കള്ളന് വാക്കുപാലിക്കുമോ... ഗതികേടുകൊണ്ട് എടുത്തതാണ്, പൊറുക്കണം. ബാക്കിത്തുക ഒരു മാസത്തിനകം തിരികെ തരും"; മുതലാളി കഴിക്കാൻ പോയ സമയം നോക്കി മോഷ്ടാവ് അകത്തു കയറി കാശെടുത്ത് മുങ്ങി... തെളിവുകൾ അവശേഷിപ്പിക്കാത്തതിനാൽ കേസന്വേഷണം വഴിമുട്ടി... അന്വേഷണ സംഘത്തെ പോലും ഞെട്ടിച്ച് കൊണ്ട് ആ ട്വിസ്റ്റ്
കഴിഞ്ഞ എട്ടിന് ഉച്ചയ്ക്ക് ഒരു മണിയോടെ സുലൈമാന് ആഹാരം കഴിക്കാന് പോയ സമയത്തായിരുന്നു മോഷണം. മേശയുടെ ഡ്രോയിലും ബാഗിലുമായി സൂക്ഷിച്ചിരുന്ന ഇരുപതിനായിരത്തോളം രൂപയാണു കവര്ന്നത്. ഇതു സംബന്ധിച്ച് എരുമേലി പോലീസില് പരാതി നല്കിയിരുന്നു.
എന്നാൽ മോഷ്ടിച്ച പണത്തില്നിന്ന് ഒരു വിഹിതം ക്ഷമാപണത്തോടെ തിരിച്ചുനല്കിയിരിക്കുകയാണ് കള്ളന്. ബാക്കിത്തുക ഉടന് തിരിച്ചുനല്കുമെന്നും മോഷ്ടാവിന്റെ ഉറപ്പ്. ചേനപ്പാടി സ്വദേശി സുലൈമാന്റെ ഉടമസ്ഥതയിലുള്ള പുതുപ്പറമ്പില് സ്റ്റോഴ്സ് ആന്ഡ് ചിക്കന് സെന്ററിലാണു വേറിട്ട മോഷണം നടന്നത്. കഴിഞ്ഞ ദിവസം രാവിലെ കട തുറക്കാനെത്തിയ സുലൈമാനെ കാത്ത് കടയ്ക്കു മുന്നില് ഒരു പ്ലാസ്റ്റിക് കൂടുണ്ടായിരുന്നു.
അതില് മോഷണമുതലില് നിന്നുള്ള 9,600 രൂപയും ക്ഷമാപണ കുറിപ്പടിയുമാണു കണ്ടത്. "ഗതികേടുകൊണ്ട് എടുത്തതാണ്, പൊറുക്കണം. ബാക്കിത്തുക ഒരു മാസത്തിനകം തിരികെ തരും" എന്നായിരുന്നു കുറിപ്പില്. ബാക്കി തുക തിരികെ കിട്ടുന്നതും നോക്കി പ്രതീക്ഷയോടെ കാത്തിരിക്കുകയാണ് കടയുടമ.
https://www.facebook.com/Malayalivartha
