ഹോര്മുസ് കടലിടുക്ക് ഇറാന് വീണ്ടും അടച്ചു
സമാധാനക്കരാര് ഒപ്പുവച്ചതിന് പിന്നാലെ തുറന്ന ഹോര്മുസ് കടലിടുക്ക് ഇറാന് വീണ്ടും അടച്ചു. ലെബനനില് ഇസ്രയേല് നടത്തിയ ആക്രമണത്തില് ലെബനനില് 20ലേറെ പേര് കൊല്ലപ്പെട്ടിരുന്നു. അമേരിക്കയുമായി ഇറാന് ഒപ്പുവച്ച സമാധാനക്കരാറിനും വെടിനിറുത്തല് ലംഘനം ഭീഷണിയായി. കരാര് പ്രകാരം 60 ദിവസത്തേക്ക് ഹോര്മുസ് വഴി കടന്നുപോകുന്ന കപ്പലുകള്ക്ക് ഫീസ് ഒഴിവാക്കാന് ഇറാന് സമ്മതിച്ചിരുന്നു.
അതേസമയം കരാര് നിലനില്ക്കുമെന്നാണ് വിശ്വാസമെന്ന് യു.എസ് വൈസ് പ്രസിഡന്റ് ജെ.ഡി. വാന്സ് വ്യക്തമാക്കി. ഇറാന് ഹോര്മുസ് അടച്ചതിന് തെളിവുകളില്ലെന്നും അദ്ദേഹം പറഞ്ഞു. കരാ!ര് പ്രകാരമുള്ള ധാരണകള് ഇറാന് പാലിിച്ചുവെന്ന് ഇറാന് വിദേശകാര്യ വക്താവ് നേരത്തെ പ്രതികരിച്ചിരുന്നു. കരാര് സംബന്ധിച്ച കൂടുതല് ചര്ച്ചകള്ക്ക് ഇറാന് പ്രതിനിധി സംഘം സ്വിറ്റ്സര്ലന്ഡിലേക്ക് പോകുമെന്നും വാര്ത്താ ഏജന്സികള് റിപ്പോര്ട്ട് ചെയ്തു. ലെബനനിലെ ആക്രമണം തടയാന് ഇസ്രയേലിനോട് സമ്മര്ദ്ദം ചെലുത്താന് യു.എസ് ബാദ്ധ്യസ്ഥരാണെന്നും ഇറാന് വിദേശകാര്യ മന്ത്രാലയം വ്യക്തമാക്കി.
ലെബനന്റെ ഔദ്യോഗിക വാര്ത്താ ഏജന്സിയായ എന്.എന്.ഐയുടെ റിപ്പോര്ട്ട് പ്രകാരം വെടിനിറുത്തല് പ്രാബല്യത്തില് വന്ന് മണിക്കൂറുകള്ക്കകം ലെബനനിലെ നബാദിയ മേഖലയില് ഇസ്രയേല് യുദ്ധവിമാനങ്ങളും ഡ്രോണുകളും തുടര്ച്ചയായി ആക്രമണം നടത്തുകയായിരുന്നു. ആക്രമണത്തില് കെട്ടിടങ്ങളും വിടുകളും ഉള്പ്പെടെ തകര്ന്നതായി റിപ്പോര്ട്ടുണ്ട്.
https://www.facebook.com/Malayalivartha
