മുഖ്യമന്ത്രിക്ക് 25 ലക്ഷം രൂപ നല്കി പുറത്തിറങ്ങിയ ലാലേട്ടനെ സല്യൂട്ടടിച്ച വീഡിയോ വൈറലായി
ലാലേട്ടനെ സല്യൂട്ടടിച്ച സെക്രട്ടറിയേറ്റ് ജീവനക്കാരന് സ്റ്റാറായി. പ്രളയക്കെടുതി നേരിടാന് മുഖ്യമന്ത്രിയുടെ ദുരിതാശ്വാസ നിധിയിലേക്കുള്ള തുക കൈമാറാന് എത്തിയപ്പോയാണ് സല്യൂട്ടടി ലഭിച്ചത്.
കഴിഞ്ഞ ദിവസം നടന്മാരായ മമ്മൂട്ടിയും ദുല്ഖര് സല്മാനും 25 ലക്ഷം രൂപ വീതം മുഖ്യമന്ത്രിയുടെ ദുരിതാശ്വാസ ഫണ്ടിലേക്ക് സംഭാവന നല്കിയിരുന്നു. തമിഴ് അഭിനേതാക്കളുടെ സംഘടനയായ നടികര് സംഘവും തമിഴ് ടെലിവിഷന് ചാനലായ വിജയ് ടിവിയും ദൗത്യത്തില് പങ്കാളികളായിട്ടുണ്ട്.
മന്ത്രിസഭ യോഗത്തിനുശേഷം മുഖ്യമന്ത്രിയുടെ പത്ര സമ്മേളനം നടക്കുന്നതിനിടയിലാണ് ലാല് പ്രളയക്കെടുതിയില് ദുരിതം അനുഭവിക്കുന്നവര്ക്കുള്ള സഹായം മുഖ്യമന്ത്രിയെ നേരിട്ട് കണ്ട് നല്കാന് എത്തിയത്. മുഖ്യമന്ത്രിയുടെ ദുരിതാശ്വാസ നിധിയിലേക്ക് മോഹന്ലാല് 25 ലക്ഷം രൂപയുടെ ചെക്ക് നല്കി.
അധിക സമയം അവിടെ നില്ക്കാതെ പെട്ടെന്ന് തന്നെ പുറത്തോട്ടിറങ്ങിയ നേരത്താണ് ഒരു സെക്യൂരിറ്റിക്കാരന് ലാലേട്ടനൊരു കിടിലന് സല്യൂട്ട് സമ്മാനിച്ചത്. ഇതിന്റെ വീഡിയോ ഇപ്പോള് സമൂഹ മാധ്യമങ്ങളില് വൈറല് ആയിരിക്കുകയാണ്. ലൂസിഫര് ഷൂട്ടിങ്ങിനു വേണ്ടി ഇന്നലെയാണ് അദേഹം തിരുവനന്തപുരത്ത് എത്തിയത്.
https://www.facebook.com/Malayalivartha