ഇന്നു മുതൽ ബുധൻ വരെ ശക്തമായ വേനൽ മഴയ്ക്ക് സാദ്ധ്യതയെന്ന് കേന്ദ്ര കാലാവസ്ഥാ വകുപ്പ്. 24 മണിക്കൂറിൽ 64 -115 മില്ലിമീറ്റർ വരെ ലഭിക്കാവുന്ന അതിശക്ത മഴ ചിലയിടങ്ങളിൽ ലഭിക്കാവുന്നതാണ്.

വിവിധ ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. മണിക്കൂറിൽ 40-50 കിലോ മീറ്റർ വേഗതയിൽ കാറ്റിനും സാദ്ധ്യതയുണ്ട്. ദുരന്ത നിവാരണ അതോറിറ്റി ജാഗ്രതാ നിർദ്ദേശങ്ങൾ പുറപ്പെടുവിച്ചു.

ശക്തമായ ഇടിമിന്നലിനും സാദ്ധ്യതയുള്ളതിനാൽ ഉച്ചയ്ക്ക് 2 മുതൽ രാത്രി 10 വരെ അതീവ ജാഗ്രത പാലിക്കണം. മലയോര മേഖലകളിൽ താമസിക്കുന്നവർ ഉരുൾപൊട്ടൽ, മണ്ണിടിച്ചിൽ സാദ്ധ്യത മുൻനിർത്തി ജാഗ്രത പുലർത്തേണ്ടതാണ്

ശക്തമായ മഴയുള്ള സമയങ്ങളിൽ ജലാശയങ്ങളിൽ കുളിക്കാനോ മീൻപിടിക്കാനോ ഇറങ്ങരുത്. കാറ്റിൽ മരങ്ങൾ വീഴാൻ സാദ്ധ്യതയുള്ളതിനാൽ വാഹനങ്ങൾ മരങ്ങൾക്ക് ചുവട്ടിൽ പാർക്ക് ചെയ്യരുത്.
ഇന്ന് കൊല്ലം, പത്തനംതിട്ട, ആലപ്പുഴ, ഇടുക്കി ജില്ലകളിലും നാളെ ഇടുക്കി, പാലക്കാട് ജില്ലകളിലും 5ന് എറണാകുളം, തൃശൂർ, മലപ്പുറം, വയനാട് ജില്ലകളിലും 6ന് ആലപ്പുഴ, കോട്ടയം, എറണാകുളം, തൃശൂർ, വയനാട് ജില്ലകളിലും യെല്ലോ അലർട്ട് പ്രഖ്യാപിച്ചു.

 ഏപ്രിൽ മാസത്തെ റേഷൻ ഭക്ഷ്യധാന്യം 15 വരെ വാങ്ങാം...

ഏപ്രിൽ മാസത്തെ റേഷൻ ഭക്ഷ്യധാന്യം 15 വരെ വാങ്ങാം. 16ന്‌ റേഷൻകടകൾക്ക്‌ അവധിയാണ്‌. മേയിലെ റേഷൻ മുൻകൂറായി വാങ്ങാത്ത കാർഡ്‌ ഉടമകൾക്ക്‌ 30വരെ സമയമുണ്ട്‌.

ഏപ്രിൽ നാല്‌ മുതൽ ഏപ്രിൽ, മേയ്‌ മാസത്തിലെ റേഷൻ ഒന്നിച്ച്‌ വാങ്ങാൻ സ‍ൗകര്യം ഏർപ്പെടുത്തിയിട്ടുണ്ടായിരുന്നു.