ്ഞെടുപ്പിൽ മത്സരിച്ചിരുന്നു. റാവൽപിണ്ടി സിറ്റി പോലീസ് ഓഫീസർ പറഞ്ഞു. കൊലപാതകം നടന്ന സ്ഥലത്തെത്തി കൂടുതൽ തെളിവുകൾ ശേഖരിച്ചതായും പോലീസ് വ്യക്തമാക്കി. പ്രാഥമികാന്വേഷണത്തിൽ കൊലപാതകം വ്യക്തി വൈരാ​ഗ്യമാണെന്നാണ് പോലീസ് റിപ്പോർട്ട്.

സംഭവത്തിൽ ഉൾപ്പെട്ട പ്രതികളെ ഉടൻ അറസ്റ്റ് ചെയ്യാൻ റാവൽപിണ്ടി സിപിഒ സയ്യിദ് ഖാലിദ് ഹമദാനി പൊട്ടോഹാർ എസ്പിക്ക് നിർദ്ദേശം നൽകിയതായി പോലീസ് വക്താവ് പറഞ്ഞു. കൂടാതെ, മൊഴിയനുസരിച്ച്, സംഭവത്തെക്കുറിച്ച് അറിയിച്ചതിനെത്തുടർന്ന് മുതിർന്ന പോലീസ് ഉദ്യോഗസ്ഥർ ക്രൈം സ്ഥലത്തെത്തി, തെളിവുകളും ശേഖരിക്കുകയാണെന്നും പ്രതികളെ പിടികൂടാൻ ടീമുകൾ രൂപീകരിച്ചിട്ടുണ്ടെന്നും കൂട്ടിച്ചേർത്തു.

പഞ്ചാബ് അസംബ്ലിയുടെ ഔദ്യോഗിക പോർട്ടൽ അനുസരിച്ച്, ചൗധരി മുഹമ്മദ് ജാൻ്റെ മകനാണ് അദ്‌നാൻ, 1976 ഫെബ്രുവരി 15 ന് റാവൽപിണ്ടിയിലാണ് ജനിച്ചതെന്ന് റിപ്പോർട്ട്. പഞ്ചാബ് യൂണിവേഴ്‌സിറ്റിയിൽ നിന്ന് ബിരുദം നേടിയ അദ്ദേഹം 2018-ൽ എംപിഎ ആയി തിരഞ്ഞെടുക്കപ്പെട്ടു. സാമൂഹ്യക്ഷേമത്തിൻ്റെ പാർലമെൻ്ററി സെക്രട്ടറിയായി അദ്ദേഹം രാജ്യത്തെ സേവിച്ചു. 2018-2020 സോഷ്യൽ വെൽഫയർ ൻ്റെ പാർലമെൻ്ററി സെക്രട്ടറിയായും അദ്‌നാൻ സേവനമനുഷ്ഠിച്ചിട്ടുണ്ട്.

കഴിഞ്ഞ ആഴ്ച്ച  നടന്ന വോട്ടെണ്ണലിൽ കൃത്രിമം കാണിച്ചുവെന്ന് ആരോപിച്ച് ന‌ടന്ന പ്രതിഷേധത്തിലും പോലീസ് വെടിവെപ്പിലും രണ്ട് പിടിഐ പ്രവർത്തകർ കൊല്ലപ്പെട്ടിരുന്നു. 12 പേർക്ക് ​ഗുരുതരമായി പരിക്കേറ്റിരുന്നു.