നമ്പി നാരായണനെ ബി.ജെ.പി തിരുവനന്തപുരത്ത് ഇറക്കും; തിരുവനന്തപുരമോ, നേമത്തോ ആയിരിക്കും നമ്പി നാരായണന് മത്സരിക്കുക
ഐ.എസ്.ആര്.ഒ ചാരക്കേസില് കുറ്റാരോപിതനാവുകയും പിന്നീട് കുറ്റവിമുക്തനാവുകയും ചെയ്ത വിഖ്യാത ശാസ്ത്രജ്ഞന് നമ്പിനാരായണനെ വരുന്ന നിയമസഭ തെരഞ്ഞെടുപ്പില് തിരുവനന്തപുരം ജില്ലയില് നിന്നും മത്സരിപ്പിക്കാന് ബി.ജെ.പി ആലോചിക്കുന്നു. പ്രധാനമന്ത്രി നരേന്ദ്രമോഡിയുടെ നോമിനിയാണ് നമ്പി നാരായണന്. കഴിഞ്ഞ ലോകസഭാ തെരഞ്ഞെടുപ്പിനു മുന്പ് പ്രചരണത്തിന് തിരുവനന്തപുരത്തെത്തിയ നരേന്ദ്രമോഡി, നമ്പി നാരായണനുമായി ദീര്ഘനേരം സംസാരിച്ചിരുന്നു. നമ്പിനാരായണന്റെ ആവശ്യപ്രകാരമല്ല മോഡിയുടെ ആവശ്യപ്രകാരമാണ് നമ്പിനാരായണന് അദ്ദേഹത്തെ കണ്ടത്.
ഐ.എസ്.ആര്.ഒ ചാരക്കേസ് കെട്ടിച്ചമച്ചതാണെന്ന കോടതി വിധി നമ്പിനാരായണന്റെ സത്പേര് വര്ധിപ്പിച്ചിരുന്നു. 90 കളുടെ ആദ്യം ഇസ്റോ ചാരക്കേസ് ഉണ്ടാകാതിരുന്നെങ്കില് മംഗള്യാല് എന്ന ഇന്ത്യയുടെ സ്വപ്നം എത്രയോ വര്ഷം മുമ്പേ സാധ്യമായേനെ. ഇസ്റോ ചാരക്കേസ് അമേരിക്ക കെട്ടിച്ചമച്ചതാണെന്നാണ് ആരോപണം.
ചാരക്കേസില് ഇന്ത്യന് ഐ.ബിക്ക് നിര്ണായക പങ്കുണ്ടായിരുന്നു. അന്ന് ഐ.ബിയില് ഉണ്ടായിരുന്ന ഡി.ജി.പി ആര്.ബി.ശ്രീകുമാറാണ് നമ്പിക്കെതിരെ കേസെടുത്തത്. നമ്പിയെ ഉപദ്രവിച്ചതും ശ്രീകുമാറാണെന്ന് ആരോപണമുണ്ട്. നരേന്ദ്രമോഡിയെ ഗുജറാത്ത് കലാപത്തിന്റെ പേരില് മുഖ്യമന്ത്രിയായിരിക്കെ കേസില് കുടുക്കിയതും അന്ന് ഗുജറാത്തില് പോലീസ് മേധാവി ആയിരുന്ന ആര്.ബി. ശ്രീകുമാറാണ്. നമ്പിയും മോഡിയും കേസില് കുടുങ്ങാനുളള കാരണം ആര്.ബി. ശ്രീകുമാറാണ്. നമ്പിക്കും മോഡിക്കും ശ്രീകുമാറിനെ ഇഷ്ടമല്ല.
കഴിഞ്ഞ ലോകസഭാ തെരഞ്ഞെടുപ്പില് നമ്പിയെ ശശിതരൂരിനെതിരെ മത്സരിപ്പിക്കാന് മോഡി ആലോചിച്ചിരുന്നു. നമ്പി ജയിച്ചെങ്കില് കേന്ദ്രമന്ത്രിയാകുമായിരുന്നു. രാജഗോപാലിനോട് മോഡിക്ക് താല്പര്യമില്ല. കാരണം രാജഗോപാല് അദ്വാനി പക്ഷക്കാരനാണ്. പിന്നീട് അദ്വാനി ഇടപെട്ടാണ് രാജഗോപാലിന് സീറ്റ് വാങ്ങികൊടുത്തത്. അങ്ങനെയാണ് നിയമസഭാസീറ്റ് എന്ന വാഗ്ദാനം മോഡി നമ്പിക്ക് നല്കിയത്. മന്ത്രി വി.എസ്.ശിവകുമാറിന്റെ മണ്ഡലമായ തിരുവനന്തപുരമോ, വി. ശിവന്കുട്ടിയുടെ മണ്ഡലമായ നേമത്തോ ആയിരിക്കും നമ്പി നാരായണന് മത്സരിക്കുക. ഇരുസ്ഥലത്തും ബി.ജെ.പി മേധാവിത്വമുളള മണ്ഡലമാണ്.
മോഡിക്കെതിരെ നടപടിയെടുത്ത ഉദ്ദ്യോഗസ്ഥരെ ശിക്ഷിക്കണമെന്ന് ഹൈക്കോടതിയും കഴിഞ്ഞ ദിവസം ആവശ്യപ്പെട്ടിരുന്നു. നമ്പിയുടെ ചിത്രം വെച്ച ഫ്ളെക്സ് ബോര്ഡുകള് നഗരത്തിലുടനീളം കാണാം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
