മഴയിൽ കുളിച്ച് സംസ്ഥാനം... ഇതുവരെ നേരിട്ടിട്ടില്ലാത്ത അടിയന്തരസാഹചര്യം കണക്കിലെടുത്ത് അടിയന്തര യോഗം വിളിച്ചുകൂട്ടി മുഖ്യമന്ത്രി; സംസ്ഥാനത്ത് 12 ജില്ലകളില് റെഡ് അലേര്ട്ട് പ്രഖ്യാപിച്ചു... 33 ഡാമുകളുടെ ഷട്ടറുകള് തുറന്നു; പുഴകളും തോടുകളും കരകവിഞ്ഞൊഴുകുന്നു
ചരിത്രത്തില് മുന്പെങ്ങും ഉണ്ടായിട്ടില്ലാത്തവിധത്തില് സംസ്ഥാനത്ത് ദുരിതം വര്ഷിച്ച് കാലവര്ഷം തുടരുകയാണ്. ഇടയ്ക്കൊന്ന് ശമിച്ച മഴ കൂടുതല്രൗദ്രഭാവം പൂണ്ട് തിരിച്ചെത്തിയിരിക്കുകയാണ്. കനത്തമഴയില് സംസ്ഥാനം വിറങ്ങലിച്ച് നില്ക്കുകയാണ്. ഇതുവരെ നേരിട്ടിട്ടില്ലാത്ത അടിയന്തരസാഹചര്യമാണ് സംസ്ഥാനത്ത് ഉടലെടുത്തിരിക്കുന്നത്.
മഴക്കെടുതി രൂക്ഷമാകുന്ന സാഹചര്യത്തില് മുഖ്യമന്ത്രി അടിയന്തര യോഗം വിളിച്ചു. അഡീഷണല് ചീഫ് സെക്രട്ടറി പി.എച്ച് കുര്യന് അടക്കമുള്ള ഉന്നത ഉദ്യോഗസ്ഥര് യോഗത്തില് പങ്കെടുക്കുന്നു. മഴ കൂടുതല് ശക്തിപ്രാപിക്കുകയാണ്. ഒഡീഷ തീരത്ത് രൂപം കൊണ്ട ന്യൂനമര്ദ്ദമാണ് ശക്തമായ മഴയ്ക്ക് കാരണമായത്.
ഈ ന്യൂന മര്ദ്ദത്തിന്റെ ശക്തി ഇതുവരെ കുറഞ്ഞിട്ടില്ല. ഇത് ആശങ്കയുണ്ടാക്കുന്നുണ്ട്. സംസ്ഥാനത്ത് 12 ജില്ലകളില് റെഡ് അലേര്ട്ട് പ്രഖ്യാപിച്ചു. 33 ഡാമുകളുടെ ഷട്ടറുകള് തുറന്നു.വിവിധ കേന്ദ്ര സേനകള് കുറേനാളുകളായി സംസ്ഥാനത്ത് രക്ഷാ പ്രവര്ത്തനങ്ങള് നടത്തുന്നുണ്ട്. കൂടുതല് സേനയെ ആവശ്യപ്പെടേണ്ട സാഹചര്യമാണ് നിലവിലുള്ളത്.
https://www.facebook.com/Malayalivartha