മലേഷ്യയിലെ ഉള്‍നാടന്‍ ഗ്രാമമായ പാഹാങ്ങില്‍ രണ്ട് ആടിനെ വിഴുങ്ങിയ ശേഷം ഒന്നനങ്ങാന്‍ പോലുമാകാതെ കിടക്കുന്ന ഏകദേശം 16 അടിയോളം നീളമുള്ള ഭീമന്‍ പെരുമ്പാമ്പിനെ കണ്ടെത്തിയത്. ഗ്രാമവാസികള്‍ പാമ്പിനെ പിടികൂടുന്ന ദൃശ്യങ്ങളിപ്പോള്‍ സമൂഹമാധ്യമങ്ങളില്‍ ചര്‍ച്ചയായിരിക്കുകയാണ്.
സമീപത്തുള്ള ഫാമിലെ രണ്ട് ആടുകളെയാണ് പാമ്പ് വിഴുങ്ങിയത്. വയറിനു നടുവിലായി മുഴച്ചിരിക്കുന്നത് ഇനിയും ദഹിച്ചിട്ടില്ലാത്ത ഇരകളാണെന്ന് വ്യക്തമാണ്. ഇത്രയും ഭീമാകാരനായ പെരുമ്പാമ്പിനെ ഇതുവരെ കണ്ടിട്ടില്ലെന്ന് ഗ്രാമവാസികള്‍ പറഞ്ഞു. ആദ്യം പാമ്പിനെ കൊല്ലാനൊരുങ്ങിയെങ്കിലും പിന്നീട് ശ്രമം ഉപേക്ഷിച്ചിക്കുകയായിരുന്നു.
പാമ്പിന്റെ വാ മൂടിക്കെട്ടിയതിനു ശേഷം നാലുപേര്‍ ചേര്‍ന്ന് പാമ്പിനെ ട്രക്കില്‍ കയറ്റി ഗ്രാമത്തില്‍ നിന്നും അകലെയുള്ള കാട്ടിലെത്തിച്ചതോടെ സംഭവം ശുഭമായി അവസാനിച്ചു.