2015ല്‍ ഇറാനുമായി ഏര്‍പ്പെട്ട ആണവകരാറില്‍ നിന്ന് പിന്മാറുമെന്ന് യു.എസ് പ്രസിഡന്റ് ഡോണള്‍ഡ് ട്രംപ്. കരാറുകളില്‍ വച്ച് ഏറ്റവും മോശമായ കരാറാണിത്. തീവ്രവാദത്തെ പ്രോല്‍സാഹിപ്പിക്കുന്ന രാജ്യമാണ് ഇറാനെന്നും ട്രംപ് പറഞ്ഞു.

2015 ഒക്‌ടോബറിലാണ് ഇറാനും വന്‍ശക്തികളും തമ്മിലുള്ള ഉടമ്പടി ഒപ്പുവെച്ചത്. ഇറാന്‍ ആണവപദ്ധതികള്‍ കുറക്കുന്നതിനുപകരമായി യു.എസ് ഉപരോധം എടുത്തുമാറ്റുമെന്നായിരുന്നു വ്യവസ്ഥ. യു.എസിനെ കൂടാതെ യൂറോപ്യന്‍ യൂനിയനും ബ്രിട്ടന്‍, ഫ്രാന്‍സ്, ജര്‍മനി, റഷ്യ, ചൈന എന്നീ രാജ്യങ്ങളും കരാറില്‍ ഭാഗമാക്കാനാണ്.

ഇറാന്‍ യുറേനിയം സമ്പുഷ്ടീകരണം ഒഴിവാക്കണമെന്നും കരാറില്‍ വ്യവസ്ഥയുണ്ട്. കരാര്‍ നടപ്പായതോടെ ഇറാനെതിരെ ചുമത്തിയിരുന്ന യു.എന്‍, യൂറോപ്യന്‍ യൂനിയന്‍ ഉപരോധങ്ങളും എടുത്തുമാറ്റി. ഇറാനുമായി വ്യാപാരബന്ധം തുടര്‍ന്ന ഇതരവ്യക്തികള്‍ക്കും സ്ഥാപനങ്ങള്‍ക്കും ഏര്‍പ്പെടുത്തിയിരുന്ന ഉപരോധവും യു.എസ് നീക്കിയിരുന്നു.