ചരിത്രത്തില്‍ മുന്‍പെങ്ങും ഉണ്ടായിട്ടില്ലാത്തവിധത്തില്‍ സംസ്ഥാനത്ത് ദുരിതം വര്‍ഷിച്ച്‌ കാലവര്‍ഷം തുടരുകയാണ്. ഇടയ്‌ക്കൊന്ന് ശമിച്ച മഴ കൂടുതല്‍രൗദ്രഭാവം പൂണ്ട് തിരിച്ചെത്തിയിരിക്കുകയാണ്. കെപിസിസി മുന്‍ പ്രസിഡന്റുമായ വി. എം സുധീരനെ ​ഗൗരീശപട്ടത്തെ വീട്ടില്‍ വെളളം കയറിയതിനെത്തുടര്‍ന്ന് മാറ്റി. പനി മൂലം വീട്ടില്‍ വിശ്രമിക്കുകയായിരുന്നു അദ്ദേഹം.

ബോട്ടിലാണ് ഇദ്ദേഹത്തെയും ഭാര്യയും ​ഗവണ്‍മെന്റ് ​ഗസ്റ്റ്ഹൗസിലേക്ക് എത്തിച്ചത്. രണ്ട് ദിവസമായി തലസ്ഥാന ന​ഗരിയില്‍ മഴ കനത്ത അവസ്ഥയിലാണ്. ന​ഗരത്തിലെ പല വീടുകളിലും വെള്ളം കയറി. സുധീരന്റെ വീടിന്റെ മുറികള്‍ക്കുള്ളില്‍ മുട്ടൊപ്പം വരെ വെള്ളമെത്തി.