ഹിമാചലില് 100 കോടി രൂപയുടെ പാലം തകര്ന്നുവീണു, ആറ് പേര്ക്ക് പരിക്കേറ്റു
ഹിമാചലിനെ പഞ്ചാബുമായി ബന്ധിപ്പിക്കുന്ന, 100 കോടി രൂപയുടെ പാലം തകര്ന്നുവീണു. ഹിമാചല്പ്രദേശിലെ ചമ്പ പട്ടണത്തെ പഞ്ചാബിലെ പഠാന്കോട്ടുമായി ബന്ധിപ്പിക്കുന്ന പാലമാണ് നിര്മാണത്തിലെ ക്രമക്കേടുമൂലം തകര്ന്നത്. ആറുപേര്ക്കു പരുക്കേറ്റു. 15 വര്ഷം മുന്പു ദേശീയ കാര്ഷിക വികസന ബാങ്കിന്റെ (നബാര്ഡ്) സഹായത്തോടെ നിര്മിച്ച പാലമാണിത്.
2005ല് മുഖ്യമന്ത്രി വീരഭദ്ര സിങ്ങാണ് ഉദ്ഘാടനം ചെയ്തത്. പാലം തകരുമ്പോള് ഒരു മോട്ടോര് സൈക്കിളും കാറും മിനി ട്രക്കും പാലത്തിലുണ്ടായിരുന്നു. മോട്ടര് സൈക്കിള് നദിയില് വീണു. പരുക്കേറ്റവരെ സമീപത്തെ ആശുപത്രിയില് പ്രവേശിപ്പിച്ചു. സ്ഥലം സന്ദര്ശിച്ച ജില്ലാ കലക്ടര് അന്വേഷണത്തിന് ഉത്തരവിട്ടു.
നിര്മാണ സാമഗ്രികളുടെ നിലവാരക്കുറവോ രൂപരേഖയിലെ അപാകതയോ തകര്ച്ചയ്ക്കു കാരണമാകാമെന്നു കലക്ടര് പറഞ്ഞു. രൂപരേഖയെക്കുറിച്ചു നിര്മാണവേളയില് തന്നെ വിമര്ശനം ഉയര്ന്നിരുന്നു.
https://www.facebook.com/Malayalivartha
