പാകിസ്ഥാന്റെ മണ്ണില്‍ പ്രവര്‍ത്തിക്കുന്ന ഭീകരസംഘടനകള്‍ക്കെതിരെ നടപടിയെടുക്കണമെന്ന് അമേരിക്കയും ഇന്ത്യയും
പാകിസ്ഥാന്റെ മണ്ണില്‍ പ്രവര്‍ത്തിക്കുന്ന ഭീകരസംഘടനകള്‍ക്കെതിരെ നടപടിയെടുക്കണമെന്ന് അമേരിക്കയും ഇന്ത്യയും മുന്നറിയിപ്പ് നല്‍കി. മേഖലയില്‍ ഭീകരവാദം വച്ചുപൊറുപ്പിക്കാന്‍ സമ്മതിക്കില്ലെന്ന് അമേരിക്കന്‍ സ്‌റ്റേറ്റ് സെക്രട്ടറി റെക്‌സ് ടില്ലേഴ്‌സണും വിദേശകാര്യ മന്ത്രി സുഷമാ സ്വരാജും സംയുക്ത പ്രസ്താവനയില്‍ പറഞ്ഞു. ഭീകരര്‍ക്കെതിരെ പോരാടുന്നതില്‍ ഇന്ത്യയ്‌ക്കൊപ്പം നിലകൊള്ളുമെന്ന് ടില്ലേഴ്‌സണ്‍ പറഞ്ഞു. മൂന്ന് ദിവസത്തെ ഇന്ത്യാ സന്ദര്‍ശനത്തിനെത്തിയ ടില്ലേഴ്‌സണ്‍ പ്രധാനമന്ത്രി നരേന്ദ്ര മോദിയുമായും കൂടിക്കാഴ്ച നടത്തി.
അഫ്ഗാനിസ്ഥാനിലെ ഭീകരത അമര്‍ച്ച ചെയ്യാന്‍ യു.എസിനൊപ്പം സഹകരിക്കാമെന്ന് നരേന്ദ്ര മോദി യു.എസ് സ്&്വംിഷ;റ്റേറ്റ് സെക്രട്ടറിയ്ക്ക് ഉറപ്പുനല്‍കിയതായാണ് റിപ്പോര്‍ട്ട്. ഇരു രാജ്യങ്ങളും തമ്മിലുള്ള നയതന്ത്ര ബന്ധം ശക്തിപ്പെടുത്തുന്നതിന് ആവശ്യമായ ചര്‍ച്ചകള്‍ ഇരുവരും തമ്മില്‍ ഉണ്ടായി. ഡൊണാള്‍ഡ് ട്രംപ് സര്‍ക്കാരിലെ മുതിര്‍ന്ന ഉദ്യോഗസ്ഥനായ ടില്ലേഴ്‌സണ്‍ ഇറാഖ്, അഫ്ഗാനിസ്ഥാന്‍, ഖത്തര്‍, സൗദി അറേബ്യ, പാകിസ്ഥാന്‍ എന്നിവിടങ്ങളിലെ സന്ദര്‍ശനം പൂര്‍ത്തിയാക്കിയാണ് ഇന്ത്യയിലെത്തിയത്.
ഭീകരതയ്‌ക്കെതിരെ സംയുക്തമായി പോരാടണമെന്ന നിലപാട് കൂടിക്കാഴ്ചയില്‍ ആവര്‍ത്തിച്ചെന്ന് സുഷമാ സ്വരാജ് മാദ്ധ്യമങ്ങളോട് പറഞ്ഞു. ഡിസംബറില്‍ ഇന്ത്യഅമേരിക്കഅഫ്ഗാനിസ്ഥാന്‍ സംയുക്ത ചര്‍ച്ച നടത്തും. ഭീകരതയ്‌ക്കെതിരെ പാകിസ്ഥാന്‍ ശക്തമായ നടപടി സ്വീകരിച്ചില്ലെങ്കില്‍ അന്താരാഷ്ട്ര സമൂഹത്തില്‍ അവര്‍ ഒറ്റപ്പെടുമെന്നും സുഷമ കൂട്ടിച്ചേര്‍ത്തു. സാമ്പത്തിക മേഖലയിലും നയതന്ത്ര തലത്തിലും ഇന്ത്യയു.എസ് ബന്ധം മെച്ചപ്പെടുത്താനുള്ള ചര്‍ച്ചകള്‍ മൂന്ന് ദിവസത്തെ സന്ദര്‍ശനത്തിനിടെ നടക്കും.
https://www.facebook.com/Malayalivartha
