ഹിസ്ബുള്ളയ്ക്കും ഹമാസീനും വേണ്ടി ഇസ്രയേലിന്റെ കാലുപിടിച്ച് അറബ് രാജ്യങ്ങള്;അടിയന്തര വെടിനിര്ത്തല് അനുവാര്യമാണെന്ന് യു എ ഇ,ഹമാസുമായി ബന്ദികളെ മോചിപ്പിക്കുന്ന കരാര് ചര്ച്ച ചെയ്യാന് ഒരു സംഘത്തെ അയക്കാന് ഇസ്രായേല്,ഹമാസ് ഗാസ ഭരിക്കുന്നസാഹചര്യത്തെ നെതന്യാഹു അംഗീകരിക്കില്ല,ഹിസ്ബുള്ളയുടെ ആട്ടം അവസാനിപ്പിക്കാന് ഐ ഡി എഫ്
ഗാസയ്ക്ക് മേല് ഇസ്രയേല് നടത്തുന്ന അധിനിവേശം ഒന്പത് മാസം പിന്നിടുമ്പോഴും സൈനിക നടപടിയില് നിന്ന് പിന്നോട്ടില്ലെന്നാണ് പ്രധാനമന്ത്രി ബെഞ്ചമിന് നെതന്യാഹുവിന്റെ നടപടി. ഗാസയില് വഷളായിക്കൊണ്ടിരിക്കുന്ന മാനുഷിക പ്രതിസന്ധി പരിഹരിക്കുന്നതിന് അടിയന്തര വെടിനിര്ത്തല് അനുവാര്യമാണെന്ന് യുഎഇ വിദേശകാര്യമന്ത്രി ഷെയ്ഖ് അബ്ദുല്ല ബിന് സായിദ് അല് നഹ്യാന് പറഞ്ഞു. ദുരിതബാധിതര്ക്ക് സഹായം എത്തിക്കുന്നതിന് സംയുക്ത അടിയന്തര ശ്രമങ്ങള് വേണമെന്നും ആവശ്യപ്പെട്ടു. യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കനുമായി ഫോണില് നടത്തിയ ചര്ച്ചയിലാണ് യുഎഇ ഈ ആവശ്യം മുന്നോട്ടുവച്ചത്. മേഖലയിലെ പിരിമുറുക്കം കുറച്ച് സമാധാന അന്തരീക്ഷം വീണ്ടെടുക്കുക, തീവ്രവാദം ചെറുക്കുക, അക്രമങ്ങള് തടയുക എന്നിവയുടെ പ്രാധാന്യവും ഷെയ്ഖ് അബ്ദുല്ല ചൂണ്ടിക്കാട്ടി.
ഹമാസുമായി ബന്ദികളെ മോചിപ്പിക്കുന്ന കരാര് ചര്ച്ച ചെയ്യാന് ഒരു സംഘത്തെ അയക്കാന് ഇസ്രായേല് പ്രധാനമന്ത്രി ബെഞ്ചമിന് നെതന്യാഹു തീരുമാനിച്ചു.എന്നാല് ബന്ദികളുടെ മോചനം സാധ്യമായതിനു ശേഷം മാത്രമേ വെടിനിര്ത്തല് ചര്ച്ചകള്ക്ക് തുടക്കമാകൂ എന്നും നെതന്യാഹു അറിയിച്ചു . യുദ്ധം അവസാനിപ്പിക്കണമെന്നും ഗാസയില് നിന്ന് ഇസ്രായേല് സൈന്യത്തെ പൂര്ണമായി പിന്വലിക്കണമെന്നും ആണ് ഹമാസ് ഇതുവരെ ആവശ്യപ്പെട്ടിരുന്നത് . എന്നാല് ഇപ്പോള് ഹമാസിന്റെ നിലപാടില് മാറ്റമുണ്ടായിട്ടുണ്ട് എന്നാണു യുഎസ് ഉദ്യോഗസ്ഥന് പറഞ്ഞത് . എന്നാല് ഇതിനര്ത്ഥം ഹമാസ് ഇസ്രായേല് പ്രശ്നത്തിന് ശാശ്വത പരിഹാരം ആയി എന്നല്ല എന്നും അദ്ദേഹം വ്യക്തമാക്കി . ഹമാസിനെ ഉന്മൂലനം ചെയ്യുന്നതുവരെ പോരാട്ടത്തില് താത്കാലിക വിരാമങ്ങള് മാത്രമേ സ്വീകരിക്കുകയുള്ളൂവെന്ന് ഇസ്രായേലും അറിയിച്ചു .
നാല് പതിറ്റാണ്ടിനിടയില് ഇസ്രായേല് നടത്തിയ ഏറ്റവും തീവ്രമായ സൈനിക നടപടികളാണ് ഇപ്പോള് ഗാസയില് നടന്നുകൊണ്ടിരിക്കുന്നത്. ഒക്ടോബറിന് ശേഷം 300ലധികം ഇസ്രയേല് സൈനികര് ഗാസയില് കൊല്ലപ്പെട്ടു. 4,000ലധികം സൈനികര്ക്ക് പരിക്കേറ്റിട്ടുമുണ്ട് . ഇത്രയും കാലം നീണ്ട ഒരു സൈനിക നീക്കത്തിന് സേന സജ്ജരായിരുന്നില്ലെന്നും ഹമാസുമായി ഉടമ്പടിയില് എത്തിയാല് അത് ഹിസ്ബുള്ളയുമായുള്ള സംഘര്ഷങ്ങളും അയവുവരുത്തുന്നതിന് എളുപ്പമാക്കുമെന്നും ഇസ്രയേല് സൈനിക മേധാവികള് തന്നെ ചൂണ്ടിക്കാട്ടുന്നുമുണ്ട് .
'ഗറില്ലാ യുദ്ധ തന്ത്രങ്ങള്' ഉപയോഗിച്ച് ഇസ്രായേലിലേയ്ക്ക് കൂടുതല് ആക്രമണം നടത്തുന്നതിന് ഹിസ്ബുള്ളയ്ക്ക് സാധിക്കും എന്ന ഒരു സാധ്യതയും ഇസ്രായേല് സൈനികര് പറയുന്നുണ്ട് . ഇതിനൊപ്പം ഇറാന് പിന്തുണയുള്ള സായുധ ഗ്രൂപ്പുകളുടെ പങ്കാളിത്തം കൂടി ഉണ്ടാകാനുള്ള സാധ്യതയും തള്ളിക്കളയാനാകാത്ത സാഹചര്യമാണ് നിലവില് ഉള്ളത്. ഹമാസിനെ ഉന്മൂലനം ചെയ്യുക, എല്ലാ ബന്ദികളെയും മോചിപ്പിക്കുക എന്നിവയുള്പ്പെടെ അതിന്റെ എല്ലാ ലക്ഷ്യങ്ങളും നേടിയതിനുശേഷം മാത്രമേ സൈനിക നടപടികള് അവസാനിപ്പിക്കൂ എന്നാണ് നെതന്യാഹുവിന്റെ പക്ഷം. ഹമാസിനെ ഗാസയില് അധികാരത്തില് തുടരാന് അനുവദിക്കുന്ന സാഹചര്യത്തെ നെതന്യാഹു ഒരു തരത്തിലും പിന്തുണക്കില്ല.
https://www.facebook.com/Malayalivartha
