ദുരിതാശ്വാസ നിധിയിലേക്ക് മലയാളികള് അവരുടെ ഒരു മാസത്തെ ശമ്പളം സംഭവാന ചെയ്യണമെന്ന നിര്ദ്ദേശത്തെ സ്വാഗതം ചെയ്യുന്നു; മുഖ്യമന്ത്രി പിണറായി വിജയന്റെ പ്രവര്ത്തനങ്ങള്ക്ക് പൂര്ണ പിന്തുണയുമായി എ.കെ. ആന്റണി
മഴക്കെടുതിയില് നിന്നും കരകയറി വരുന്ന കേരളത്തിന്റെ പ്രവര്ത്തനങ്ങള്ക്ക് പൂര്ണ പിന്തുണയുമായി കോണ്ഗ്രസ് നേതാവ് എ.കെ. ആന്റണി. മുഖ്യമന്ത്രി പിണറായി വിജയന്റെ പുതിയ കേരളം എന്ന സ്വപ്നത്തെ പിന്തുണയ്ക്കുന്നുവെന്നും അദ്ദേഹം പറഞ്ഞു. പ്രമുഖ വാര്ത്താ ചാനലിലെ സംവാദത്തിനിടെയാണ് ആന്റണി ഇക്കാര്യം തുറന്ന് പറഞ്ഞത്. മുഖ്യമന്ത്രി പിണറായി വിജയന്റെ ദുരിതാശ്വാസ നിധിയിലേക്ക് കഴിവുള്ള മലയാളികള് അവര്ക്ക് ലഭിക്കുന്ന ഒരു മാസത്തെ ശമ്ബളം ഒരു വര്ഷം കൊണ്ട് ദുരിതാശ്വാസ നിധിയിേലക്ക് സംഭവാന ചെയ്യണമെന്ന നിര്ദ്ദേശത്തെ സ്വാഗതം ചെയ്യുന്നുവെന്നും രക്ഷാപ്രവര്ത്തനം മികച്ച രീതിയിലാണ് പൂര്ത്തീകരിച്ചതെന്നും അദ്ദേഹം പറഞ്ഞു.
ക്യാമ്ബുകളിലെ ജീവിതത്തെക്കുറിച്ചോ അവിടുത്തെ സൗകര്യങ്ങളെകുറിച്ചോ ആളുകള്ക്ക് പരാതികളില്ല. വീട്ടില് ഉള്ളതിലും നല്ല സൗകര്യമാണ് ക്യാമ്ബുകളില് എന്നാണ് തന്നോട് പലരും പറഞ്ഞത്. എന്നാല് ക്യാമ്ബുകള് പിരിച്ചുവിട്ടാല് എങ്ങോട്ടു പോകും എന്നറിയാത്ത അവസ്ഥയിലാണ് പലരും.വീടുകളിലേക്ക് തിരിച്ചു പോകുന്നവര്ക്ക് കുറച്ചു നാള് പിടിച്ചു നില്ക്കാന് വേണ്ട സാമ്ബത്തികസഹായങ്ങള് ചെയ്യേണ്ടതായിട്ടുണ്ട്. കഴിഞ്ഞ മൂന്നാഴ്ച്ചയായി കുട്ടനാട്ടില് വെള്ളമിറങ്ങിയിട്ടില്ല.
പ്രളയബാധിത മേഖലകളിലെ റോഡുകള് പൂര്ണമായും തകര്ന്നിരിക്കുകയാണ് അതും പുനര്നിര്മ്മിക്കണം. വീടുകള് പൂര്ണമായും തകര്ന്നവര്, കൃഷി സ്ഥലം നഷ്ടപ്പെട്ടവര്, തൊഴില് നഷ്ടപ്പെട്ടവര് ഇവരെയെല്ലാം പുനരധിവസിപ്പിക്കണമെന്നും ആന്റണി പറഞ്ഞു.ഭാഗികമായി വീട് തകര്ന്നവരുടെ കാര്യത്തില് അടിയന്തിരമായി വീടുകള് ശുചീകരിക്കുകയും കുടിവെള്ള ലഭ്യത ഉറപ്പാക്കുകയും ചെയ്യണം. വൈദ്യുതി, ടെലിഫോണ്, ഗതാഗത സൗകര്യങ്ങളും എത്രയും പെട്ടെന്ന് പുനഃസ്ഥാപിക്കണം. ഇതെല്ലാമാണ് മുഖ്യമന്ത്രിയുടെ സ്വപനപദ്ധതിയായ പുനര്നിര്മ്മാണത്തില് വരുന്നത്. ആതിന് തങ്ങളുടെ പൂര്ണ പിന്തുണയുമുണ്ടെന്ന് അദ്ദേഹം വ്യക്തമാക്കി.
https://www.facebook.com/Malayalivartha