ഏറെനാളത്തെ കഷ്ടാപാടുകൾ നിറഞ്ഞ ജീവിതത്തിൽ നിന്ന് സ്വപ്ന സാക്ഷാത്കാരത്തിന്റെ അടുത്തെത്തി ഹെയ്ദി സാദിയ ; ചരിത്രത്തിലാദ്യമായി തിരുവനന്തപുരം പ്രസ് ക്ലബ്ബിൽ ട്രാന്സ്ജെന്ഡര് വിദ്യാര്ത്ഥി

ചരിത്രത്തിലാദ്യമായി തിരുവനന്തപുരം പ്രസ് ക്ലബ്ബിൽ ട്രാന്സ്ജെന്ഡര് വിഭാഗത്തില്പ്പെട്ടയാള് വിദ്യാര്ത്ഥിയാകുന്നു. തൃശൂര് ചേറ്റുവ സ്വദേശിയായ ഹെയ്ദി സാദിയയാണ് മാധ്യമപ്രവർത്തന പഠനത്തിനായി തിരുവനന്തപുരം പ്രസ് ക്ലബ്ബിൽ എത്തിയിരിക്കുന്നത്.
ഏറെനാളത്തെ കഷ്ടാപാടുകൾ നിറഞ്ഞ ജീവിതത്തിൽ നിന്ന് സ്വപ്ന സാക്ഷാത്കാരത്തിന്റെ അടുത്തെത്തിയിരിക്കുകയാണ് ഹെയ്ദി. പതിനെട്ടാം വയസിൽ നാടുവിട്ട ഹെയ്ദി വിവിധ സംസ്ഥാനങ്ങളിലൂടെ അലഞ്ഞു നടന്നു. ജീവിക്കാനായി ഒരുപാട് മാർഗങ്ങൾ നോക്കി. അപ്പോളെല്ലാം പഠനം വലിയൊരു മോഹമായി അവശേഷിച്ചു. ഡൽഹിയിലെ ഒരു എൻജിയോക്ക് വേണ്ടി എയ്ഡ്സ് രോഗികളെ പരിചരിക്കാൻ ഹൈഡി ഉണ്ടായിരുന്നു. ഇതിനൊപ്പം ഡിഗ്രി പ്രൈവറ്റായി പഠിച്ചു. ഡൽഹിയിലെ ജീവിതമാണ് ഹെയ്ദിക്ക് മനക്കരുത്ത് നൽകിയത്. രണ്ടര വര്ഷം മുന്പ് സര്ജറിയിലൂടെ സ്ത്രീയായി മാറി.
ജീവിതത്തില് അനുഭവിച്ച ചൂഷണങ്ങളില് നിന്നും രക്ഷപ്പെട്ട്, പഠിച്ച് മുന്നേറി, മാധ്യമപ്രവര്ത്തയാകണമെന്ന ആഗ്രഹം ഹെയ്ദിയെ തിരുവനന്തപുരം പ്രസ് ക്ലബ്ബിലെത്തിച്ചു. ഇനി വാര്ത്തകളുടെ ലോകത്ത് നിറയണമെന്ന സ്വപ്നം പൂര്ത്തിയാക്കണം ഹെയ്ദിക്ക്. തന്റെ വിഭാഗത്തിലുള്ളവര്ക്ക് എന്നും ഒരു പ്രചോദനമായി ഉണ്ടാകും എന്ന ദൃഢനിശ്ചയത്തിലുമാണ് ഹെയ്ദി.
https://www.facebook.com/Malayalivartha





















