ഷൂട്ടിങ് സെറ്റില് കീര്ത്തി സുരേഷ് സഹപ്രവര്ത്തകര്ക്ക് നല്കിയ സമ്മാനം കണ്ട് എല്ലാവരും അമ്പരന്നു
കീര്ത്തി സുരേഷ് ആളാകെ മാറിപ്പോയി. കീര്ത്തിയുടെ സമ്മാനമാണ് ഇപ്പോഴത്തെ ചര്ച്ചാ വിഷയം.
ഷൂട്ടിങ് സെറ്റില് സഹപ്രവര്ത്തകര്ക്ക് സ്വര്ണ്ണം നല്കി നന്ദി അറിയിക്കുന്നത് തമിഴ് സിനിമയിലെ സാധാരണ കാര്യമാണ്. നടന്മാരാണ് സാധാരണ ഇത് ചെയ്യുന്നത്. എന്നാല് സൂപ്പര് താരപദവിയിലേയ്ക്കുയരുന്ന നടി കീര്ത്തി സുരേഷ് സഹപ്രവര്ത്തകരെ ഞെട്ടിച്ചിരിക്കുകയാണ്. വിശാല് നായകനാകുന്ന സണ്ടക്കോഴി 2വിന്റെ അവസാന ദിവസം സെറ്റിലെ 150ഓളം ജോലിക്കാര്ക്ക് ഒരു ഗ്രാം വീതമുളള സ്വര്ണ്ണ നാണയം കീര്ത്തി സമ്മാനമായി നല്കി.
സെറ്റിലെ കീര്ത്തിയുടെ ഡെഡിക്കേഷനും ആത്മാര്ത്ഥയും മറ്റുള്ളവരോടുളള പെരുമാറ്റവും ഏവരെയും അത്ഭുതപ്പെടുത്തിയിരുന്നു. അവസാനദിവസം നായകനേക്കാള് കീര്ത്തിക്കൊപ്പം സെല്ഫി എടുക്കാനും പരിചയപ്പെടാനുമാണ് സെറ്റിലുള്ളവര് ഓടിയെത്തിയത്. കീര്ത്തിക്ക് വേണ്ടി അവര് പ്രത്യേകമായി കേക്ക് മുറിക്കുകയും ചെയ്തു. അതിനെടെയായിരുന്നു സ്വര്ണ നാണയം നല്കി സഹപ്രവര്ത്തകരെ കീര്ത്തി ഞെട്ടിച്ചത്. ഇതിന് മുമ്പ് മഹാനടി സിനിമയുടെ ഷൂട്ടിങ് അവസാനദിവസം അണിയറപ്രവര്ത്തകര്ക്ക് നടി സ്വര്ണ നാണയം സമ്മാനമായി നല്കിയിരുന്നു.
കരിയറിന്റെ ആദ്യകാലഘട്ടങ്ങളില് ഏറെ വിമര്ശനങ്ങള് കേള്ക്കേണ്ടി വന്ന താരമാണ് കീര്ത്തി. പിന്നീട് സ്വയപ്രയത്നത്താല് നടി ഉയരത്തിലെത്തി. മഹാനടിയുടെ വമ്പന് വിജയത്തോടെ നടിക്ക് ആരാധകരും ഏറി. നടിയെ ഒന്ന് നേരിട്ട് കാണുവാന് ആയിരക്കണക്കിന് ആളുകളാണ് ഓരോ സ്ഥലത്തും എത്തുന്നത്. മുമ്പ് വിമര്ശിച്ചും പരിഹസിച്ചും വന്നവരൊക്കെ നടിയെ പ്രശംസിച്ച് എത്തുകയാണ് ഇപ്പോള്.
തമിഴിലും തെലുങ്കിലും ഇപ്പോള് കീര്ത്തിക്ക് കൈനിറയെ പ്രോജക്ടുകളാണ്, വിക്രം നായകനാകുന്ന സാമി 2, വിജയ്മുരുകദോസ് ചിത്രം. ഇവയാണ് കീര്ത്തിയുടെ പുതിയ പ്രോജക്ടുകള്.
https://www.facebook.com/Malayalivartha