കൊച്ചിയില് ഒറ്റപ്പെട്ടുപോയവരെ രക്ഷിക്കുന്നതിനുള്ള രക്ഷാപ്രവര്ത്തനം അഞ്ചുമണിക്ക് ആരംഭിക്കും; കര, നാവിക, വ്യോമസേനകള്, ദേശീയ ദുരന്തനിവാരണ സേന, പൊലീസ്, ഫയര്ഫോഴ്സ് എന്നിവര് ചേര്ന്നാകും രക്ഷാ പ്രവര്ത്തനം
പെരിയാറും മൂവാറ്റുപുഴയാറും കരകവിഞ്ഞതിനെ തുടര്ന്ന് വിവിധ പ്രദേശങ്ങളില് ഒറ്റപ്പെട്ടുപോയവരെ രക്ഷിക്കുന്നതിനുള്ള സമഗ്ര രക്ഷാപ്രവര്ത്തനം ഇന്ന് പുലര്ച്ചെ മുതല് നടക്കും. കര നാവിക വ്യോമസേനകള്, ദേശീയ ദുരന്തനിവാരണ സേന, പൊലീസ്, ഫയര്ഫോഴ്സ് എന്നിവയാണ് വിവിധ സ്ഥലങ്ങളില് സര്വ സന്നാഹങ്ങളോടും കൂടി രക്ഷാപ്രവര്ത്തനത്തിനിറങ്ങുക.
ഇന്നലെ രാത്രി കളമശേരിയിലെ താല്ക്കാലിക കണ്ട്രോള് റൂമില് ചേര്ന്ന അടിയന്തരയോഗം രക്ഷാപദ്ധതിക്ക് രൂപം നല്കി. ജില്ലാ കളക്ടര് മുഹമ്മദ് വൈ സഫിറുള്ള, സ്പെഷ്യല് ഓഫീസറും മുന് കളക്ടറുമായ എം.ജി രാജമാണിക്യം, ഐ.ജി വിജയ് സാഖറെ എന്നിവരും മറ്റ് ഉന്നത ഉദ്യോഗസ്ഥരും യോഗത്തില് പങ്കെടുത്തു. രാവിലെ അഞ്ചു മണിക്ക് രക്ഷാദൗത്യം ആരംഭിക്കും. ആലുവയില് ദേശീയ ദുരന്ത നിവാരണ സേനയും കാലടിയില് കരസേനയും മൂവാറ്റുപുഴയില് നാവിക സേനയും രംഗത്തിറങ്ങും. പൊലീസും ഫയര്ഫോഴ്സും സന്നദ്ധ പ്രവര്ത്തകരും ഒപ്പമുണ്ടാകും.
വ്യോമസേനയുടെ ഹെലികോപ്റ്ററുകള് രക്ഷാദൗത്യത്തിന് പിന്തുണ നല്കും. ദുര്ഘട കേന്ദ്രങ്ങളില് ഹെലികോപ്റ്ററില് നിന്നും കയറിട്ടു കയറ്റിയാകും രക്ഷാപ്രവര്ത്തനം. ഭക്ഷണപ്പൊതികളും ഹെലികോപ്റ്ററില് വിതരണം ചെയ്യും. സേനകളുടെ ഡിങ്കി ബോട്ടുകള്ക്ക് പുറമേ മത്സ്യബന്ധനത്തിന് ഇറങ്ങുന്ന ചെറുതും വലുതുമായ യാനങ്ങളും രക്ഷാപ്രവര്ത്തനത്തിന് ഉണ്ടാകും മത്സ്യബന്ധന യാനങ്ങള് ലോറിയില് കയറ്റിയാണ് നിശ്ചിത കേന്ദ്രങ്ങളില് എത്തിക്കുക. വഞ്ചിയില് രക്ഷപ്പെടുത്തുന്നവരെ താമസിപ്പിക്കാന് അങ്കമാലിയിലും വ്യോമമാര്ഗം രക്ഷപ്പെടുത്തുന്നവരെ താമസിപ്പിക്കാന് നേവല് ബേസിനെ സമീപവും ക്യാമ്പുകള് തുറക്കും. രക്ഷാപ്രവര്ത്തനത്തിന് ഏകോപന ചുമതല ജില്ലാ കളക്ടര് മുഹമ്മദ് വൈ സഫറുള്ള നിര്വഹിക്കും വിവിധ കേന്ദ്രങ്ങളിലെ രക്ഷാപ്രവര്ത്തനത്തിന് സ്പെഷ്യല് ഓഫീസര് എംജി രാജമാണിക്യം മേല്നോട്ടം വഹിക്കും.
https://www.facebook.com/Malayalivartha
