ഹോസ്പിറ്റലിന്റെ താഴത്തെ നില പൂര്ണമായും മുങ്ങിക്കൊണ്ടിരിക്കുകയാണ്... പ്ലീസ് ഹെൽപ്പ്!! ജീവന് രക്ഷിക്കാന് അഭ്യർത്ഥിച്ച് മുത്തൂറ്റ് മെഡിക്കല് സെന്റര് ആശുപത്രി നഴ്സിന്റെ ഫേസ്ബുക്ക് പോസ്റ്റ്
ഫേസ്ബുക്ക് ലെെവിലൂടെ ജീവന് രക്ഷിക്കാന് പത്തനംതിട്ട കോഴഞ്ചേരി മെഡിക്കല് സെന്റര് ആശുപത്രി നഴ്സിന്റെ അഭ്യര്ത്ഥന. രമ്യ രാഘവന് എന്ന നഴ്സാണ് രോഗികളും സ്റ്റാഫും ഉള്പ്പെടെ നിരവധി പേര് ഇവിടെ കുടുങ്ങി കിടക്കുകയാണെന്ന് വ്യക്തമാക്കിയത്. അടിയന്തിര നമ്ബറുകളില് ഒന്നും വിളിച്ചിട്ട് കിട്ടുന്നില്ലെന്നും ആരെങ്കിലും ഉടന് വന്ന് സഹായിക്കണമെന്നും ഇവര് പറയുന്നു.
വീഡിയോയിലെ വാക്കുകള്
'ശക്തമായ മഴയാണ്. ഒന്നും ചെയ്യാന് പറ്റുന്നില്ല. വിളിച്ചിട്ട് കിട്ടുന്നില്ല. എന്ത് ചെയ്യണമെന്ന് ഞങ്ങള്ക്കും അറിയില്ല. ഹോസ്പിറ്റലിന്റെ താഴത്തെ നില പൂര്ണമായും മുങ്ങിക്കൊണ്ടിരിക്കുകയാണ്. മുന്നില് പാര്ക്ക് ചെയ്തിരിക്കുന്ന വാഹനങ്ങള് വെള്ളത്തില് പൂര്ണമായും മുങ്ങി. പ്ലീസ് ഹെല്പ്. ഒരു ഹെല്പ് ലൈനിലും വിളിച്ചിട്ട് കിട്ടുന്നില്ല. എല്ലാ ലൈനുകളും തിരക്കിലാണ്. 250 ജീവനക്കാരുണ്ട് ഇവിടെ.
രോഗികളും അവര്ക്ക് ഒപ്പമുള്ളവരും ഉണ്ട്. രോഗികള്ക്കടക്കം ഇന്നലെ സൂക്ഷിച്ച് വച്ച അത്യാവശ്യ ഭക്ഷണമേ ഉള്ളൂ. എങ്ങനെയെങ്കിലും ഞങ്ങളെ ഇവിടെ നിന്ന് രക്ഷിച്ചേ പറ്റൂ. മുത്തൂറ്റ് മെഡിക്കല് സെന്റര് കോഴഞ്ചേരിയാണ് സ്ഥലം. രണ്ടാള് പൊക്കത്തില് ഇപ്പോള് വെള്ളമുണ്ട്. കനത്ത മഴയില് ജലനിരപ്പ് ഉയരുന്നുകൊണ്ടിരിക്കുകയാണ്. ഭക്ഷണമില്ലെങ്കിലും സാരമില്ല, ഞങ്ങളുടെ ജീവന് രക്ഷിക്കൂ.'
https://www.facebook.com/Malayalivartha