ഞങ്ങളിപ്പോഴും കുടുങ്ങി കിടക്കുകയാണ്... ഭക്ഷണമോ വെള്ളമോ ഇല്ല.. പാമ്പും പഴുതാരയുമടക്കമുള്ള വിഷജന്തുക്കളുടെ ശല്യം രൂക്ഷമാണെന്നതിനാൽ താഴേക്ക് ഇറങ്ങാൻ സാധിക്കുന്നില്ല; ഇനിയും ആരുംവന്നില്ലെങ്കില് ഞങ്ങള് ജീവനോടെ കാണില്ല
സംസ്ഥാനത്തെ പ്രളയക്കെടുതി അതീവ ഗുരുതരമായി തുടരുകയാണ്. അതേസമയം മാന്നാലി ശ്രീനാരായണ മെഡിക്കല് കോളേജില് മുപ്പതിലധികം വിദ്യാര്ത്ഥികള് കുടുങ്ങിക്കിടക്കുകയാണ്. കോളേജ് ഹോസ്റ്റലിലെ കെട്ടിടത്തിന് മുകളിലാണ് പെൺകുട്ടികളടക്കമുള്ള വിദ്യാർത്ഥികൾ കുടുങ്ങിക്കിടക്കുന്നത്. ഭക്ഷണമോ വെള്ളമോ ഇല്ല. പാമ്പും പഴുതാരയുമടക്കമുള്ള വിഷജന്തുക്കളുടെ ശല്യം രൂക്ഷമാണെന്നതിനാൽ താഴേക്ക് ഇറങ്ങാൻ തന്നെ കഴിയുന്നില്ലെന്നും കുട്ടികൾ പറയുന്നു.
നേരത്തെ തങ്ങള് രക്ഷപ്പെട്ടുവെന്ന തരത്തില് പ്രചരിക്കുന്ന വാര്ത്തകള് വ്യാജമാണെന്ന് അല്പസമയം മുൻപ് പുറത്തുവിട്ട വീഡിയോ സന്ദേശത്തില് വിദ്യാര്ത്ഥികള് വ്യക്തമാകുന്നു.
രണ്ട് ദിവസമായി അധികൃതരുമായി ബന്ധപ്പെടാന് ശ്രമിക്കുന്നുണ്ടെങ്കിലും കഴിയുന്നില്ലെന്ന് വിദ്യാര്ത്ഥികള് പറയുന്നു. ഇനിയും ആരും വന്നില്ലെങ്കിൽ തങ്ങൾ ജീവനോടെ കാണില്ലെന്ന് നിസഹായതോടെ പറയുകാണ് ഇവർ. അതെ സമയം രക്ഷാപ്രവര്ത്തനങ്ങള് കൂടുതല് പൊലീസ് ഉദ്യോഗസ്ഥരെ നിയോഗിച്ചു കഴിഞ്ഞതായി ഡി.ജി.പി അറിയിച്ചു. ഉന്നത ഉദ്യോഗസ്ഥര് മുതല് താഴെവരെയുള്ള 35000 ത്തിലേറെ പൊലീസ് ഉദ്യോഗസ്ഥരെ ദുരിതാശ്വാസ പ്രവര്ത്തനങ്ങള്ക്കായി വിന്യസിച്ചിട്ടുണ്ട്.
കോസ്റ്റല് പൊലീസിന്റെ 258 ബോട്ടുകള് വിവിധ സ്റ്റേഷനുകളില് നിന്ന് മൊബിലൈസ് ചെയ്തിട്ടുണ്ട്. പൊതുജനങ്ങള്ക്കും തുണിത്തരങ്ങള്, പെട്ടെന്ന് കേടാകാത്ത ഭക്ഷ്യവസ്തുക്കള് തുടങ്ങി വിവിധ സാധന സാമഗ്രികള് പോലീസിനെ ഏല്ക്കാമെന്ന് സംസ്ഥാന പൊലീസ് മേധാവി അറിയിച്ചു. പോലീസ് സ്റ്റേഷനുകളിലോ ജില്ലാ പോലീസ് ആസ്ഥാനത്തോ പായ്ക്ക് ചെയ്ത് ഇവ എത്തിക്കാം.
എല്ലാ ജില്ലകളിലും മുതിര്ന്ന പൊലീസ് ഉദ്യോഗസ്ഥരെ രക്ഷാപ്രവര്ത്തനങ്ങള് ഏകോപിപ്പിക്കാന് ചുമതലപ്പെടുത്തിയിട്ടുണ്ട്. പത്തനംതിട്ടയിലും തൃശ്ശൂരിലും (ചാലക്കുടി) എറണാകുളത്തും (ആലുവ) രക്ഷാപ്രവര്ത്തനങ്ങള് ഉള്പ്പെടെയുള്ള പൊലീസ് നടപടികള് ഏകോപിപ്പിക്കുന്നതിന് ചുമതലയുള്ള താഴെപ്പറയുന്ന പൊലീസ് ഉദ്യോഗസ്ഥരെ കണ്ട്രോള് റൂമുകളില് ബന്ധപ്പെടാന് കഴിയാത്തവര്ക്ക് അടിയന്തര സഹായത്തിന് ബന്ധപ്പെടാവുന്നതാണ്.
ഡി.ഐ.ജി, എ പി ബറ്റാലിയന് - 9497998999
കമാന്ഡന്റ് കെ.എ.പി. 3- 9497996967
ജില്ലാ പൊലീസ് മേധാവി, പത്തനംതിട്ട - 9497996983
ജില്ലാ പൊലീസ് മേധാവി, തൃശ്ശൂര് റൂറല്- 9497996978
ഡിവൈ.എസ്.പി. സ്പെഷ്യല് ബ്രാഞ്ച്- 9497990083
ഡിവൈ.എസ്.പി. ക്രൈം ഡിറ്റാച്ച്മെന്റ് - 9497981247
ജില്ലാ പൊലീസ് മേധാവിഎറണാകുളം റൂറല്- 9497996979
(ആലുവ)
ഡിവൈ.എസ്.പി. സ്പെഷ്യല് ബ്രാഞ്ച്- 9497990073
https://www.facebook.com/Malayalivartha
